Isajos 51:10 - Библия - Пэ Балтитко Романи чиб (Романэс) 2019

¹⁰ Ци на ту вышутькирдян мо́рё (дэрья́в); шутькирдян пани́, саво́ исын дро лю́но (адо) хор тэла́л; кэрдя́н мо́рё (дэрья́в) дромэ́са, соб (кай) тэ джа́н мануша́, савэ́н выкиндя Рай Дэвэ́л?

Biblija - Pe Baltitko Romani čib (Romanes) 2019

¹⁰ Ci na tu vyšut'kirdian mórjo (derjáv); šut'kirdian paní, savó isyn dro liúno (ado) xor telál; kerdián mórjo (derjáv) dromésa, sob (kaj) te džán manušá, savén vykindia Raj Devél?

Isajos 51:10 Referans Kwoze

Isajos 43:16

Адя́кэ ракирэ́ла Рай Дэвэ́л, Саво́ откэрдя дром пэ мо́рё (дэрья́в), Саво́ откэрдя дром пир зоралэ́ паня́.

Isajos 50:2

Со́скэ на сыс никонэ́с, ко́ли Мэ явавас, и нико́н на отпхэндя́, ке́ли Мэ кхардём? Ци Миро васт буты́р на зракхэ́ла, ци нанэ Ма́ндэ зор, соб (кай) тэ зракхав? Акэ, Мирэ́ страхаса Мэ шутькирава мо́рё (дэрья́в), кэра́ва чхучи́ пхув рэкэндыр (лэнорьендыр); мачхэ́ дрэ лэ́ндэ кирнёна и мэрэ́на, пал-дова́ со нанэ пани́.

Vygiiben 15:13

Ту лыджа́са Тырэ́ тангипнаса адалэн манушэ́н, савэ́н Ту зракхця́н, – пролыджаса лэн Тырэ́ зорья́са дрэ Тырэ́ свэ́нта кхэра́.

Isajos 42:15

Шутькирава Мэ бэ́рги и бэ́ргицы, вышутькирава сари́ чар, со барьёла пэ лэ́ндэ; вышутькирава рэ́ки (лэня́) и ґанынга́.

Psalmy 74:13

Ту роскэрдян пэ паша́ мо́рё (дэрья́в) Тырэ́ зорья́са, Ту роспхарадян шэрэ́ морёскирэ (дэрьявэ́скирэ) рупучэ́нгэ (чудовишчэнгэ) дрэ паня́.

Psalmy 77:19

Тырэ́-громоскири зан (глос) сыс барэ́ штормо́са, блискави́цы кэрдэ́ зяиндло дуд пир саро́ свэ́то, пхув израндыя и тринскирдяпэ.

Psalmy 106:9

Ту припхэндян Лолэ́ морёскэ, и ёв вышутия, и Ту кэрдя́н адя́кэ, со ёнэ гинэ́ пир хор штэ́ты сы́рбы пир чхучэ́ прахи.

Psalmy 106:10

И Ту зракхця́н лэн одолэскирэ вастэ́стыр, кон зоралэ́с на вырикирдя лэн, и Ту выракхцян лэн вэргэ́нгирэ вастэ́стыр.

Isajos 11:15

И вышутькирла Рай Дэвэ́л рэка (лэнь), со исын пашы́л мо́рё (дэрья́в) Египто́скиро, протырдэла Ёв Пэ́скиро васт кэ рэка (лэнь) дрэ зоралы́ балва́л, розмарла ла пэ эфта́ яви́р рэкицы, адя́кэ, со дрэ тривики явэ́на ла тэ пириджан.

Isajos 11:16

Тэ́ньци ваш ячаибэ́н Лэ́скирэ народо́стыр явэ́ла баро́ дром, сыр дава́ сыс ваш Израилё, ко́ли ёв выджа́лас Египто́скирэ пхувья́тыр.

Isajos 35:8

И явэ́ла одо́й баро́ дром, ёв явэ́ла тэ кхарэлпэ свэнтонэ́ дромэ́са. Нажужо одо́й на явэ́ла тэ псирэ́л, явэ́ла дава́ дром фэ́ни (то́ка) ваш одолэ́нгэ, кон патя́ла, и кон на джинэ́ла нисо́; нико́н лэ́ндыр далэ́ дромэ́стыр на змарлапэ.

Isajos 35:9

И шчэр (ле́во) на явэ́ла одо́й, и януро (хишчно мурда́л) на заджа́ла одори́к, лэс на латхэ́на одо́й, а зракхнэ́ мануша́ явэ́на тэ псирэ́н.

Isajos 62:12

И кхарэ́на лэн свэнтонэ́ народоса, саво́ Рай Дэвэ́л выкиндя, а тут кхарэ́на фороса, саво́ Рай Дэвэ́л зракхця́, на ячкирдэ́ фороса.”

Isajos 63:9

Сави́ б на сыс биба́хт (би́да), Ёв лэн на ячкирэлас и Янго́ло Лэ́скиро лэн зракхэлас; Ёв выкиндя лэн, пал-дова́ со ёнэ исын дро́га Лэ́скэ и Лэ́скиро ило́ исын лачхо́; Ёв лыя́ лэн и лыджалас сарэ́ ґаратунэ́ дывэса́.

Заха́рия 10:11

И ёнэ джа́на пир бари би́да пир мо́рё (дэрья́в) и Мэ хасякира́ва валны моритка адя́кэ, со тэрдёна сарэ́ хорипна рэкакирэ (лэнякирэ), тыкнёла Асуроскиро пхутькирибэ́н и отлэна скипетро Египто́стыр.

Vygiiben 14:29

А Израилёскирэ чхавэ́ прогинэ́ пир шуки́ пхув машки́р мо́рё (дэрья́в): пани́ сыс лэ́нгэ вантаса пир чачо́ (право) и пир зэ́рво (ле́во) риг.

Isajos 35:10

И рисёна одолэ́, конэ́с зракхэ́ла Рай Дэвэ́л и явэ́ла пэ Сио́но радымакирэ годла́са; ра́дыма явэ́ла лэ́нца саро́ часо (цы́ро); и лош (веселиё) ёнэ латхэ́на, а биба́хт бидаса лэ́ндыр отджала.

Mihiejo 7:15

Сыр сыс дрэ дывэса́, ке́ли ёнэ выджа́нас Египто́скирэ пхувья́тыр, сыка́в лэ́нгэ Тырэ́ ди́вна рэ́нды.