Isajos 51:2 - Библия - Пэ Балтитко Романи чиб (Романэс) 2019

² Подыкхэн пэ Авраамостэ, тумарэ́ дадэ́стэ и пэ Саратэ, сави́ тумэн бияндя́! Мэ кхардём лэс екхэ́с, дыём лэ́скэ бахтякирибэ́н, дыём лэ́скэ бут чхаворэ́н.

Biblija - Pe Baltitko Romani čib (Romanes) 2019

² Podykhen pe Avraamoste, tumaré dadéste i pe Sarate, saví tumen bijandiá! Me khardjom les jekhés, dyjom léske bahtiakiribén, dyjom léske but čhavorén.

Isajos 51:2 Referans Kwoze

Езэкилё 33:24

“Манушэ́скиро чхава! Одолэ́, кон дживэ́ла пэ штэ́ты, савэ́ ячнэ́ чхучэ́, пэ Израилёскири пхув, ракирэ́на: “Авраа́мо сыс екхджино́ и лэ́скэ дорэсцяпэ ада́я пхув, амэн исын бут; палдава́ амэ́нгэ сыс дыны́ дая́ пхув”

Isajos 29:22

Палдава́ адя́кэ ракирэ́ла пал кхэр Яково́скиро Рай Дэвэ́л, Саво́ выкиндя Авраамос: “Тэ́ньци Яково на явэ́ла тэ ладжал и муй лэ́скиро на парнёла.

Džiibén 24:35

Рай Дэвэ́л древа́н бахтякирдя́ мирэс хула́с, и ёв яця́ барэ́ муршэса: Ёв дыя́ лэ́скэ бакрэ́н и ґурувэн, руп и сувнака́й, писхарье́н и писхарицэн, верблюдэн и ослэн;

Džiibén 24:1

Авраа́мо сыс пхуро́ и Рай Дэвэ́л бахтякирдя́ дро саро́ Авраамос.

Džiibén 22:17

то Мэ бахтякирава тут, и барьякири, убарьякирава тыро́ ро́до, сыр чэргэня́ пэ болыбэ́н, и сыр пра́хо пэ морёскиро (дэрьявэ́скиро) брэ́го; и прилэ́ла ро́до тыро́ пэ́скирэ-вэргэ́нгирэ фо́рья;

Isúso 24:3

Нэ Мэ лыём тумарэ́ дадэ́с Авраамос пирда́л рэка (лэнь), и лыджиём лэс пир сари́ Ханаано́скири пхув, и создыём баро́ лэ́скиро ро́до, и дыём лэ́скэ Исаакос.

Яви́р Зако́но 1:10

Рай Дэвэ́л, амаро́, создыя́ бут тумэн, и ґа́да, тумэ́ акана́ сан ада́кицы бут, сыр болыбна́скирэ чэргэня́;

Isajos 41:8

Нэ ту, Израилё, сан Миро писха́ри, Яково, конэ́с Мэ выкэдыём, Аврамос, Мирэ́ малэс (другос).

Isajos 43:27

Тырэ́-дадэ́скиро дад кэрдя́ грэ́хо и одолэ́, кон мангдя́пэ пал ту́тэ, отгинэ́ Ма́ндыр.

Isajos 60:22

Тыкнэ́ манушэ́стыр тысёнцо бияндёла, самонэ бизорьякирэстыр манушэ́стыр бияндёла зорало́ народо. Мэ, Рай Дэвэ́л, сы́гэс кэра́ва дава́, ко́ли явэ́ла лэ́скиро часо.”

Isajos 63:16

Ту сан Екх амаро́ Дад Дэвэ́л; пал-дова́ со Авраа́мо на джинэ́ла амэн, Израилё на приджинэла амэн пал пэ́скирэ манушэ́ндэ. Ту, Раё Дэ́вла, сан амаро́ Дад, Тыро́ лав векостыр исын дасаво: “Одова́, Кон выкиндя амэн.”

Яви́р Зако́но 26:5

Ту отпхэн и пхэн анги́л Растэ-Дэвлэ́стэ, Дэвлэ́стэ тырэстэ: ‘Дад миро сыс Арамеянино, саво́ лодыя, и гия́ дро Еги́пто и лыя́ тэ дживэ́л одо́й набутэ манушэ́нца, и выгинэ́ одо́й лэ́стыр барэ́ мануша́, зоралэ́ и бут;

Isajos 48:1

Шунэ́н дава́, кхэр Яково́скиро, сарэ́, кон кхарэ́лапэ Израилёскирэ лавэ́са, кон бия́ндыя Юда́скирэ родо́стыр, кон совлахала Ра́скирэ-Дэвлэ́скирэ лавэ́са и патя́ла Израилёскирэ Дэвлэ́скэ, мэк (хоць) ёв на патя́ла на пир патяибэ́н и чачипэ́н!