Isajos 5:8 - Библия - Пэ Балтитко Романи чиб (Романэс) 2019

⁸ Бида тумэ́нгэ, кон кинэла екх кхэр пал яви́р, екх фэ́лда пал яви́р фэ́лда, адя́кэ, со нанэ штэ́то ваш явирэ манушэ́нгэ, адя́кэ, со, сы́рбы тумэ́ сан екхджинэ пэ пхув.

Biblija - Pe Baltitko Romani čib (Romanes) 2019

⁸ Bida tuménge, kon kinela jekh kher pal javír, jekh félda pal javír félda, adiáke, so nane štéto vaš javire manušénge, adiáke, so, sýrby tumé san jekhdžine pe phuv.

Isajos 5:8 Referans Kwoze

Mihiejo 2:2

Ёнэ исын ґалка (скэмпа) кэ фэ́лды, и ёнэ лэ́на лэн зорья́са. Ёнэ исын ґалка кэ кхэра́, и ёнэ откэдэна лэн манушэ́ндыр. И ёнэ притасавэ́на (обкэдэна) манушэ́с и лэ́скиро кхэр, и манушэ́с кокорэс, и лэ́скиро мэкно́ миштыпэ́н.

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.

Езэкилё 33:24

“Манушэ́скиро чхава! Одолэ́, кон дживэ́ла пэ штэ́ты, савэ́ ячнэ́ чхучэ́, пэ Израилёскири пхув, ракирэ́на: “Авраа́мо сыс екхджино́ и лэ́скэ дорэсцяпэ ада́я пхув, амэн исын бут; палдава́ амэ́нгэ сыс дыны́ дая́ пхув”

Езэкилё 11:15

“Чхаво́ манушэ́скиро! Трэ пшалэ́нгэ, трэ сэмэнцакэ, трэ родо́скэ и сарэ́ кхэрэ́скэ Израилёскирэскэ, сарэ́нгэ, конэ́скэ пхэндлэ́ джиибна́скирэ мануша́ дро Ерусалимо: ‘Дурьён Ра́стыр-Дэвлэ́стыр, кадая́ пхув дынэ́ амэ́нгэ сыр мэкно́ миштыпэ́н.’

Ióvo 15:28

И ёв дживэ́ла дрэ наобдживдлэ фо́рья, дрэ кхэра́, кай нико́н на дживэ́ла, савэ́ сыс анги́л-присэндиндлэ, соб (кай) лэ́ндыр тэ ячэн руи́ны.

Amoso 1:13

Адя́кэ ракирэ́ла Рай Дэвэ́л: “Пал трин чорипэна, со кэрдэ́ чхавэ́ Амоноскирэ, и пал штар чорипэна, Мэ на отмэка́ва пхаро́ сэ́ндо лэ́нгэ, пал-дова́ со ёнэ росчингирэнас (путравэнас) пэра́ пхарэ́ джувлендэ, соб (кай) лэ́нгэ тэ буґлякирэн кустыка (ме́жы) пэ пхув.

Ióvo 20:21

Ёв исыс прохаибнаскиро, и нисоса зракхцяпэ лэ́стыр: ваш-дова́ со лэ́скиро миштыпэ́н на явэ́ла ґара́ тэ урикирэлпэ.

Pritčy 15:27

Кон исын ґа́лко (жадно) кэ ко́фо, кодова́ кэрэ́ла пхарипэ́н пэ́скирэ кхэрэ́скэ, нэ кон бидыкхэла (конэ́скэ на пир ило́) мыты (взятки), явэ́ла тэ дживэ́л.

Mihiejo 2:1

Бида пэ одолэ́ндэ, савэ́ придуминэна чорипэ́н и савэ́ выдуминэна биба́хт пэ пэ́скирэ чхуибэна! Пэ зло́ко, ке́ли дывэсёла, ёнэ кэрэ́на дова́, пал-дова́ со саро́ дава́ исын дро лэ́нгиро васт.

Avakumo 2:6

Ци на лэ́на сарэ́ кадалэ́ мануша́ (конэ́с ёв росчордя) тэ ракирэ́н притча проти лэ́стэ, и тэ высан лавэ́нца лэс, пхэни́: “Бида пэ лэ́стэ, кон прибарьякирэла кэ пэ дова́, со нанэ лэ́скиро – пэ кицы́ дурэды́р дава́ явэ́ла? Бида пэ кадалэстэ, кон обчхувэла пэс сымаденца (залогэнца)?”