Isajos 5:19 - Библия - Пэ Балтитко Романи чиб (Романэс) 2019

¹⁹ Савэ ракирэ́на: “Мэк Ёв тэ джал сыгэды́р, мэк тэ кэрэ́л Пэ́скири буты́, соб (кай) амэ тэ дыкхас. Мэк тэ явэ́л, мэк тэ сыкавэ́л, со дава́ исын – Свэнтонэ́-Израилёскиро годыпэ́н, соб (кай) амэ тэ ґалёвас!”

Biblija - Pe Baltitko Romani čib (Romanes) 2019

¹⁹ Save rakiréna: “Mek Jov te džal sygedýr, mek te kerél Péskiri butý, sob (kaj) ame te dykhas. Mek te javél, mek te sykavél, so davá isyn – Sventoné-Izrailjoskiro godypén, sob (kaj) ame te ĥaljovas!”

Isajos 5:19 Referans Kwoze

Езэкилё 12:22

“Манушэ́скиро чхава! Со за пхэныбнытко лав ракирэ́на тумэ́, пэ Израилёскири пхув: ‘Проджа́на (накхэна) бут дывэса́ и хасёла ангилпхэныбнаскиро дыкхибэ́н?’

Ереме́ё 17:15

Акэ, ёнэ пхэнэ́на ма́нгэ: ‘Кай исын Ра́скирэ-Дэвлэ́скиро лав! Мэк Ёв тэ явэ́л!’

Ереме́ё 23:36

И тумэ́ на ракирэ́н буты́р: ‘Пхари́ звесь (зан) Ра́стыр-Дэвлэ́стыр, пал-дова́ со кажно адасаво́ лав манушэ́стэ явэ́ла пхари́ звесь (зан) ваш лэ́скэ, кон адя́кэ ракирэ́ла, пал-дова́ со тумэ́ пиририскирдэ лава́ джидэ́ Дэвлэ́скирэ, амарэ́ Ра́скирэ-Дэвлэ́скирэ, янголэ́нгирэ-болыбна́скирэ, амарэ́ Дэвлэ́скирэ.

Езэкилё 12:27

“Манушэ́скиро чхава! Акэ, Израи-лёскиро кхэр ракирэ́ла: ‘Ангилпхэныбнаскиро лав, саво́ ёв дыкхця́, пхэрдякирэлапэ (сполнинэлапэ), ко́ли проджа́на бут дывэса́ ададывэсэстыр; ёв ракирэ́ла ваш англыпэ́н.’

Ереме́ё 23:18

Пал-дова́ со кон сыс тэрдо́ пэ скэдыибэ́н, кай Рай Дэвэ́л дэ́лас годы́, соб (кай) тэ ґалёл анги́л Лэ́скиро лав? Кон причхудя пэ́скиро кан кэ Лэ́скиро лав и шундя́ лэс?

Isajos 66:5

Шунэ́н Ра́скирэ-Дэвлэ́скиро лав одолэ́, кон издрала анги́л Лэ́скиро лав! Тумарэ́ пша́ла на рикирэ́на дро ило́ тумэн, ёнэ традэ́на тумэн пал Миро лав и ракирэ́на: “Мэк Рай Дэвэ́л тэ сыкавэ́л Пэс дро Пэ́скиро барипэ́н, и амэ подыкхаса, сыр тумэ́ явэ́на тэ радынэ́нпэ.” Нэ ёнэ явэ́на ладжакирдэ́.

Isajos 30:11

Зджан дромэ́стыр, уджан дромэ́стыр, залэн амарэ́ якхэ́ндыр Свэнтонэ́-Израилёскирэ Дэвлэ́с.”

Ереме́ё 36:23

И сыс адя́кэ: ке́ли о Егуди пиригиндя трин ци штар ряды (колонки), о кра́ли чхиндя́ лэн чхурьяса лыла́-чхиныбнаскирьяса, и чхурдыя́ дрэ яг, сави́ сыс дро саструны пири́ аж сыр яг похая саро́ сви́тко, саво́ сыс дрэ пири́.

Osija 10:3

Пал-дова́ со акана́ ёнэ ракирэ́на: ‘Амэ́ндэ нанэ Кра́ли, пал доваа со амэ на дарандыям Ра́стыр-Дэвлэ́стыр. Ко́ли тэ явэ́л кра́ли амэ́ндэ, со ёв кэрэ́ла амэ́нгэ?’

Малахия 2:17

Тумэ́ кхинякирдэ [холякирэна-р.с.] кэ холы́ Рас-Дэвлэ́с тумарэ́ лавэ́нца, ке́ли пхучэна тумэ́: “Со́са амэ кхинякирдям Лэс?” Акэ, ке́ли тумэ́ ракирэ́на: “Кажно (сва́ко), кон кэрэ́ла биба́хт (холы́), исын лачхо́ ваш Ра́скэ-Дэвлэ́скэ, и Ёв древа́н радынэ́лапэ лэ́ндыр,” ці, “Кай исын чачипна́скиро Дэвэ́л?”