Isajos 51:4 - Библия - Пэ Балтитко Романи чиб (Романэс) 2019

⁴ Пошунэн Ман, Миро народо и кхэри́тко ро́до Миро! Пошунэн Ман тумарэ́ канэнца! Ма́ндыр выджа́ла Зако́но, и сэ́ндо Миро чхува́ва сыр дуд (свэ́то) ваш народы.

Biblija - Pe Baltitko Romani čib (Romanes) 2019

⁴ Pošunen Man, Miro narodo i kherítko ródo Miro! Pošunen Man tumaré kanenca! Mándyr vydžála Zakóno, i séndo Miro čhuváva syr dud (svéto) vaš narody.

Isajos 51:4 Referans Kwoze

1 Petr 2:9

Нэ тумэ́ сан выкэдынэ́ бияныпнастыр, кралитка рашая́, свэ́нта мануша́ Дэвлэ́скирэ миштыпна́стыр, соб (кай) тэ выпхэнэн лачхипэ́н пал Лэ́стэ, Саво́ кхардя́ тумэн калыпна́стыр дро дивно Лэ́скиро дуд (свэ́то);

1 Коринфянэнгэ 9:21

ваш одолэ́нгэ, конэ́стэ нанэ Зако́но, мэ со́мас сы́рбы би Законоскиро (нэ мэ на гиём тэлэ́ Дэвлэ́скиро Законо́стыр, а мэ сом пир чачипэ́н тэл Христосо́скиро Зако́но) ваш дова́, соб (кай) ма́нгэ тэ кэдав кодолэ́н, конэ́стэ нанэ Мойза́скиро Зако́но.

Isajos 2:3

И джа́на бут народэнгирэ мануша́ и пхэнэ́на: “Явэ́н, ґаздасапэ пэ Ра́скирэ-Дэвлэ́скири бэ́рга, дро Яково́скирэ-Дэвлэ́скиро Кхэр, Ёв высыклякирэла амэн, и амэ ява́са тэ псирас Лэ́скирэ дромэ́нца,” пал-дова́, со выджа́ла Зако́но Сионо́стыр, а лав Ра́скирэ-Дэвлэ́скиро – Ерусалимо́стыр.

Isajos 49:6

И Ёв пхэндя́: “Дава́ исын набаро́ рэ́ндо ваш Ту́кэ, со ту явэ́са Миро писха́ри, соб (кай) тэ дживэ́л ро́дыцо Яково́скиро, соб (кай) тэ рисёл ячаибэ́н Израилёскиро; нэ дава́ ишчо (инкэ́) нанэ саро́. Нэ кэра́ва Мэ Тут дудэса (свэтоса) ваш манушэ́нгэ, соб (кай) тэ джинэ́н Миро зракхибэ́н сарэ́ яго́ры (концы) пэ пхув.”

Isajos 42:6

Мэ, Рай Дэвэ́л, прикхардём Тут пир чачипэ́н, Мэ ла́ва тэ рикирав Тут пал васт, Мэ ла́ва тэ ракхав Тут, и Мэ чхува́ва Тут сыр завето ваш манушэ́нгэ, соб (кай) тэ дыкхэ́н дуд (свэ́то) Наюды́тка мануша́ (язычники),

Mihiejo 4:2

Бут на́цыи явэ́на и пхэнэ́на: “Явэ́н, и, ґаздасапэ пэ Ра́скирэ-Дэвлэ́скири бэ́рга, дро кхэр Яково́скирэ-Дэвлэ́скиро, соб (кай) Ёв тэ сыклякирэ́л амэн, сыр тэ джива́с пир Лэ́скиро, и соб (кай) амэ тэ псирас пир Лэ́скирэ шпэры (сцежки).’ Пал-дова́ со Сионо́стыр выджа́ла Зако́но, и Ерусалимо́стыр лав Ра́скирэ-Дэвлэ́скиро.”

Psalmy 78:1

Асафоскиро Сыклякирибэ́н. О, мирэ́ мануша́лэ! Шунэ́н миро сыклякирибэ́н, причхувэ́н кана́ кэ лава́ мирэ́.

Luka 2:32

Ёв явэ́ла сыр Дуд (Свэ́то) тэ откэрэл Тыри́ во́ля ваш Наюдэ́нгэ. Ёв янэ́ла сла́ва Тырэ́ манушэ́нгэ, Израилёскэ.”

Isajos 26:2

Одкэрэн (псиравэн) по́рта (вра́ты), мэк тэ заджа́л народо патывало, народо, саво́ ракхэ́ла чачипэ́н.

Pritčy 6:23

Пал-дова́ со дадэ́нгиро припхэныбэ́н исын момолы́тко (свети́льнико), и лэ́нгиро сыклякирибэ́н исын дуд. Ко́ли ёнэ сыклякирэ́на дукханэс тут, дава́ екх исын ваш дова́, со трэй дро джиибэ́н:

Psalmy 147:20

[9] Ёв на кэрдя́ адя́кэ ни екхэ Наюдытконэ́ нацыякэ, пал-дова́ со ёнэ на джинэ́на Лэ́скирэ чачипэна́. Аллилуя!

Psalmy 106:5

соб (кай) ма́нгэ тэ дыкха́в лачхипэ́н Тырэ́ манушэ́нгиро, соб (кай) ма́нгэ тэ радынавпэ Тырэ́-манушэ́нгирэ радыма́тыр, соб (кай) мэ тэ явав барикано Тырэ́ манушэ́нца.

Psalmy 50:7

“Шунэ́н, Мирэ́ мануша́лэ; и Мэ ява́ва тэ ракира́в. Мэ ява́ва тэ допхэнав пэ ту́тэ, о Изра́иле, Мэ сом Дэвэ́л, сом тыро́ Дэвэ́л!

Psalmy 33:12

Бахталы́ исын нацыя, конэ́скиро Дэвэ́л исын Рай Дэвэ́л; бахталэ́ исын мануша́, савэ́н Ёв выкэдыя́ сыр Пэ́скирэ чхавэ́н.

Vygiiben 33:13

и адя́кэ, ко́ли мэ латхём (ластем) ла́ска дрэ Тырэ́ якха́, тэды мэ манга́ва; сыка́в ма́нгэ Тыро́ дром, соб (кай) мэ тэ джина́в Тут, соб (кай) тэ латхав ла́ска дрэ Тырэ́ якха́; и дэпэ мыслякэ, со адалэ́ мануша́ исын Тырэ́ мануша́.”

Vygiiben 19:6

а тумэ́ Ма́ндэ явэ́на раша́нгирэ кралипнаса и свэнтонэ́ манушэ́нца; ґа́да, исын лава́, савэ́ ту пхэнэ́са Израилёскирэ чхавэ́нгэ.”

Яви́р Зако́но 18:18

Мэ да́ва лэ́нгэ Пророко́с лэ́нгирэ пшалэ́ндыр, адасавэс сыр ту, и чхува́ва лава́ Мирэ́ дрэ Лэ́скирэ ушта́, и Ёв явэ́ла тэ ракирэ́л лэ́нгэ саро́, со Мэ пхэна́ва Лэ́скэ;

Isajos 1:27

Зракхэ́лапэ Сио́но чачунэ́ сэндоса, а чхавэ́ лэ́скирэ, савэ́ явнэ́ кэ Дэвэ́л, чачипна́са.

Isajos 26:8

И пэ дром, кай исын Тыро́ сэ́ндо, Раё Дэ́вла, сыс амэ́ндэ лачхо́ ужакирибэ́н пэ Ту́тэ; кэ Тыро́ лав, кэ рипирибэ́н пал Ту́тэ тырдэла амэн амаро́ ди.

Isajos 33:22

Пал-дова́ со Рай Дэвэ́л исын амаро́ Сэнда́ри, Рай Дэвэ́л дэ́ла амэ́нгэ Зако́но, Рай Дэвэ́л исын амаро́ Кра́ли, Ёв зракхэ́ла амэн.

Isajos 42:21

Ра́скэ-Дэвлэ́скэ сыс пир ило́ ваш Пэ́скиро чачипэ́н тэ ґаздэл Зако́но и тэ дэл лэ́скэ паты́в.

Isajos 55:3

Откэрэн тумарэ́ кана́, явэ́н кэ Мэ; пошунэн и явэ́ла тэ дживэ́л тумаро́ ило́; и Мэ да́ва тумэ́нгэ ве́чно завето, Мэ да́ва лачхипэ́н, пал саво́ дыём лав Давидо́скэ.

Isajos 63:8

Ёв пхэндя́: “Чачо́, ёнэ исын Мирэ́ чхаворэ́, савэ́ на хохавэна”, и Ёв сыс ваш лэ́нгэ Зракхибнариса.