Isajos 51:1 - Библия - Пэ Балтитко Романи чиб (Романэс) 2019

¹ ““Шунэ́н Ман одолэ́, кон родэ́ла чачипэ́н, родэ́ла Рас-Дэвлэ́с! Дыкхэ́н акана́ пэ бэ́рга, савья́тыр тумэн вычингирдэ, пэ хорипэ́н дро рово (хохо́й), каты́р тумэн дорэснэ́.

Biblija - Pe Baltitko Romani čib (Romanes) 2019

¹ ““Šunén Man odolé, kon rodéla čačipén, rodéla Ras-Devlés! Dykhén akaná pe bérga, savjátyr tumen vyčingirde, pe xoripén dro rovo (xohói), katýr tumen doresné.

Isajos 51:1 Referans Kwoze

Isajos 51:7

Пошунэн Ман, кон джинэ́ла чачипэ́н, народо, савэ́стэ дро ило́ исын Миро Зако́но! На дарэ́н, ко́ли традэ́на тумэн мануша́, на дарэ́н лэ́нгирэ налачхэ́ лавэ́ндыр!

Psalmy 94:15

нэ Лэ́скиро сэ́ндо явэ́ла нэвэ́стыр чачуно́, а одолэ́, конэ́стэ исын чачуно́ ило́, явэ́на тэ джа́н пал дава́ дурэды́р.

Юдэ́нгэ 12:14

Причхувэ́н зор, соб (кай) тумэ́нгэ тэ явэ́н дро рама́нё (миро) сарэ́нца и дрэ свэнтыма, би савэскиро нико́н на дыкхэ́ла Рас-Дэвлэ́с.

Римлянэнгэ 14:19

Тэды ява́са тэ причхувас зор тэ кэра́с дова́, со лыджа́ла кэ рама́нё (миро) и кэ екх екхэскиро ґалыибэ́н.

Isajos 48:12

Пошун Ман, Яково, шун, Израилё, кхардо Миро: Мэ сом Одова́, Саво́ сыс, Мэ сом пэ́рво (англатуно́) и палатуно́ (последнё).

2 Ximaske 2:22

Наш пэ́скирэ – тэрнэнгирэ грэхитконэ́ тырдыпнастыр, а ро́дэ чачипэ́н, ри́кирпэ патяибнаскэ, патыва́кэ кэ яви́р мануша́ и мэк тэ явэ́л рамане манушэ́нца, савэ́ кхарэ́на Дэвлэ́скиро лав сарэ́ илэ́стыр.

Amoso 5:6

Родэ́н Рас-Дэвлэ́с и тумэ́ явэ́на тэ дживэ́н, соб (кай) Ёв тэ на кэрэ́л адя́кэ, со яг пэрэ́ла сы́гэс пэ кхэр Ёзаскиро, и хачкирэ́ла сарэ́са лэс адя́кэ, со на явэ́ла ние́кх тэ мурдякирэл яг дрэ Вефиль.

Pritčy 21:21

Кон родэ́ла и джа́ла дурэды́р пир чачипэ́н и лачхэ́-илы́ткима, одова́ ману́ш латхэ́ла джиибэ́н, чачипэ́н и паты́в.

Pritčy 15:9

Рай Дэвэ́л на прилэ́ла фуе́-манушэ́нгиро дром, нэ Лэ́скэ исын дро́га кодолэ́, савэ́ родэ́на и джа́на дурэды́р пир чачипэ́н.

1 Ximaske 6:11

Ту сан Дэвлы́тко ману́ш, наш далэ́ сарэ́стыр, ро́дэ чачипэ́н, ро́дэ тэ кэрэ́с лачхипэ́н, яв дро патяибэ́н, яв дрэ паты́в кэ яви́р мануша́, яв вырикирибнытко и ковлэ́-илытко.

Filipiicenge 3:13

Пшала́лэ, мэ гинава, со кокоро́ мэ на латхём, нэ екх, со мэ бистрава дова́, со яця́пэ палэ, и мэ джа́ва анги́л,

Матфеё 6:33

Родэ́н жа анги́л Дэвлэ́скиро Кралипэ́н дро Болыбна́скиро Раё и чачипэ́н Лэ́скиро, саро́ яви́р явэ́ла дыно́ тумэ́нгэ упралэстыр.

Матфеё 5:6

Бахталэ́ исын одолэ́, конэ́скиро ило́ исын бокхало пал Дэвлэ́скиро лав и сыр пани́ древа́н родэ́ла чачипэ́н. Дэвэ́л чалякирэла лэ́нгиро ило́.

Isajos 45:19

На чораханэ́с Мэ ракиравас, Мэ на ракирдём пэ кало́ (тёмно) пхувья́киро штэ́то; Мэ на ракирдём кэ кхэри́тко ро́до Яково́скиро: “Ивья́ (напра́снэс) тумэ́ Ман родэ́на.” Мэ сом Рай Дэвэ́л, Саво́ ракирэ́ла чачипэ́н и сыкавэ́ла чачипэ́н.

Psalmy 24:6

Дава́ исын одолэ́ мануша́, савэ́ родэ́на Лэс, дава́ исын Яково́скиро ро́до, кон родэ́ла Тыро́ муй. Сэ́ла.

Софония 2:3

родэ́н Рас-Дэвлэ́с сарэ́, савэ́ исын ковлэ́-илэ́скирэ пэ пхув, кон рикирдя Лэ́скиро чачуно́ Зако́но, родэ́н чачипэ́н, родэ́н тэ явэ́н рахмана (спокойна); сашты́ тэ явэ́л, со тумэ́ гарадёна дро дывэ́с, сыр явэ́ла Ра́скирэ-Дэвлэ́скири холы́.

Isajos 55:6

Родэ́н Рас-Дэвлэ́с, ко́ли сашты́ тэ латхэ́н Лэс; кхарэ́н Лэс, ко́ли Ёв исын пашы́л.

Isajos 51:4

Пошунэн Ман, Миро народо и кхэри́тко ро́до Миро! Пошунэн Ман тумарэ́ канэнца! Ма́ндыр выджа́ла Зако́но, и сэ́ндо Миро чхува́ва сыр дуд (свэ́то) ваш народы.

Римлянэнгэ 10:3

Пал-дова́ со ёнэ на уджиндлэ́ Дэвлэ́скиро чачипэ́н, и чхувэ́нас зорья́са ёнэ пэ́скиро чачипэ́н, пал-дова́ ёнэ на чхудэ́ пэс тэл Дэвлэ́скиро чачипэ́н.

Isajos 65:10

Пэ Сароно явэ́на тэ чаравэнпэ бакря́; пэ Акхоро гурува явэ́на тэ откхинён, Мирэ́ народоскирэ, саво́ латхя́ Ман.

2 Паралипоменоно 15:2

и выгия́ ёв гил (пэ стреч) Асаскэ и пхэндя́ лэ́скэ: “Шун ман, Аса́ и саро́ Ю΄да и Вениамино: тэ явэ́л Дэвэ́л тумэ́нца, ке́ли тумэ́ явэ́на Лэ́са; и ко́ли явэ́на тэ родэ́н Лэс, тумэ́ латхэ́на Лэс; ко́ли ячкирэна Лэс, то и Ёв ячкирэ́ла тумэн.

2 Паралипоменоно 15:4

нэ ке́ли ёв рисёла годя́са дро пхарипэ́н пэ́скиро кэ Рай Дэвэ́л, Дэвэ́л Израилёскиро, и латхэ́ла Лэс, Ёв дэ́ла лэ́нгэ тэ латхэ́н Пэс.

Isajos 48:1

Шунэ́н дава́, кхэр Яково́скиро, сарэ́, кон кхарэ́лапэ Израилёскирэ лавэ́са, кон бия́ндыя Юда́скирэ родо́стыр, кон совлахала Ра́скирэ-Дэвлэ́скирэ лавэ́са и патя́ла Израилёскирэ Дэвлэ́скэ, мэк (хоць) ёв на патя́ла на пир патяибэ́н и чачипэ́н!