Isajos 5:6 - Библия - Пэ Балтитко Романи чиб (Романэс) 2019

⁶ Дасавэса Мэ лэс ячкирава: на явэ́на тэ обчхинэн лэс, на явэ́на тэ обґанавэн лэс, забарьёла ёв налачхэ́ чарьяса, Мэ припхэнава болыбнаскэ, соб (кай) ёв тэ на дэл брышы́нд лэ́скэ.”

Biblija - Pe Baltitko Romani čib (Romanes) 2019

⁶ Dasavesa Me les jačkirava: na javéna te občhinen les, na javéna te obĥanaven les, zabarjola jov nalačhé čarjasa, Me priphenava bolybnaske, sob (kaj) jov te na del bryšýnd léske.”

Isajos 5:6 Referans Kwoze

Ереме́ё 25:11

И сари́ дая́ пхув явэ́ла чхучи́ и сыр траш (дар), и сарэ́ далэ́ на́цыи явэ́на тэ дынаринэ́н крали́скэ дро Вавило́но эфтадэша́ бэрш.

Sykadyipén 11:6

Адалэ́ Якхитконэндэ исын зор тэ пхандэн болыбэ́н, соб (кай) тэ на джал брышы́нд, ке́ли ёнэ явэ́на тэ ангилпхэнэн (тэ пророчынэн). И ёнэ рикирэ́на зор, соб (кай) паня́ тэ пирикэрэнпэ дро рат и тэ мулякирэ́н лэн франсэнца ада́кицы бут мо́лы, кицы́ ёнэ выкэдэна.

Luka 21:24

И ёнэ пэрэ́на куртала́тыр и вари-савэ́н лэ́ндыр лыджа́на дро пле́но кэ яви́р на́цыи; и На́юды явэ́на тэ штакирэн Ерусалимо, пака ёнэ явэ́на тэ рикирэ́н зор.

Amoso 4:7

“Мэ адя́кэ-паць на давас брышы́нд тумэ́нгэ, ке́ли сыс ишчо (инкэ́) трин чхона́ кэ укэдыибэн гивэнгиро. Мэ бичхававас брышы́нд пэ екх фо́ро, и Мэ на бичхававас брышы́нд пэ яви́р фо́ро: екх котэ́р пхув сыс почхудо брышындэса, а яви́р, со сыс почхудо брышындэса, зашутия.

Osija 3:4

Пал-дова́ со чхавэ́ Израилёскирэ ячэ́напэ бут дывэса́ би крали́скиро, би тхагари́скиро, би свэнтонэ́-дыибна́скиро, би обсвэнцындлэ́-стылбо́скиро, би эфодо́скиро, би терафимо́скиро.

Ереме́ё 45:4

Нэ ту пхэн Варухоскэ адя́кэ: “Адя́кэ ракирэ́ла Рай Дэвэ́л: ‘Акэ, со Мэ чхудём, дова́ Мэ пхагирава тэлэ́, и со Мэ почхудём дрэ пхув, дова́ Мэ вырискирава, – дава́ исын сари́ дая́ пхув.’

Ереме́ё 14:22

Ци исын машки́р Наюды́тка и́долы одолэ́, савэ́ дэ́на брышы́нд? Ци могинэ́ла (сашты́) кокоро́ болыбэ́н тэ дэл барэ́ панинга́? Ци дава́ нанэ Рай Дэвэ́л, амаро́ Дэвэ́л? Палдава́ амэ ява́са тэ ужакирас Тут, пал-дова́ со Ту кэрдя́н саро́ дава́.

Ереме́ё 14:1

Ра́скирэ-Дэвлэ́скиро лав, саво́ явдя́ кэ Ереме́ё пал баро́ шукипэн:

Isajos 30:23

И Ёв дэ́ла ту́кэ брышы́нд, ко́ли засеинэса фэ́лда и маро́, саво́ янэ́ла пхув сыр барьякирдо́ (пло́до), лачхо́ маро́ дэ́ла ту́кэ; тырэ́ гурува лэ́на тэ чаравэнпэ дро дова́ дывэ́с пэ лачхэ́ фэ́лды.

Isajos 24:12

Чхучо́ исын фо́ро и по́рты исын роспхадинэ.

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

Яви́р Зако́но 29:23

‘Сера (дзэвэля) и лонд, схачкирибэ́н пир сари́ пхув; ёй на сеинэлапэ и на барьякирэ́ла, и на выджа́ла пэ ла́тэ ни сави́ чар, сыр пало́ (после) дова́, ке́ли сыс хасякирдэ́ Содо́мо, Гомо́ра, Адма и Севоимо, савэ́ хасякирдя́ Рай Дэвэ́л дрэ холы́ Пэ́скири, и дрэ Пэ́скиро мижэхипэн’.

3 Kralip 8:35

Ке́ли зачхакирэлапэ болыбэ́н, и на явэ́ла брышы́нд пал дова́, со ёнэ кэрэ́на грэ́хо анги́л Ту́тэ, и ко́ли помангэнапэ пэ дава́ штэ́то; и славинэна лав Тыро́, и отджана пэ́скирэ грэхостыр, пал-дова́ со Ту примириндян лэн,

Ióvo 31:40

то мэк тэ барьён канралэ раслины пэ гивэскиро штэ́то, и мэк тэ барьёл дылыны чар (куколь) пэ ґэрстоскиро (ячменёскиро) штэ́то (Иовоскирэ лава́ кончындлэпэ).

Isajos 7:19

Ёнэ привурняна, бэшэна сарэ́ ёнэ пэ лэнги, савэ́ исын чхучэ́, пэ бэ́рги, пэ сарэ́ пхусадытка чарья́; пэ сарэ́ кашта́ (дрэвы).

Isajos 32:10

Ишчо вари-кицы́ дывэса́ буты́р бэршэстыр и ячэ́на тэ дарэ́н, балвалитка (биракхибнаскирэ)! Пал-дова́ со на явэ́на тэ скэдэ́н винаградо, на явэ́на тэ кэдэн маро́.

Isajos 49:19

Дрэ тырэ́ роспхагирдэ́ кхэра́, пэ тырэ́ чхучэ́ пхувья́ и пэ тыри́ обчорды пхув на явэ́ла штэ́то, соб (кай) тэ дживэ́н одолэ́, кон халас тут, джа́на криг ту́тыр.

Isajos 55:13

Выбарьёла кипарисо пэ штэ́то, кай хру́сто сувьенца, пэ штэ́то цукнудякиро выбарьёла мирто; саро́ дава́ явэ́ла ваш барипэ́н Дэвлэ́скиро, дава́ исын досыкаибэн ве́чно.”

Osija 9:6

Пал-дова́ со, акэ, ёнэ джа́на криг, сыр явэ́ла хасибэ́н. О Еги́пто кэдэла лэн кхэтанэ́; О Мемфисо явэ́ла тэ гаравэл лэн. Цукнуда (стрекава) лэ́ла лофо пэ лэ́нгирэ рупувэ́ барвалыпэна (кучипэна); а пхусадытка хру́сты явэ́на дрэ лэ́нгирэ ша́тры.

Ioil 1:7

Ёнэ кэрдэ́ Мирэ́-винаградытконэ барьендыр чхучи́ пхув, и ёнэ пхагирдэ́ Миро инжыритко дрэ́во, ёнэ лучкирдэ цы́па лэ́стыр и чхурдынэ́ ла яври́: лэ́скирэ рандя́ ячнэ́ парнэ́.

Pritčy 24:31

и одо́й ёв сыс забарино пхусадытконэ бустенца. Лэ́скири фэ́лда сыс учхакирды цукнудяса (стракиваса), лэ́скири баруны ва́нта сыс пхагирды тэлэ́.

Roiben 2:6

И Ёв холямэс роспхагирдя́ Пэ́скири Кхангири́ сы́рбы хру́сты унтатыр (садостыр), Ёв мардя пэ котэра́ штэ́то, кай кэдэнаспэ тэ дэн паты́в Лэ́скэ. Рай Дэвэ́л кэрдя́ адя́кэ, соб (кай) тэ бистрэн упхэндлэ свэ́нки са́ваты и дро Израилё, Ёв яця́ тэ на дэл паты́в крали́скэ и раша́скэ.