Isajos 5:25 - Библия - Пэ Балтитко Романи чиб (Романэс) 2019

²⁵ Пал дова́ захачола Ра́скирэ-Дэвлэ́скири холы́ пэ Лэ́скиро народо, протырдэла Ёв Пэ́скиро васт пэ лэ́ндэ, и Ёв чилавэ́ла лэн адя́кэ, со бэ́рги издрана, а лэ́нгирэ тру́пы явэ́на вычхурдынэ пэ вули́цы (га́сы) сыр гнэё. И на пириячэ́ла Лэ́скири холы́, и васт Лэ́скиро явэ́ла протырдыно.

Biblija - Pe Baltitko Romani čib (Romanes) 2019

²⁵ Pal dová zahačola Ráskire-Devléskiri xolý pe Léskiro narodo, protyrdela Jov Péskiro vast pe lénde, i Jov čilavéla len adiáke, so bérgi izdrana, a léngire trúpy javéna vyčhurdyne pe vulícy (gásy) syr gnejo. I na pirijačéla Léskiri xolý, i vast Léskiro javéla protyrdyno.

Isajos 5:25 Referans Kwoze

Isajos 10:4

Би Миро тумэ́ бандёна машки́р манушэ́ндэ, савэ́н залынэ дро бэшыбэн, пэрэ́на машки́р домардэ́ манушэ́ндэ. Пир саро́ дава́, Лэ́скири холы́ на пириячэ́ла и васт Лэ́скиро исын протырдыно.

Isajos 9:21

Мана́сия ха́ла Ефремос, Ефре́мо ха́ла Манасияс, а кхэтанэ́ ёнэ ха́на Юдас. И на пириячэ́ла Лэ́скири холы́, и васт Лэ́скиро исын протырдыно.

Isajos 9:17

Палдава́ на явэ́ла тэ радынэ́лпэ Рай Дэвэ́л пал лэ́скирэ тэрнэ́ манушэ́ндэ, на потангинэла лэ́скирэ бидадэскирэн и биромэскирэн пал дова́, со сарэ́ ёнэ исын хохаибнарья и чора, ушта́ лэ́нгирэ пхэнэ́на налачхэ́ лава́. Палдава́ на проджа́ла Лэ́скири холы́ и васт Лэ́скиро исын протырдыно.

4 Kralip 9:37

И явэ́ла Езавелякиро тру́по пэ котэ́р пхув Изреелёскири, сыр гнэё пэ фэ́лда, адя́кэ со нико́н на пхэнэ́ла: ‘Дава́ исын Езавель.’”

Дание́лё 9:16

Раё Дэ́вла! Пиро саро́ Тыро́ чачипэ́н, мэк тэ рисёл Тыри́ холы́ и Тыро́ баро́ холякирибэ́н Тырэ́ форо́стыр, Ерусалимо́стыр, свэнтонэ́ Тырэ́ бэрга́тыр, пал-дова́ со пал амарэ́ грэ́хи и бизаконытка рэ́нды (де́лы) амарэ́ дадэнги́рэ, о Ерусалимо и Тырэ́ манушэ́н обракирэна сарэ́, савэ́ исын пашы́л амэ́ндэ.

Ереме́ё 4:24

Мэ дыкха́ва пэ бэ́рги, и, акэ, – ёнэ издрана, и сарэ́ бэ́ргицы тринскирнапэ одори́к и палэ.

1 Фесалоникийцэнгэ 2:16

савэ́ сыс тэрдэ́ пэ дром тэ ракирас Наюдэ́нгэ пал зракхибэ́н, и пир дава́ саро́ кэрэ́на барэды́р пэ́скирэ грэ́хи: нэ какана́ Дэвлэ́скири холы́ явдя́ пэ лэ́ндэ.

Naumo 1:5

Бэ́рги издрана анги́л Лэ́стэ, и бэ́ргицы биладёна; пхув кунинэлапэ анги́л Лэ́скиро явибэн [муй-р.с.]; свэ́то, и саро́, со дживэ́ла пэ свэ́то.

Ереме́ё 16:4

ёнэ мэрэ́на дукханэ мэрибна́стыр, нико́н на явэ́ла тэ обровэл лэн: ние́кх лэ́ндыр на явэ́ла гарадо́, нэ ёнэ явэ́на сыр гнэё пэ пхув. Ёнэ хасёна куртала́тыр и бокхалыпнастыр, и лэ́нгирэ тру́пы явэ́на сы́рбы хабэ́н болыбнытконэ чирикленгэ и рискирибна́скирэ мурдалэ́нгэ (зверенгэ) пэ пхув.

Psalmy 18:7

Ке́ли ма́нгэ яця́ пхаро́, мэ кхардём Рас-Дэвлэ́с и рондём заня́са анги́л мирэ́ Дэвлэ́стэ: Ёв шундя́ мири́ зан тэла́л Пэ́скирэ штэто́стыр дро Болыбна́скиро Раё, Ёв шундя́ мири́ годлыма.

2 Паралипоменоно 36:16

Нэ ёнэ сандлэпэ напатывалэс (здикиндлэпэ) Дэвлэ́скирэ бичхаибнаскирэндыр, и на шундлэ́ Лэ́нгирэ лава́, и кошнэпэ пэ Лэ́скирэ пророкэ́ндэ, пака згия Ра́скирэ-Дэвлэ́скири холы́ пэ Лэ́скирэ манушэ́ндэ адя́кэ, со на сыс лэ́скэ зракхибэ́н.

Sykadyipén 20:11

И мэ дыкхцём баро́ парно́ троно и Екхэ́с, Кон сыс бэшто́ пэ лэ́стэ. Пхув и болыбэ́н нашэнас криг Лэ́скирэ мо́стыр и штэ́то на сыс латхно лэ́нгэ.

Софония 1:17

И Мэ яна́ва бари дар пэ манушэ́ндэ, и ёнэ явэ́на тэ псирэ́н сыр корорэ́ мануша́; ёнэ кэрдэ́ грэ́хо проти Растэ-Дэвлэ́стэ, лэ́нгиро рат явэ́ла росчхудо сыр пра́хо, и лэ́нгири лоч (плоть) явэ́ла тэ кирнёл сыр гнэё”.

Avakumo 3:10

Бэ́рги дыкхнэ́ дава́ и лынэ́ Тэ издран, сыгна панинга́ дынэпэ тэ тхадэн потокоса. Хор паня́ пхэндлэ́ лэ́нгирэ заня́са, и ґаздынэ́ вучэ́с лэ́нгирэ валны сыр васта́.

Mihiejo 1:4

Бэ́рги явэ́на тэ билавэн тэл Лэ́стэ, и долы явэ́на тэ пхарадён, сы́рбы мом анги́л яг, сы́рбы паня́, со чхувэнапэ крутыматыр (вучипна́стыр).

Osija 14:4

Асуро (Асирия) буты́р на явэ́ла тэ ракхэ́л амэн, амэ на ява́са тэ традас уклистэ́, и амэ на ява́са буты́р тэ ракирас пэ буты́ амарэ́ вастэнгири: ‘Тумэ́ сан амарэ́ дэвэла́’; пал-дова́ со и пироты (бидадэнгирэ чхаворэ́) латхэ́на ла́ска Ту́тэ.”

Roiben 5:22

Нау́што Ту сарэ́са отчхурдыян пэ риг амэн, ци со Ту адя́кэ зоралэ́с холясыян пэ амэ́ндэ!

Ереме́ё 15:3

Мэ ява́ва кэ ёнэ и Мэ да́ва лэ́нгэ штар ра́зна кары’ – ракирэ́ла Рай Дэвэ́л: Курта́ла тэ мулякирэ́л, джукэла тэ рискирэ́н, болыбны́тка чирикля́, и рискирибна́скирэ мурдала́ (звери) пэ пхув, тэ похан и тэ хасякирэ́н.

Ереме́ё 9:22

Пхэн, Ереме́ё: ‘Адя́кэ ракирэ́ла Рай Дэвэ́л: “Манушэ́нгирэ тру́пы явэ́на тэ равэнпэ (тэ пасён) сыр ґнэё пэ откэрды фэ́лда, и сыр ґарбы пала́л пал гивачхиныбнаскирэстэ, и на явэ́ла буты́р нико́н тэ скэдэл лэн.”

Ереме́ё 8:2

Ёнэ росчхувэна [росчхурдэна-р.с.] лэн анги́л кхам, и анги́л чхон, и анги́л сарэ́ болыбна́скирэ халадыбэна (янголы), савэ́н ёнэ камлэ́, и савэ́нгэ ёнэ дынариндлэ́; пал савэ́ндэ ёнэ гинэ́, и савэ́ндыр ёнэ мангнэ́ тэ дэн годы́: савэ́н ёнэ родынэ и савэ́нгэ ёнэ отдынэ́ паты́в. Далэ́ кокалы́ на явэ́на тэ укэдэн, и на явэ́на тэ гаравэн, нэ ёнэ явэ́на сы́рбы ґнэё упра́л пэ пхув.

Ереме́ё 4:8

Палдава́ подпхандэнпэ жалобнонэ гонэса, обровэн и ровэ́н годла́са: пал-дова́ со Ра́скирэ-Дэвлэ́скиро холякирибэ́н, на рисия́ амэ́ндыр.

Psalmy 114:7

Издра пхув анги́л Растэ-Дэвлэ́стэ, анги́л Яково́скирэ Дэвлэ́стэ,

Psalmy 106:40

Палдава́ Ра́скирэ-Дэвлэ́скири холы́ росхачия пэ Лэ́скирэ манушэ́ндэ и ёнэ ячнэ́ джунгалэ́ (збрыдиндлэ) Лэ́скэ, сыр лэ́скиро мэкно́ миштыпэ́н.

Psalmy 83:10

Кэр адя́кэ-паць Мидианэнгэ сыр Сисараскэ, сыр Иадиноскэ пашы́л сы́гно панинг Кисоно,

Psalmy 78:38

Нэ Ёв исын лачхэ́-илэ́скиро: Ёв отмэкця́ чорипэ́н и на пхагирдя́ лэн. Бут мо́лы Ёв рискирэлас криг Пэ́скири холы́, и Ёв на джангавэлас Пэ́скири бари холын.

Psalmy 77:18

Пхэрдэ́ о́блоки пэ болыбэ́н дынэ́ тэлэ́ паня́, болыбэ́н пхэндя́ заня́са, и Тырэ́ марибны́тка бустя́ (стре́лы) вурняндынэ криг;

Psalmy 68:8

О, Дэ́вла! Ке́ли Ту выджасас анги́л Пэ́скирэ манушэ́ндэ, ке́ли Ту ги́ян пир чхучи́ пхув,

4 Kralip 13:3

И захачи́я холы́ Ра́скирэ-Дэвлэ́скири пэ Израилё, и Ёв отдыя́ лэн дрэ Азаилоскиро васт, Сирия́киро-крали́скиро, и дро Венададоскиро васт, Азаилоскирэ чхавэ́скиро, дрэ сарэ́ дывэса́.

3 Kralip 21:24

Кон мэрэ́ла Ахавостэ дро фо́ро, одолэ́с схана джукэла; а кон мэрэ́ла пэ фэ́лда, одолэ́с чирикля́ болыбны́тка росклюинэна.”

3 Kralip 16:4

Кон мэрэ́ла Ваасастэ дро фо́ро, одолэ́с схана джукэла; а кон мэрэ́ла лэ́стэ пэ фэ́лда, одолэ́с росклюинэна болыбна́скирэ чирикля́.”

3 Kralip 14:11

Кон мэрэ́ла Еровоамостэ дрэ фо́ро, одолэ́с схана джукэла, а кон мэрэ́ла пэ фэ́лда, одолэ́с доклюинэна чирикля́ болыбна́скирэ; адя́кэ пхэндя́ Рай Дэвэ́л.’

Яви́р Зако́но 31:17

и захачола Мири́ холы́ пэ лэ́ндэ дро дова́ дывэ́с, и Мэ ячкирава лэн, и Мэ гаравава Миро муй лэ́ндыр, и ёнэ явэ́на традынэ криг, и латхэ́на лэн барэ́ биды и пиридживипэна, и пхэнэ́на ёнэ дро дова́ дывэ́с: “Ци на палдава́ латхнэ́ амэн далэ́ биды, со нанэ Дэвлэ́с (нанэ Дэвэ́л) машки́р амэ́ндэ?”

Vygiiben 7:19

И пхэндя́ Рай Дэвэ́л Мойза́скэ: “Пхэн Аароно́скэ: ‘Лэ тыро́ дэсто́ и чхув тыро́ васт пэ Египтянэнгирэ паня́: пэ лэ́нгирэ рэ́ки (лэня́), пэ лэ́нгирэ тхадыпна, пэ лэ́нгирэ зеры (озеры) и пэ кажно штэ́то, кай исын пани́; и рисёна дро рат, и явэ́ла рат пир сари́ Египто́скири пхув и дрэ каштунэ кхорэ́ и дрэ барунэ́ кхорэ́ (сасу́ды).’”

Isajos 10:6

Мэ бичхава́ва лэс пэ грэхоскиро народо, пэ народо, со прилыя́ Мири́ холы́; Мэ да́ва лэ́скэ припхэныбэ́н, соб (кай) тэ чорэл барэ́ чорибнаса, соб (кай) тэ дорэсэл дорэсыбэ́н, соб (кай) тэ кэрэ́л далэ́ народо́стыр бла́та пэ вули́ца (га́са).

Isajos 14:19

А ту сан чхурдыно́ коплицатыр (гробницатыр), сыр налачхи рандь, сыр урибэ́н кодолэнгиро, конэ́с замардэ́, замардэ́ куртала́са, конэ́с гарадэ́ дрэ пхув, ту сан сыр вычхурдыно тру́по.

Isajos 23:11

Ёв протырдыя́ Пэ́скиро васт пэ мо́рё (дэрья́в), Ёв пиритринскирдя кралипэна́; Рай Дэвэ́л припхэндя́ пал Ханаано, соб (кай) тэ роспхагирэн лэ́скирэ тва́рдыми (крепости).

Isajos 25:11

Мэк тэ протырдэл ёв пэ́скирэ васта́, сыр ману́ш, саво́ плывинэла (дэ́ла плима) акана́, ростырдэла васта́ тэ плывинэл (тэ дэл плима), нэ чхувэ́ла тэлэ́ Дэвэ́л пал лэ́скиро пхутькирибэ́н, пал хохаибэ́н, саво́ лэ́скирэ васта́ кэрэ́нас.

Isajos 42:25

И Ёв вычхудя́ пэ лэ́ндэ Пэ́скири холы́ и марибны́тко холямипэн; ёй хачола яга́са сарэ́ ригэ́ндыр, нэ ёнэ на дыкхнэ́; хачолас лэ́ндэ, нэ ёнэ на ґалынэ́ дава́ илэ́са.

Isajos 51:20

Тырэ́ чхавэ́ ячнэ́ бизорья́кирэ, ёнэ исын паштэ́ пэ сарэ́ вули́цы (га́сы), пхандлэ сыр мирга (серна) дрэ фэлы́ (петля); пэ лэ́ндэ пхэрдия Тырэ́ Ра́скирэ-Дэвлэ́скири холы́; Тырэ́-Дэвлэ́скиро годлыпэн.

Isajos 64:3

Ке́ли Ту кэрэсас даранэ рэ́нды, савэ́ амэ на ужакирасас, и Ту джасас тэлэ́ – бэ́рги биладёнас (таинэнас) Тырэ́ мо́стыр.

Isajos 66:15

Акэ, дрэ яг Рай Дэвэ́л явэ́ла, и лэ́скирэ вурдэна́ – сыр зоралы́ балва́л. И явэ́ла, соб (кай) тэ сыкавэ́л Пэ́скири холы́ зорья́са тэ сыкавэ́л Пэ́скирэ лава́ пал холы́ хачкирдэ́ яга́са.

Isajos 66:24

“И ёнэ явэ́на тэ выджа́н и явэ́на тэ дыкхэ́н одолэ́-манушэ́нгирэ тру́пы, кон отгия́ Ма́ндыр; пал-дова́ со кирмо лэ́нгиро на хасёла, и яг лэ́нгири на мурдёла; ёнэ явэ́на сыр джунгалыпэ́н (магирипэ́н) ваш кажно лоч (плоть).”

Ереме́ё 17:4

И тумэ́ кокорэ́ отдэна мэкно́ миштыпэ́н, саво́ Мэ отдыём тумэ́нгэ: и Мэ кэра́ва адя́кэ, со тумэ́ явэ́на тэ дынаринэ́н тумарэ́ вэргэ́нгэ пэ пхув, сави́ тумэ́ на джинэ́на: пал-дова́ со тумэ́ росхачкирдэ Мирэ́ – холякири яг; ёй явэ́ла тэ хачол пэ сарэ́ ве́ки.

Езэкилё 6:14

И протырдава Мэ кэ ёнэ Миро васт, и кэра́ва адя́кэ, со пхув ячэ́ла чхучи́, чхучэдыр штэто́стыр, кай чхучэ́ пхувья́ Дивлаф кэ сарэ́ штэ́ты, кай ёнэ дживэ́на. И тэ́ньчи ёнэ ґалёна, со Мэ сом Рай Дэвэ́л, Дэвэ́л.”

Езэкилё 30:25

Мэ кэра́ва Вавилоно́скирэ-крали́скирэ псикэ́ зоралэ́ псикэнца, а Фараоно́скирэ васта́ мэкэнапэ, и ёнэ ґалёна, со Мэ сом Рай Дэвэ́л, Дэвэ́л, ко́ли Мэ да́ва Мири́ курта́ла Вавилоно́скирэ крали́скэ, и ёв ґаздэ́ла ла пэ Египто́скиро пхув.

Amoso 8:8

Ци на лэ́ла тэ издрал пхув пал дава́, и кажно (сва́ко) ману́ш явэ́ла тэ тугинэл зоралэ́с, кон дживэ́ла пэ дая́ пхув. Ци на ґаздэ́лапэ сыр шувлыпэн сари́ дая́ пхув сы́рбы рэка (лэнь): со явэ́ла тэ ґаздэлпэ валнэнца и тэ мэкэл тэлэ́ екха́тыр (сра́зу) сы́рбы рэка (лэнь) Египто́скири.’

Яви́р Зако́но 31:18

и Мэ, чачэс, гаравава Миро муй лэ́ндыр дро дова́ дывэ́с пал сарэ́ лэ́скирэ фуй рэ́нды, савэ́ ёнэ кэрэ́на, гии кэ яви́р дэвлорэ́.

Ióvo 9:13

Дэвэ́л на лэ́ла кри Пэ́скири холы́; Шуахостыр помогибнаскирэ бандёна тэл Лэ́стэ:

Isajos 9:11

Ѓаздэла Рай Дэвэ́л пэ лэ́стэ (Ефремостэ) Рецыноскирэ вэргэ́н, и Ёв дэ́ла курта́ла одолэ́нгэ, савэ́ холясона пэ лэ́стэ.

Isajos 9:16

Далэ́-народоскирэ шэралэ́ хохавэна одолэ́н, и кон исын кхэтанэ́ лэ́нца, одолэ́ хасёна.

Isajos 9:20

Явэ́на тэ чхинэн пир чачи́ риг – а бокхалэ́ ячэ́напэ, явэ́на тэ хан пир ле́во (зэ́рво) риг – на чалёна; кажно явэ́ла тэ хал кокоро́ пэс.

Isajos 29:2

Нэ Мэ тасавава Ариило, явэ́на тэ годлэн, явэ́на тэ ровэ́н, и ёв ячэ́лапэ Ма́ндэ, сыр Ариило.

Ереме́ё 6:12

И лэ́нгирэ кхэра́ дэ́на явирэ манушэ́нгэ, лэ́нгирэ ромне́н и фэ́лды кхэтанэ́; пал-дова́ со Мэ ґазда́ва Миро васт пэ манушэ́ндэ пэ кодоя пхув”, – пхэндя́ Рай Дэвэ́л.

Езэкилё 15:6

Палдава́ адя́кэ ракирэ́ла Рай Дэвэ́л, Дэвэ́л: сыр винаградоскиро кашт машки́р вэшытка кашта́ Мэ отдыём, соб (кай) яг лэс тэ хал, адя́кэ Мэ отда́ва ягакэ манушэ́н, савэ́ дживэ́на кэ Ерусалимо.