Isajos 50:2 - Библия - Пэ Балтитко Романи чиб (Романэс) 2019

² Со́скэ на сыс никонэ́с, ко́ли Мэ явавас, и нико́н на отпхэндя́, ке́ли Мэ кхардём? Ци Миро васт буты́р на зракхэ́ла, ци нанэ Ма́ндэ зор, соб (кай) тэ зракхав? Акэ, Мирэ́ страхаса Мэ шутькирава мо́рё (дэрья́в), кэра́ва чхучи́ пхув рэкэндыр (лэнорьендыр); мачхэ́ дрэ лэ́ндэ кирнёна и мэрэ́на, пал-дова́ со нанэ пани́.

Biblija - Pe Baltitko Romani čib (Romanes) 2019

² Sóske na sys nikonés, kóli Me javavas, i nikón na otphendiá, kiéli Me khardjom? Ci Miro vast butýr na zrakhéla, ci nane Mánde zor, sob (kaj) te zrakhav? Ake, Miré strahasa Me šut'kirava mórjo (derjáv), keráva čhučí phuv rekendyr (lenor'jendyr); mačhé dre lénde kirnjona i meréna, pal-dová so nane paní.

Isajos 50:2 Referans Kwoze

Isajos 59:1

Акэ, васт Ра́скирэ-Дэвлэ́скиро на тыкныя, соб (кай) тэ зракхэ́л и кан Лэ́скиро нанэ кашуко, соб (кай) тэ шунэ́л.

Čysly 11:23

И пхэндя́ Рай Дэвэ́л Мойза́скэ: “Нау́што Ра́скирэ-Дэвлэ́скиро васт яця́ кротко (тыкно́)? Акана́ ту дыкхэ́са, ци кэрэ́лапэ лав Миро кэ Ту, ци над?”

Isajos 66:4

Тэ́ньци Мэ адя́кэ-паць кэра́ва лэ́нца пир лэ́нгиро хохаибэ́н, и Мэ яна́ва дар ваш лэ́нгэ, пал-дова́ со Мэ кхардём – и нико́н на отпхэндя́; Мэ ракиравас – ёнэ на шунэнас, а кэрэ́нас налачхэ́ рэ́нды анги́л Мирэ́ якха́ и выкэдэнас дова́, со Ма́нгэ на сыс пир ило́.

Isúso 3:16

то пани́, саво́ тхадэ́ла упра́л, тэрдия́ и тэрдия́ вантаса пэ древа́н баро́ штэ́то кэ Адамоскиро фо́ро, саво́ пашы́л Цартано; и саво́ тхадэ́ла дрэ морёскири лошчы́на, дро Лондо мо́рё (дэрья́в), гия́ и хасия́.

Džiibén 18:14

“Ци исын вари-со тэ явэ́л пхаро́ ваш Ра́скэ-Дэвлэ́скэ? Дро пхэндло́ часо Мэ ява́ва кэ ту пэ яви́р бэрш, и Сарратэ явэ́ла чхаво́.”

Osija 11:7

Мирэ́ мануша́ бандинэ, соб (кай) тэ дурьён криг Ма́ндыр. На дыкхи́ пэ дова́, со ёнэ кхарна Ман тэ помогинав, Най Вучэдыронэс, ние́кх лэ́ндыр на барьякирэ́ла Лэс.

Pritčy 1:24

Палдава́ со мэ кхардём, и тумэ́ на кандынэ́ (отпхэндлэпэ); мэ протырдыём пэ́скиро васт и ние́кх на прилыя́ кэ ило́.

Joannostir 1:11

Ёв явдя́ кэ Лэ́скирэ, и Лэ́скирэ на прилынэ́ Лэс.

Naumo 1:4

Ёв штылякирэла мо́рё (дэрья́в) и шутькирэла лэс, и Ёв пиришутькирэла сарэ́ рэ́ки (лэня́): Васа́но и Кармило зашутёна и лулуди́ (цвэ́то) пэ Лива́но нашавэла масти́н (цвято).

Osija 11:2

Ёнэ, Мирэ́ проро́ки, кхардэ́ лэс, нэ ёв дурия лэ́ндыр. Лэ́скирэ мануша́ янэ́нас Ваалоскэ свэ́нта дыибэна́, и тхувалякирдэ дрогонэ́ смолэнца вычхиндлэ́ муенгэ барэстыр.

Дание́лё 3:29

И ма́ндыр дэ́лапэ припхэныбэ́н, соб (кай) кажнонэ́ нацыятыр, кхэритконэ́ родо́стыр и екхэ-чибакирэ ирьятыр (чибатыр / чибьятыр), кон пхэнэ́ла на́лачхо лав пэ Дэвлэ́стэ Шэдрахоскирэ, Мешахоскирэстэ и Авед-Негоскирэстэ, тэ явэ́л кодова́ ману́ш чингирдо пэ котэра́, и кхэр лэ́скиро тэ кэрдёлпэ дрэ руи́ны, пал-дова́ со нанэ явирэ Дэвлэ́с, Саво́ адя́кэ сашты́ тэ зракхэ́л.”

Дание́лё 3:15

Акана́, ко́ли тумэ́ скэдынэ́ сан, сыр сыго тумэ́ шунэ́на зан рогоскири, свиролькакири, лутакири, гусленгири, псалтирьякири, цымбалэнгири и сарэ́ яви́р-музыкакири, тэ пэрэ́н тумэ́ тэлэ́, и тэ дэн тумэ́ паты́в сувнакунэ́ москэ, со мэ кэрдём. Мишто́. Нэ ко́ли тумэ́ на дэ́на паты́в, то тумэн екха́тыр (сра́зу) чхурдэна дро бов, росхачкирдо яга́са. И саво́ дэвэл жа зракхэ́ла тумэн мирэ́ вастэ́стыр?”

Ереме́ё 35:15

И Мэ бичхававас кэ тумэ́ сарэ́ Мирэ́ дынарье́н, пророкэ́н, Мэ бичхававас тася́рлэс (ра́нэс) злокостыр лэн, ракири́: “Рисён акана́, кажно (сва́ко) екх тумэ́ндыр пэ́скирэ бибахталэ́ дромэ́стыр, лачхакирэн (кэрэ́н фэдэды́р) пэ́скирэ рэ́нды, и на псирэ́н тэ кэрэ́н паты́в явирэ дэвлорэ́нгэ, тэды тумэ́ явэ́на тэ дживэ́н пэ пхув, со Мэ дыём тумэ́нгэ и тумарэ́ дадэ́нгэ.” Нэ тумэ́ на причхудэ пэ́скиро кан, и на кандынэ́ Ман.

Isajos 65:12

Мэ тумэн отда́ва курталакэ; тумэ́ пэрэ́на пэ чанга́ и тумэн замарна, пал-дова́ со Мэ кхардём и тумэ́ на отпхэндлэ́, ракирдём – тумэ́ на шунэнас, а кэрэ́нас накуч анги́л Мирэ́ якха́ и выкэдэнас дова́, со сыс Ма́нгэ на пир ило́.’”

Isajos 59:16

И Ёв дыкхця́, со нанэ манушэ́с, дивно яця́ Лэ́скэ, со нанэ одолэ́с, кон бы тэ затэрдёл, помогиндя бы Лэ́скэ Лэ́скиро васт, и чачипэ́н Лэ́скиро Лэс подрикирдя.

Isajos 43:16

Адя́кэ ракирэ́ла Рай Дэвэ́л, Саво́ откэрдя дром пэ мо́рё (дэрья́в), Саво́ откэрдя дром пир зоралэ́ паня́.

Isajos 42:15

Шутькирава Мэ бэ́рги и бэ́ргицы, вышутькирава сари́ чар, со барьёла пэ лэ́ндэ; вышутькирава рэ́ки (лэня́) и ґанынга́.

Vygiiben 14:21

И чхудя́ Мо́йза пэ́скиро васт пэ мо́рё (дэрья́в), и традыя́ Рай Дэвэ́л мо́рё (дэрья́в) зоралэ́ васточнонэ балваляса сари́ рат, и кэрдя́пэ мо́рё (дэрья́в) шукэ́ пхувья́са, и отгинэ́ паня́.

Vygiiben 7:21

и мачхэ́ дрэ рэка (лэнь) вымынэ, и рэка (лэнь) лыя́ тэ кхандэл, и Египтя́ни на могиндлэ́ тэ пьен пани́ рэка́тыр (лэня́тыр); и сыс рат пир сари́ Египто́скири пхув.

Vygiiben 7:18

и мачхэ́ дрэ рэка (лэнь) мэрэ́на; и рэка (лэнь) явэ́ла тэ кхандэл, и Египтянэнгэ явэ́ла джунгало́ (гидко) тэ пьен пани́ рэка́тыр (лэня́тыр).’”

Joannostir 3:19

Сэ́ндо исын дрэ дова́, со дуд явдя́ дро свэ́то, а манушэ́нгэ буты́р пир ило́ яця́ калыпэ́н (цёмныма), сыр дуд, пал-дова́ со лэ́нгирэ рэ́нды (де́лы) сыс налачхэ́.

Marko 4:39

Ису́со уштыя́, припхэндя́ балвалякэ тэ на пхурдэл и пхэндя́ валнэнгэ: “Штыл! Пириячэн!” И балва́л штылыя и яця́ дивно штылыпэн.

Дание́лё 6:20

и, подгии ко рово (хохо́й), санорэ заня́са кхардя́ Даниелёс, и пхэндя́ кра́ли Даниелёскэ: “Дание́ле, о писха́ри, джидэ́ Дэвлэ́скиро! Тыро́ Дэвэ́л, Савэ́скэ ту напарундлэс дынаринэса, могиндя́ (саштындя) тэ зракхэ́л тут шчэрэндыр?”

Ереме́ё 5:1

Джа́н упрэ́ и тэлэ́ пир вули́цы (га́сы) дро Ерусалимо, и дыкхэ́н акана́, и доджинэнпэ, и родэ́н пэ англунэ штэ́ты дро фо́ро, ци тумэ́ дэ́на ра́да тэ латхэ́н екхэ манушэ́с, соб (кай) ёв тэ кэрэ́л саро́ пир чачипэ́н, ци, саво́ тэ родэ́л патяибэ́н, и, – ‘Мэ отмэкавас банг Ерусалимоскэ’, – ракирэ́ла Рай Дэвэ́л.

Isajos 63:13

Саво́ лыджия́ лэн пир хорипэна, сыр грэс пир фэ́лда, и ёнэ на пэрэнас (на обштавэнаспэ) пэ́скирэ ґэрэ́нца?

Isajos 51:10

Ци на ту вышутькирдян мо́рё (дэрья́в); шутькирдян пани́, саво́ исын дро лю́но (адо) хор тэла́л; кэрдя́н мо́рё (дэрья́в) дромэ́са, соб (кай) тэ джа́н мануша́, савэ́н выкиндя Рай Дэвэ́л?

Isajos 41:28

Пал-дова́ со Мэ дыкхцём, и на сыс ние́кх ману́ш, и Мэ лыём тэ дыкха́в машки́р лэ́ндэ, нэ на сыс юнкаро (советнико), саво́, ке́ли Мэ пхучавас лэ́ндыр, то тэ дэл ра́да тэ отпхэнэл пэ лав.

Isajos 36:20

Кон сарэ́ далэ́ дэвлорэндыр зракхця́ пэ́скири пхув мирэ́ вастэ́стыр? И тумэ́ думинэ́на, со Рай Дэвэ́л зракхэ́ла ма́ндыр Ерусалимо?”

Isajos 19:5

И вышутёла пани́ дро мо́рё (дэрья́в), и рэка (лэнь) пириячэ́ла тэ тхадэл и вышутёла.

Psalmy 107:33

Рай Дэвэ́л пирикэрэла рэ́ки (лэня́) пэ чхучэ́ прахи и панескирэ ґанынгорья пэ шуки́ пхув:

2 Паралипоменоно 32:15

И акана́, мэк тэ на хохавэ́л тумэн Езэки́я и тэ на отчхурдэл тумэн адя́кэ; и тумэ́ на патя́н лэ́скэ. Ко́ли исын на дрэ зор сыс ни екх дэвэл, ни екхэ манушэ́нгиро и кралипнаскиро тэ зракхэ́л пэ́скирэ манушэ́н мирэ́ вастэ́стыр и мирэ́-дадэнги́рэ вастэ́стыр, тэды и тумаро́ Дэвэ́л на зракхэ́ла тумэн мирэ́ вастэ́стыр.”

Vygiiben 14:29

А Израилёскирэ чхавэ́ прогинэ́ пир шуки́ пхув машки́р мо́рё (дэрья́в): пани́ сыс лэ́нгэ вантаса пир чачо́ (право) и пир зэ́рво (ле́во) риг.

Ереме́ё 8:6

Мэ пришундёмпэ и на шундём, со ёнэ ракирэ́на чачипэ́н. Нико́н лэ́ндыр на приґалыя пэ́скиро фуипэ́н, соб (кай) тэ пхэнэ́л: ‘Со ж да мэ кэрдём?’ Кажно лэ́ндыр рисёла чачипнастыр пэ́скирэ дромэ́са сы́рбы грай, саво́ чхурдэлапэ пэ марибэ́н.

Psalmy 106:9

Ту припхэндян Лолэ́ морёскэ, и ёв вышутия, и Ту кэрдя́н адя́кэ, со ёнэ гинэ́ пир хор штэ́ты сы́рбы пир чхучэ́ прахи.

Дание́лё 6:27

Ёв зракхэ́ла и подэла васт бидатыр, кэрэ́ла знаме́нии (ґертыка́) и ди́вы пэ болыбэ́н, и пэ пхув; Ёв зракхця́ Даниелёс шчэрэнгирэ зорья́тыр.”

Ереме́ё 7:13

И акана́, пал-дова́ со тумэ́ кэрдэ́ сарэ́ далэ́ бутя́, – пхэндя́ Рай Дэвэ́л, – и мэк Мэ и ракирдём тумэ́нгэ, сыр Мэ уштавас тася́рлэс (ра́нэс) пэ зло́ко (фра́нсо) и Мэ пхэндём, нэ тумэ́ на шундлэ́ Ман, и Мэ кхардём тумэн, нэ тумэ́ на отпхэндлэ́ Ма́нгэ:

Isajos 11:15

И вышутькирла Рай Дэвэ́л рэка (лэнь), со исын пашы́л мо́рё (дэрья́в) Египто́скиро, протырдэла Ёв Пэ́скиро васт кэ рэка (лэнь) дрэ зоралы́ балва́л, розмарла ла пэ эфта́ яви́р рэкицы, адя́кэ, со дрэ тривики явэ́на ла тэ пириджан.

Isajos 23:11

Ёв протырдыя́ Пэ́скиро васт пэ мо́рё (дэрья́в), Ёв пиритринскирдя кралипэна́; Рай Дэвэ́л припхэндя́ пал Ханаано, соб (кай) тэ роспхагирэн лэ́скирэ тва́рдыми (крепости).

Isajos 44:27

Мэ, Дэвэ́л, Саво́ ракирэ́ла кэ панескиро хорипэ́н (бездна): “Вышутёв, и тырэ́ рэ́ки (лэня́) Мэ вышутькирава.”

Isajos 54:6

Сы́рбы ромня́, сави́ ровэла, и сави́ исын ячкирды, кхарэ́ла тут Рай Дэвэ́л; сыр тэрня ромня́, сави́ никонэ́скэ на сыс трэй”, – ракирэ́ла тыро́ Дэвэ́л.

Ереме́ё 7:27

И палдава́ ту, Ереме́ё, пхэнэ́са сарэ́ далэ́ лава́ лэ́нгэ, нэ ёнэ на явэ́на тэ кандэ́н тут. Ту явэ́са тэ кхарэс лэн, нэ ёнэ на отпхэнэна ту́кэ.

Ереме́ё 14:9

Со́скэ Ту сан сы́рбы ману́ш, саво́ дивинэлапэ трашаса, сы́рбы зорало́ мурш, саво́ нашты́ (на могинэ́ла) тэ зракхэ́л? Нэ Ту, Раё-Дэ́вла, сан машки́р амэ́ндэ, и амэ кхараса Тыро́ лав: на мэк амэн.’

Ереме́ё 35:14

Лава́ Ионадавоскирэ (чхавэ́скирэ Рэхавоскирэ), со ёв припхэндя́ пэ́скирэ чхавэ́нгэ – тэ на пьен мол (вино) выпхэрдякирэнапэ (сполнинэнапэ), и кэ ададывэ́с ёнэ на пье́на, и ёнэ кандэ́на припхэныбэна́ лэ́нгирэ дадэнги́рэ. Нэ сароекх (усае́кх) со Мэ и ракирдём тумэ́нгэ тася́рлэс (ра́нэс) злокостыр (ранкостыр), нэ тумэ́ на кандынэ́ Ман.

Avakumo 3:8

О, Раё Дэ́вла! Ци Ту холясыян пэ рэ́ки (лэня́), Ци сыс Тыри́ холы́ проти рэ́ки (лэня́), Ци сыс Тыри́ бари холы́ проти мо́рё (дэрья́в), со Ту традэсас уклисто (уклистэ́) пэ тырэ́ ґрэндэ, Тырэ́ марибны́тка вурдэна́, савэ́ зракхэна.

Isajos 64:6

Сарэ́ амэ кэрдямпэ-сыр нажужо предмето, амари́ паты́в – сыр замакхны и́дя, амэ шутиям сыр патри́н (листо); амарэ́ налачхэ́ рэ́нды лыджинэ́ амэн, сыр балва́л.