Isajos 5:17 - Библия - Пэ Балтитко Романи чиб (Романэс) 2019

¹⁷ Бакря́ явэ́на тэ чаравэнпэ кокорэ́ пир пэ́стэ, чу́жа мануша́ явэ́на тэ хан барвалэнгирэ фэлдатыр.

Biblija - Pe Baltitko Romani čib (Romanes) 2019

¹⁷ Bakriá javéna te čaravenpe kokoré pir péste, čúža manušá javéna te xan barvalengire feldatyr.

Isajos 5:17 Referans Kwoze

Софония 2:6

Морёскирэ брэгостыр ячэ́напэ чаритка пхувья́ будэ́нца (шалашэнца) ваш чхупнарьенгэ, и гражэнца (овчарникэнца) ваш бакрэ́нгирэ ґурты.

Isajos 7:25

На пэ екх бэ́рга, савэ́ англэды́р обкэрэнас мотыгаса, ту на подджаса, пал-дова́ со ту явэ́са тэ дарэс пхусадытконэ чарьендыр: одори́к явэ́на тэ вытрадэн гурувэ́н, тыкно́ мурда́л явэ́ла тэ марэл (тэ тасавэл) ґэрэ́нца далэ́ чарья́.”

Софония 2:14

Кхэри́тка ста́ды, и кажно мурда́л (жывотно), со исын пэ свэ́то, явэ́на тэ пасён машкира́л дава́ форо́скиро штэ́то. Пеликано и ныгло/бузно (ёжо) явэ́на тэ дживэ́н пэ гожакирдэ вычхиныбэна, со исын пэ форо́скирэ сты́лбы, лэ́нгирэ заня́ явэ́на тэ бага́н дрэ фэнштры (дудаля́); обрискирдо явэ́ла лэ́нгиро прого; обсыибэн пэ кедрытко кашт явэ́ла лучкирдо.

Luka 21:24

И ёнэ пэрэ́на куртала́тыр и вари-савэ́н лэ́ндыр лыджа́на дро пле́но кэ яви́р на́цыи; и На́юды явэ́на тэ штакирэн Ерусалимо, пака ёнэ явэ́на тэ рикирэ́н зор.

Mihiejo 2:12

Нэ Мэ, чачэс, кэдава кхэтанэ́ сарэ́н тумэн, о Яково, Мэ чачипна́са скэда́ва ячкирдэ́ манушэ́н Израилёскирэн; Мэ чхува́ва кхэтанэ́ (кхэтанякирава) лэн сыр бакрэ́н дрэ Восора (Боцра) сы́рбы стада машки́р лэ́нгирэ чарьитка фэ́лды: ёнэ явэ́на зоралэ́с тэ дэн го́дла, пал-дова́ со лэн ада́кицы бут мануша́ исын.”

Osija 8:7

Ёнэ посеиндлэ балва́л, и ёнэ счхинэна штормо: сыр гива́ лэ́ндэ сарэ́са на явэ́на пэ ґэро́й (колосо); на явэ́ла прибарипэн дро яржо́. Ко́ли и выбарьёла лэ́ндэ вари-со, то э чу́жа мануша́ накхавэна (проглынинэна) яржо́ (гив).

Roiben 5:2

Амаро́ миштыпэ́н гия́ ригаса чужонэ́ манушэ́нгэ, а амарэ́ кхэра́ явирэ-тхэмэскирэнгэ.

Ереме́ё 5:28

Ёнэ ячнэ́ тхулэ, ёнэ зяинэна и, ґалён, со ёнэ пиригинэ́ любо ме́ра тэ кэрэ́н фуипэ́н, ёнэ на сэндякирэна пир рэ́ндо сыр трэй, пиротоскиро (сиротэнгиро) рэ́ндо, нэ лэ́нгэ удэлапэ кэ миштыпэ́н. Ёнэ на затэрдёна пал одолэнгиро чачипэ́н, кон исын дрэ трэ́бима.

Isajos 65:10

Пэ Сароно явэ́на тэ чаравэнпэ бакря́; пэ Акхоро гурува явэ́на тэ откхинён, Мирэ́ народоскирэ, саво́ латхя́ Ман.

Isajos 40:11

Сыр чхупна́ри Ёв ракхэ́ла Пэ́скирэ бакрэ́н; а бакрорэ́н лэ́ла Ёв пэ васта́ и явэ́ла тэ лыджа́л пэ Пэ́скиро колы́н, и савэ́ дэ́на тхуд тэ лыджа́л.

Isajos 32:14

Райканэ кхэра́ (харомы) ячкирэна, фо́ро, саво́ шуминэла, ёв чхурдыно́ явэ́ла. Офело и вучарды́ (башня) явэ́на штэтоса, кай гаравэнапэ ослы (мега́рья) и ста́ды, савэ́ чаравэнапэ.

Isajos 17:2

Ароэроскирэ фо́рья мэкэ́на мануша́, ёнэ явэ́на штэтоса ваш ґурты бакрэ́нгирэ, со явэ́на тэ пасён одо́й, и ние́кх на явэ́ла тэ трашавэл лэн.

Isajos 10:16

Палдава́ кэрэ́ла Рай Дэвэ́л, болыбна́скирэ-янголэ́нгиро адя́кэ, со тхулэ вышутёна, а машки́р барэ́ лэ́скирэ манушэ́ндэ росхачкирэла яг, хачкирэ́ла сы́рбы яг.

Isajos 1:7

Тумари́ пхув исын чхучи́ (пусто), тумарэ́ фо́рья исын схачкирдэ́ яга́са; тумарэ́ фэ́лды ха́на чу́жа мануша́ анги́л тумарэ́ якха́; саро́ исын чхучо́ сыр тэ́ньчи, ко́ли чу́жа мануша́ росчорэ́нас.

Psalmy 119:70

Лэ́нгиро ило́ исын тхуло, на шунэ́ла нисо́, нэ ма́нгэ исын древа́н дро́го Тыро́ Зако́но.

Psalmy 73:7

лэ́нгирэ якха́ росшулынэ тхулыпнастыр, ёнэ думинэ́на фуипэ́н дро пэ́скиро ило́ сыр трэй.

Psalmy 17:14

манушэ́ндыр Тырэ́ вастэ́са, Раё Дэ́вла, манушэ́ндыр свэто́стыр, конэ́стэ исын саро́, со ёнэ камэ́на. Лэ́нгиро пэр Ту пхэрдякирэса Пэ́скирэ пиралятыр, ёнэ радынэ́напэ пэ́скирэ чхаворэндыр, и ёнэ ячкирэна пэ́скиро миштыпэ́н чхаворэнгэ.

Psalmy 17:10

Ёнэ запхандлэ якха́ тхулыпнастыр, пэ́скирэ муенца ракирэ́на пхутькирдэс и нахратэс.

Ниеми́я 9:37

И ла́кирэ барьякирдэ́ ёй дэ́ла бутэ́ кральенгэ, пир савэ́ндэ Ту лыян зор пэ амэ́ндэ пал грэ́хи амарэ́. И ёнэ рикирна зор пэ амарэ́ маса́ и пэ амарэ́ кхэритконэ́ мурдалэ́ндэ (ското) пир пэ́скиро ило́, и амэ сам притасадэ.

Яви́р Зако́но 32:15

И тхулыя Израилё, и яця́ пхарэ́-илытко; яця́ тхуло, зоралыя и ростхулыя; и ячкирдя́ ёв Дэвлэ́с, Саво́ создыя́ лэс, и лыя́ на́бут тэ кутякирэл Лэс, Саво́ выракхця лэс.

Яви́р Зако́но 28:33

Барьякирдэ́ (пло́ды) тырэ́ пхувья́кирэ и саро́, со ту кэрэ́са, явэ́ла тэ хал манушы́тко нацыя, савья́ ту на джиндян; и ту явэ́са екх притасадо и мэнчындло дрэ сарэ́ дывэса́.

Osija 4:16

Палдава́ Израилёскирэ мануша́ исын пхарэ́-шэри́тка (нарта) сы́рбы пхарэ́-шэри́тко рэ́ца (тёлка) исын; акана́ сыр дава́, Мэ, Рай Дэвэ́л, ява́ва тэ чаравав лэн сы́рбы бакрорэс пэ бари фэ́лда.