Isajos 5:2 - Библия - Пэ Балтитко Романи чиб (Романэс) 2019

² Ёв обкэрдя (облыджия) лэс тыноса, жужакирдя лэс барэндыр, чхудя́ дрэ лэ́стэ лачхэ́ винаградоскирэ кашта́, кэрдя́ кхэр дрэ лэ́стэ, выґанадя одо́й штэ́то, соб (кай) тэ тасавэн винаградо, и ужакирэлас, со янэ́ла ёв лачхо́ барьякирдо́ (пло́до), а ёв яндя́ барьякирдо́ на́лачхо.

Biblija - Pe Baltitko Romani čib (Romanes) 2019

² Jov obkerdia (oblydžija) les tynosa, žužakirdia les barendyr, čhudiá dre léste lačhé vinagradoskire kaštá, kerdiá kher dre léste, vyĥanadia odój štéto, sob (kaj) te tasaven vinagrado, i užakirelas, so janéla jov lačhó barjakirdó (plódo), a jov jandiá barjakirdó nálačho.

Isajos 5:2 Referans Kwoze

Ереме́ё 2:21

И Мэ почхудём тут дрэ пхув сыр лачхэ́-родоскиро винаградо, лачхэ́-семёскирэ зяркатыр: сыр да ту пирикэрдянпэ дрэ хасибны́тко (верутно) отбарипэн диконэ винаградостыр анги́л Ма́ндэ.

1 Коринфянэнгэ 9:7

Саво́ халадо (рулдо) лыджа́ла марибэ́н пал пэ́скирэ ловэ́? Кон исын, саво́ чхудя́ винагра́днико, соб (кай) тэ на хал му́ри? Кон исын, саво́ чаравэла гурто, соб (кай) тэ на пьел тхуд лэ́ндыр?

Marko 11:13

и Ёв дыкхця́ дура́л инжыритко кашт (дрэ́во), саво́ сыс чхакирдо патренца (листэнца) и подги́я пашылэды́р тэ дыкхэ́л, ци исын пэ лэ́стэ барьякирдэ́ (пло́ды). Нэ барьякирдэ́ пэ кашт на сыс, екх патря, пал-дова́, со часо ваш му́ри на явдя́.

Римлянэнгэ 9:4

ґа́да, ёнэ исын Израилёскирэ мануша́, лэ́нгэ сыс дыно́ тэ ячэн Дэвлэ́скирэ чхавэ́нца тэ прилэ́н миштыпэ́н, исын дыно́ и сла́ва и завето, и Зако́но тэ прилэ́н, и мангипэ́н Дэвлэ́скэ, и лав анги́л;

Marko 12:2

Нэ ке́ли явдя́ часо, ёв бичхадя́ кэ винаградарья екхэ пэ́скирэ писхарьендыр тэ лэл пэ́скири паш аплодостыр,

Матфеё 21:34

И сыр подги́я часо тэ кэдэн барьякирдэ́ (пло́ды), ёв бичхадя́ пэскирэн писхарье́н кэ винаградарья тэ лэл пэ́скири паш аплодостыр

Матфеё 21:19

И дыкхця́ Ёв инжыритко кашт пашы́л дром, подги́я кэ ёв, и нисо́ на латхя́ пэ дава́ кашт (дрэ́во)-екх патря (листы), и пхэндя́ пэ кашт: “Тэ на явэ́л ние́кхвар барьякирдо́ (пло́до) ту́тыр!” И инжыритко кашт ада́й жа зашутия.

Mihiejo 4:8

И ту, вучарды́, (башня) соб (кай) тэ дыкхэ́н пал бакрэ́нгирэ ста́ды, бэ́ргица Сионоскирэ-чхакири, кэ ту явэ́ла и рисёла палэ раипэн, саво́ сыс вагэдыр (англэды́р), кралипэ́н Сионоскирэ-чхакири.

Osija 10:1

Израилё исын пышно винаграды́тко кашторо, саво́ бутэды́р янэ́ла му́ри пэ́скэ. Со бутэды́р ёв дэ́ла му́ри, то бутэды́р ёв кэрэ́ла алта́ри; со фэдэды́р ячэ́лапэ лэ́скири пхув, то ёнэ бутэды́р гожакирэна (шукарьякирэна) сты́лбы вычхудэ́ муенца / патренца (образэнца).

Isajos 5:7

Ра́скирэ-Дэвлэ́скиро, болыбна́скиро-янголэ́нгиро винагра́днико исын кхэр Израилёскиро, а мурша́ Юдэя́тыр – дро́го Лэ́скиро барьякирдо́, саво́ Ёв барьякирдя. Ужакирэлас Ёв, со явэ́ла чачуно́ сэ́ндо, нэ акэ – рат чхувэ́лапэ, ужакирэлас чачипэ́н, нэ акэ – годлэна.

Isajos 1:8

И яця́пэ Сионо́скири чхай, сыр ша́тра дрэ виноградо́скири у́нта (садо), сыр шала́шо дрэ бар (огородо), сыр фо́ро, пэ саво́ ґаздынэ́пэ (заухтылдэ) вэ́рги.

Ниеми́я 13:15

Дрэ долэ́ дывэса́ дыкхцём мэ дрэ Юдэ́я, со дро са́вато (субо́та) тасавэна дро пресо, лыджа́на ґарбы (снопы) и чхувэ́на мол, винаградо, инжыро и кажно пхарипэ́н и лыджа́на дро са́вато дро Ерусалимо. И мэ зоралэ́с выпхэндём лэ́нгэ дро дова́ дывэ́с, сыр ёнэ бикнэнас хабнытко.

Сэндарьенгири Лылвари́ 16:4

Коригэды́р (позжэ) дава́ лэ́скэ яця́ пир ило́ екх джувлы́, сави́ дживдя́ пэ Сорекоскиро до́ло; лав ла́киро сыс Далида.

Яви́р Зако́но 32:6

Ци адя́кэ, со тумэ́ отдэна палэ Ра́скэ-Дэвлэ́скэ, мануша́ дылынэ́ и бигодякирэ? Ци на Ёв исын Дад тыро́, Саво́ сыклякирдя́ тут, Саво́ создыя́ тут и чхудя́ тут?

Čysly 23:9

Бэргакирэ вучипна́стыр мэ дыкха́ва лэс, и бэргицэндыр пэ лэ́стэ дыкха́ва: акэ, мануша́ дживэ́на, кон пэ́скэ роздельнэс, и машки́р манушэ́ндэ на гинэлапэ.

Vygiiben 33:16

палдава́ со пир со тэ уджинас, со мэ и Тырэ́ мануша́ латхям ла́ска дрэ Тырэ́ якха́? Ци на пир дава́, ке́ли Ту джа́са амэ́нца? Тэды мэ и Тырэ́ мануша́ ява́са тэ выдаспэ славутнэдыр кажнонэ́ явирэ манушэ́ндыр пэ пхув.”

Матфеё 21:33

Шунэ́н яви́р сыкаибэ́н: ‘Екх ману́ш, кхэрэ́скиро хула́й, чхудя́ винагра́днико и тыно пашы́л лэ́стэ, выґанадя ґанби́н тэ тасавэл мол (вино) и кэрдя́ вучарды́ (вышка) ваш ракхибэн и отдыя́ лэс винаградарьенгэ, а кокоро́ гия́ пэ́скэ.

Marko 12:1

И Ису́со лыя́ тэ ракирэ́л манушэ́нгэ примерэнца (сыкаибнэнца): “Екх ману́ш чхудя́ винагра́днико, и тыно пашы́л лэ́стэ, вы ґанадя ґанби́н (яма) тэ тасавэл мол (вино) и кэрдя́ вучарды́ (вышка) тэ ракхэ́н, и здыя лэс винаградарьенгэ дро наймо и кокоро́ традыя́.

2 Kralip 7:10

И Мэ кэра́ва штэ́то ваш Мирэ́ манушэ́нгэ, ваш Израилё, и Мэ чхува́ва пэ пхув лэс, и явэ́ла ёв штылэ́с тэ дживэ́л пэ пэ́скиро штэ́то, и на явэ́ла тэ тугинэлпэ буты́р, и налачхэ́ мануша́ на явэ́на буты́р тэ традэ́н лэс, сыр англэды́р,

Psalmy 80:8

О, Дэ́вла, болыбна́скирэ-янголэ́нгиро! Зоралякир палэ амэн и мэк тэ зяинэл Тырэ́-москиро дуд, и амэ зракхасапэ.

Psalmy 80:9

Ту яндян винаградоскиро хру́сто (лоза) Египто́стыр, Ту традыян криг яви́р на́цыи и чхудя́н дава́ хру́сто дрэ пхув:

Ереме́ё 11:17

Пал-дова́ со болыбна́скирэ-янголэ́нгиро, Рай Дэвэ́л, Саво́ чхудя́ дрэ пхув тут, выпхэндя розплэскирибэн пэ ту́тэ пал фуипэ́н (биба́хт), сави́ кэрдэ́ Израилёскирэ и Юдэя́кирэ кхэра́. Ёнэ кэрдэ́ дава́ пэ пэ́стэ и далэ́са ёнэ дукхадэ Ман кэ холы́, сыр ёнэ хачкирдэ́ дро́га смо́лы Ваалоскэ.”