Biblia Todo Logo
Bib sou entènèt

- Piblisite -




Isajos 5:18 - Библия - Пэ Балтитко Романи чиб (Романэс) 2019

18 Бида одолэ́нгэ, савэ́ тырдэна кэ пэ грэ́хо би ракхибнаскирэ шэлэнца, тырдэна кэ пэ грэ́хо сы́рбы симиренца пэ рота.

Gade chapit la Kopi

Biblija - Pe Baltitko Romani čib (Romanes) 2019

18 Bida odolénge, savé tyrdena ke pe grého bi rakhibnaskire šelenca, tyrdena ke pe grého sýrby simirienca pe rota.

Gade chapit la Kopi




Isajos 5:18
23 Referans Kwoze  

И Мэ дыкхцём трашанэ (даранэ) рэ́нды машки́р пророкэ́ндэ дро Израилё: ёнэ камэ́на явирэ дэвлорэ́ и ёнэ псирэ́на хохаибнаса. Ёнэ зоралякирэна одолэнгирэ васта́, кон кэрэ́ла биба́хт, соб (кай) нико́н тэ на рисёл криг пэ́скирэ злыдниматыр. Ёнэ ячнэ́ ваш Ма́нгэ сыр Содо́мо, и мануша́ лэ́скирэ сыр мануша́ дрэ Гомо́ра.”


Пал-дова́ со тумэ́ пхэнэ́на хохаибэ́н дэвлытконэ́ манушэ́скэ тэ кэрэ́лпэ пхаро́ лэ́скэ пэ ило́ (а Мэ на камамас, соб (кай) тэ явэ́л пхаро́ пэ лэскро ило́), и подрикирэна фуе́-манушэ́скирэ васта́, соб (кай) ёв тэ на рисёл пэ́скрэ бэдытконэ дромэ́стыр, и тэ на зракхэ́л пэ́скиро джиибэ́н.


Пал-дова́ со пхув исын пхэрды́ манушэ́нца, савэ́ камэ́на явирэ дэвлорэн, пал-дова́ со ёй зоралэ́с тугинэла (ровэла) прокошыбнастыр. Чаритка фэ́лды (пастбишчы) пэ чхучи́ пхув шутинэ; пал-дова́ со пророкэнгиро дром исын бибахтало́, и лэ́нгири зор исын дро начачипэ́н.


проро́ки ангилпхэнэна хохаибэ́н, рашая́ хулаинэна лэ́нгирэ лавэ́нца, и Мирэ́ мануша́ камэ́на дава́. Нэ со ёнэ явэ́на тэ кэрэ́н дро ко́нцо (дро яго́ро)?”


Ке́ли фуй ману́ш кэрэ́ла чорипэ́н, лэ́скиро ило́ сы́рбы ракирэ́ла мирэ́ илэскэ: “На трэй мирэ́ якхэнгэ тэ дарэ́н Дэвлэ́стыр.”


Мэ, чачо́, адя́кэ-паць думиндём, со проти Исусо́скирэ Назареёскиро лав ма́нгэ трэй бут со тэ кэра́в.


Тумэн традэ́на яври́ кхангирьендыр; и явэ́ла дасаво часо (цы́ро), ке́ли одова́ ману́ш, саво́ замарэла тумэн, явэ́ла тэ думинэл, со ёв далэ́са дынаринэла Дэвлэ́скэ.


И явэ́ла адя́кэ дро дова́ дывэ́с, со Мэ пириродава Ерусалимо момолытконэнца (светильникэнца), и Мэ пхарэ́с сэндякирава манушэ́н, савэ́ кашталынэ пэ лэ́нгиро ячаибэ́н моля́тыр (виностыр), савэ́ пхэнэ́на пэ́скэ: ‘О Рай Дэвэ́л на кэрэ́ла лачхипэ́н, и Ёв на кэрэ́ла биба́хт’.


“Ци могинэ́ла (сашты́) ману́ш тэ гарадёл дрэ чораханэ штэ́ты, соб (кай) Мэ тэ на дыкха́в лэс?” – ракирэ́ла Рай Дэвэ́л. “Ци на сом Мэ пэ болыбэ́н и пэ пхув?” – ракирэ́ла Рай Дэвэ́л.


Пал-дова́, со тумэ́ ракирэ́на: “Амэ доракирдямпэ хорэ штэтоса тэл пхув люноса (адоса) и мэрибнаса: ко́ли проджа́ла чхупны, сави́ хасякирла саро́, кэ амэ ёй на доджа́ла, пал-дова́ со хохаибнаса амэ зракхасапэ и начачипнаса пэс закэраса (пхандасапэ).”


Хоро́скирэ Дирижоро́скэ. Давидо́скиро Пса́лмо. Дылыно́ пхэндя́ пэ́скэ: “Нанэ Дэвлэ́с!” Мануша́ ячнэ́ розмэкнэ, ёнэ кэрдэ́ злыднитка рэ́нды: нанэ ние́кх, кон кэрэ́ла пир чачипэ́н.


[32] Ёв думинэ́ла пэ́скэ: “Дэвэ́л бистырдя. Ёв гарадя Пэ́скирэ якха́, Ёв на дыкхэ́ла дава́.”


И пхэндя́ Миха: “Какана́ мэ джино́м, со Рай Дэвэ́л явэ́ла ма́нгэ тэ кэрэ́л лачхипэ́н, пал-дова́ со Левито ма́ндэ яця́ раша́са.”


И сыс Михастэ Дэвлэ́скиро Кхэр. И кэрдя́ ёв эфо́до и терафимо, и ёв высвэнцындя пэ́скирэ чхавэ́ндыр екхэ́с, соб (кай) ёв тэ явэ́л лэ́стэ раша́са.


И сыс адя́кэ: ке́ли о Егуди пиригиндя трин ци штар ряды (колонки), о кра́ли чхиндя́ лэн чхурьяса лыла́-чхиныбнаскирьяса, и чхурдыя́ дрэ яг, сави́ сыс дро саструны пири́ аж сыр яг похая саро́ сви́тко, саво́ сыс дрэ пири́.


И ёнэ ха́на маро́ фуе́ рэндэ́ндыр, ёнэ пьена мол (вино), со дорэснэ́ нахратэс (зорья́са).


Swiv nou:

Piblisite


Piblisite