Isajos 5:16 - Библия - Пэ Балтитко Романи чиб (Романэс) 2019

¹⁶ А Рай Дэвэ́л, болыбна́скирэ-янголэ́нгиро, ґаздэ́лапэ пэ сэ́ндо, Свэ́нто Дэвэ́л сыкавэ́ла дро чачипэ́н, со Ёв исын свэ́нто.

Biblija - Pe Baltitko Romani čib (Romanes) 2019

¹⁶ A Raj Devél, bolybnáskire-jangoléngiro, ĥazdélape pe séndo, Svénto Devél sykavéla dro čačipén, so Jov isyn svénto.

Isajos 5:16 Referans Kwoze

Psalmy 46:10

Кон кэрэ́ла адя́кэ, со марибэна кэ пхувья́кирэ яго́ры (краи́) кончынэнапэ, Ёв пхагирэ́ла лу́ко и пхагирэ́ла чхурдыпнытко буст (коп΄е) пэ котэра́; Ёв хачкирэ́ла сарэ́са яга́са марибны́тка вурдэна́.

Isajos 12:4

И пхэнэ́на тумэ́ дро дова́ дывэ́с: “Барьякирэ́н Рас-Дэвлэ́с, прикхарэн Лэ́скиро лав, роспхэнэ́н дрэ народы пал Лэ́скирэ рэ́нды (де́лы); рипирэ́н, со баро́ исын Лэ́скиро лав.

1 Паралипоменоно 29:11

Тыро́, Раё Дэ́вла, райканыпэн, и зоралыпэ́н, и сла́ва, и збе́рдыма (побе́да), и саро́, со исын пэ болыбэ́н и пэ пхув, исын Тыро́; Тыро́, Дэ́вла, кралипэ́н, и Ту сан вучэды́р сарэ́стыр, сыр Баро́ Рай, Саво́ хулаинэла.

1 Petr 2:15

Пал-дова́ со пэ дава́ исын Дэвлэ́скири во́ля, соб (кай) тэ кэра́с лачхипэ́н и пир дава́ тэ явэ́н штыл ушта́ дылынэ́ манушэ́нгирэ, ке́ли ёнэ явэ́нас тэ ракирэ́н грэхи́тка лава́.

Езэкилё 36:23

Мэ свэнцякирава Миро баро́ Лав, савэ́стэ нанэ сла́ва машки́р Наюдэ́ндэ. Машкир яви́р народы тумэ́ отлынэ сла́ва Лэ́стыр и ґалёна народы, со Мэ сом Рай Дэвэ́л, Дэвэ́л, – ракирэ́ла Рай Дэвэ́л, Дэвэ́л, ко́ли Мэ сыкава́ва, со Мэ сом свэ́нто, пэ тумэ́ндэ, анги́л лэ́нгирэ якха́.

Isajos 29:23

Ко́ли дыкхэ́ла ёв пэ́стэ пэ́скирэ чхаворэ́н, савэ́н дыём Мэ лэ́скэ, ёнэ дэ́на паты́в Мирэ́ лавэ́скэ, дэ́на паты́в Свэнтонэ́ Израилёскирэ Дэвлэ́скэ, и ёнэ явэ́на тэ дарэ́н радыма́са Израилёскирэ Дэвлэ́стыр.

Sykadyipén 3:7

И чхин Янголоскэ Филадэльфиякирэ кхангирья́тыр: “Дава́ ракирэ́ла Одова́, Кон исын Свэ́нто, Чачуно́. Лэ́стэ исын Давидо́скиро клыдын и Ёв псиравэла (отпхандэла) вуда́р, и нико́н на пхандэла, и ке́ли Ёв пхандэла, ние́кх на псиравэла.

Isajos 33:5

Баро́ исын Рай Дэвэ́л, саво́ дрэ вучипэ́н дживэ́ла; Ёв пхэрдякирэла Сио́но сэндоса и чачипна́са.

Isajos 8:13

Дэн свэ́нто паты́в Ра́скэ-Дэвлэ́скэ, болыбна́скирэ-янголэнгирэскэ, Ёв исын тумари́ дар, Ёв исын тумаро́ трашаибэ́н!

Езэкилё 38:23

И Мэ сыкава́ва, со Мэ сом Баро́ и Свэ́нто, Мэ сыкава́ва Пэс анги́л бутэ́-народэнгирэ якха́, и ёнэ ґалёна, со Мэ сом Рай Дэвэ́л, Дэвэ́л.”

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

Isajos 2:17

Пэрэ́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дрэ дова́ дывэ́с.

Sykadyipén 4:8

И кажнонэ́ джидалэстэ сыс шов пхака́ (крылы) пэ сарэ́ рига́, и андрэ́ сыс пхэрдо́ якха́ и дывэсэ́ и раты́ ёнэ ракирэ́нас: “Свэ́нто, Свэ́нто, Свэ́нто исын Рай Дэвэ́л, Сарэзорья́киро, Саво́ сыс исын, и Саво́ трэй исын тэ явэ́л.”

Isajos 61:8

Пал-дова́ со Мэ, Рай Дэвэ́л, дава́ паты́в чачунэ́ сэндоскэ, Мэ на кама́м, ко́ли чорэна, ко́ли притасавэ́на; Мэ отда́ва палэ лэ́нгэ пир чачипэ́н; Мэ чхува́ва лэ́нца ве́чно завето.

Isajos 28:17

Мэ кэра́ва адя́кэ, со явэ́на тэ меринэн сэндоса и чачипна́са; бара́ хасякирэна штэ́то, кай хохаибэ́н гарадяпэ, пани́ зачхувэла дава́ штэ́то.

Isajos 6:3

Ёнэ кхарэнас екх екхэ́с и ракирэ́нас: “Свэ́нто, Свэ́нто исын Рай Дэвэ́л, болыбна́скирэ-янголэ́нгиро, сари́ пхув исын пхэрды́ Лэ́скирэ барипнаса!”

Psalmy 21:13

пал-дова́ со Ту рискирэса кэ ёнэ думэса; Ту рискирэса марибны́тка бустя́ (стре́лы) пэ Пэ́скиро лу́ко пэ лэ́нгирэ муя́.

Isajos 30:18

Палдава́ Рай Дэвэ́л ишчо (инкэ́) ничи́ на кэрэ́ла (ужакирэ́ла), соб (кай) Ёв тэ потангинэл тумэн, ужакирэ́ла, соб (кай) тэ тангинэ́л тумэн; Рай Дэвэ́л исын Дэвэ́л чачипна́скиро; бахталэ́ сарэ́, конэ́стэ исын наде́я пэ Лэ́стэ!

Isajos 2:11

Проджа́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дро дова́ дывэ́с.

Psalmy 9:16

Наюды́тка на́цыи пэрэ́на дрэ ґанби́н, со ёнэ выґанадэ, лэ́нгирэ ґэра́ пэрэ́на дрэ фэлы́, со ёнэ гарадэ́.

Левито 10:3

И пхэндя́ Мо́йза Аароно́скэ: “Ѓа́да, пал со ракирдя́ Рай Дэвэ́л, ке́ли Ёв пхэндя́: ‘Дрэ одолэ́ндэ, савэ́ явэ́на пашылэды́р кэ Мэ и Мэ высвэнцынавапэ и анги́л сарэ́ манушэ́ндэ прославинавапэ.’” Ааро́но сыс штыл.

1 Petr 1:16

пал-дова́ со исын чхиндло́: “Явэ́н свэ́нта, пал-дова́ со Мэ сом Свэ́нто.”

Римлянэнгэ 2:5

А пир тыро́ накандыпэн и напорискирдо кэ Ёв ило́, ту кокоро́ пэ́скэ кэдэса буты́р холы́ пэ дывэ́с ваш Дэвлэ́скири холы́, ке́ли Ёв откэрэла Пэ́скиро сэ́ндо,

Езэкилё 28:22

Пхэн: ‘Акэ, Мэ выджава пэ ту́тэ, Сидоно, тэ прославинавапэ машки́р ту́тэ, и ґалёна, со Мэ сом Рай Дэвэ́л, Дэвэ́л, ке́ли Мэ ява́ва тэ сэндякирав лэс, и ке́ли Мэ сыкава́ва Пэс пир лэ́стэ, со Мэ сом Свэ́нто.

1 Petr 3:15

а рикирэ́н дро ило́ Христосо́с сыр Свэнтыма и дэн паты́в Лэ́скэ, сыр Ра́скэ-Дэвлэ́скэ дрэ тумарэ́ илэ, уса́ды / сак (всегда) явэ́н скэдынэ́ тэ затэрдён лавэ́са, ке́ли вари-кон явэ́ла тэ пхучэл тумэ́ндыр пал тумари́ наде́я, нэ кэрэ́н дава́ ковлэ́ илэ́са и дара́са;

Isajos 33:10

“Акана́ Мэ ґаздавапэ, – ракирэ́ла Рай Дэвэ́л, – “Мэ ґаздавапэ акана́.

Езэкилё 20:41

Мэ прилава тумэн сыр гудло́ тхув смолэндыр, ке́ли вылыджава Мэ тумэн явирэ нацые́ндыр, скэда́ва Мэ тумэн тхэмэндыр, кай тумэ́ сан росчхудэ тэ дживэ́н, Мэ ява́ва Свэ́нто машки́р тумэ́ндэ, соб (кай) тэ дыкхэ́н Наюды́тка на́цыи.

Езэкилё 38:16

И ту ґаздэсапэ пэ Миро народо, пэ Израилё, сыр о́блоко, соб (кай) тэ учхакирэс пхув, дава́ явэ́ла дрэ палатунэ́ (последня) дывэса́, и Мэ яна́ва тут проти Мири́ пхув, соб (кай) тэ ґалён Ман народы, ко́ли Мэ пэ ту́тэ, Гогэ, сыкава́ва, со Мэ сом Свэ́нто анги́л лэ́нгирэ якха́.

Čysly 20:13

Дава́ сыс пани́ Меривакиро, пашы́л сави́ загинэ́ дрэ чинга́рд Израилёскирэ чхавэ́ Ра́са-Дэвлэ́са, и Ёв сыкадя́ лэ́нгэ Пэ́скири свэнтыма.

Isajos 2:9

Пыя́ ману́ш пэ чанга́, прилыя́ мурш ладж, и Ту на примангэса лэ́нгэ.

Езэкилё 28:25

Адя́кэ ракирэ́ла Рай Дэвэ́л, Дэвэ́л: Ко́ли Мэ скэда́ва Израилёскиро кхэр народэндыр, машки́р савэ́ ёнэ исын рострадынэ; то Мэ сыкава́ва пэ лэ́ндэ, со Мэ сом Свэ́нто, соб (кай) тэ дыкхэ́л манушэ́нгиро ро́до; ёнэ явэ́на тэ дживэ́н пэ пэ́скири пхув, сави́ Мэ дыём Мирэ́ писхари́скэ, Яково́скэ.