Isajos 5:13 - Библия - Пэ Балтитко Романи чиб (Романэс) 2019

¹³ Пал саро́ дава́ джа́ла миро народо дро пле́но, ко́ли нико́н лэ́стыр дава́ на ужакирэлас; лэ́скирэ раё явэ́на бокхалэ́, лэ́скирэ барвалэ́ закамэна тэ пьен (явэ́на трушалэ).

Biblija - Pe Baltitko Romani čib (Romanes) 2019

¹³ Pal saró davá džála miro narodo dro pliéno, kóli nikón léstyr davá na užakirelas; léskire rajo javéna bokhalé, léskire barvalé zakamena te p'jen (javéna trušale).

Isajos 5:13 Referans Kwoze

Osija 4:6

Мирэ́ мануша́ хасёна пир дова́, со лэ́ндэ на ухтылэ́ла (на́доси) джиныбэ́н Нэ пал-дова́, со тумэ́, рашаялэ, отпхэндлэпэ джиныбнастыр, Мэ адя́кэ-паць отпхэнава тумэ́нгэ, соб (кай) тумэ́ буты́р тэ на явэ́н сыр рашая́ анги́л Ма́ндэ, и пир дова́, со, тумэ́ бистырдэ Дэвлэ́скиро Зако́но, Мэ бистрава тумарэ́ чхаворэ́н (биятэ́н).

Isajos 1:3

Гуру́в джинэ́ла пэ́скирэ хула́с, а о́сло (мега́ри) – пэ́скирэ-ра́скири шта́ла, нэ Израилё на джинэ́ла Ман, на ґалёла Миро народо.”

Isajos 27:11

Ко́ли лэ́скирэ рандя́ зашутёна, лэн обпхагирэна; явэ́на джувля́ (манушня) и схачкирэна лэн. Пал-дова́ со ёнэ исын народо бигодякиро, Ёв на потангинэла лэн, Одова́, Кон саро́ создыя́.

Римлянэнгэ 1:28

И пал-дова́, сыр ёнэ на камлэ́ тэ джинэ́н пал Дэвлэ́стэ, тэды Дэвэ́л и мэкця́ лэн, соб (кай) ёнэ тэ кэрэ́н пир налачхи годы́, нэ со лэ́нгэ камэлапэ;

Isajos 1:7

Тумари́ пхув исын чхучи́ (пусто), тумарэ́ фо́рья исын схачкирдэ́ яга́са; тумарэ́ фэ́лды ха́на чу́жа мануша́ анги́л тумарэ́ якха́; саро́ исын чхучо́ сыр тэ́ньчи, ко́ли чу́жа мануша́ росчорэ́нас.

2 Petr 3:5

Кадасавэ́ мануша́ думинэна и сы́рбы на джинэ́на дова́, со ґара́ Дэвэ́л припхэндя́ и кэрдэ́пэ болыбэ́н и пхув пане́стыр и пане́са,

Roiben 4:9

Кодолэнгэ, конэ́с мулякирдэ́ куртала́са, исын бахталэдыр адалэндыр, савэ́ мэрэ́на бокха́тыр. Пал-дова́ со ёнэ нашавэна поволинькэс (ле́нтэс) зор и клёко, пир дова́, со на ухтылэ́ла (на́доси) фэлды́тка аплоды.

Ереме́ё 14:18

Ко́ли Мэ джа́ва пэ фэ́лда, акэ, исын паштэ́ мануша́, савэ́н курта́ла мулякирдя́! И ко́ли Мэ джа́ва андрэ́ фо́ро, акэ, исын мануша́, савэ́ нашавэна зор кэ мэрибэ́н барэ́ бокха́тыр! Пал-дова́ со дуйджинэ́: и проро́ко, и раша́й псирэ́на пир пхув, со ёнэ кокорэ́ на джинэ́на палсо́.’”

Ереме́ё 14:3

Лэ́нгирэ лачхэ́-родоскирэ рая [упратунэ-р.с.] бичхавэна пэ́скирэ кхэритконэ́ дынарье́н пал пани́: ёнэ джа́на кэ панитка ґанбиня́, нэ ёнэ на латхэ́на пани́; ёнэ рисёна палэ чхучэ́ пирье́нца: ёнэ исын ладжакирдэ́, ёнэ исын запхагирдэ дрэ годы́, и ёнэ учхакирдэ пэ́скирэ шэрэ́.

Ереме́ё 8:7

И аж бутяно (бусько) пэ болыбэ́н джинэ́ла пэ́скиро упхэндло́ часо, и цуглица, и бахирка (ласточка), и жураво дыкхэ́ла дуе якхэ́нца пал часо, сыр лэ́нгэ тэ явэ́н [тэ приурнян-р.с.]. Нэ Мирэ́ мануша́ на джинэ́на Ра́скирэ-Дэвлэ́скиро чачипэ́н.

Luka 19:44

и роспхагирэна саро́ пэ пхув и замарэна тырэ́ чхаворэ́н: и на ячэ́ла бар пэ бар, пал-дова́ со ту на уджиндян часо, ке́ли Дэвэ́л явдя́ тэ зракхэ́л тут.”

Amoso 8:13

Дро дова́ дывэ́с шука́р патывалэ́ тэрнэ́ чхая́ и зоралэ́ тырнэ мануша́ явэ́на тэ нашавэн зор смэгатыр,

4 Kralip 17:6

Пэ еня́то бэрш, сыр лыя́ тэ кралинэ́л Осия, Асирия́киро кра́ли лыя́ Сама́рия, и лыджия́ Израильтянэ́н тэ дживэ́н кэ Асирия, и чхудя́ лэн дрэ Халахо и дро Хаворо, пашы́л рэка (лэнь) Гозано, и дрэ фо́рья Мидиякирэ.

Isajos 3:1

Акэ, Рай Дэвэ́л, Рай Дэвэ́л болыбна́скирэ-янголэ́нгиро, залэла Ерусалимо́стыр и Юдэя́тыр кхия и дэсто́, подрикирибэ́н марэ́са и подрикирибэ́н пане́са.

Isajos 3:3

Пандждэшэнгирэ, шэралэс и барэ́ рас, и годьварэ́ манушэ́с, манушэ́с, саво́ кэрэ́ла шукарипэ́н, и одолэ́с, кон джинэ́ла, сыр куч тэ ракирэ́л.

Isajos 23:9

Рай Дэвэ́л, болыбна́скирэ-янголэ́нгиро, припхэндя́ дава́, соб (кай) тэ на пхутёл нисаво́ барипэ́н, соб (кай) тэ ладжан сарэ́, кон прилэ́ла паты́в пэ пхув.

Isajos 44:19

И на прилэ́ла ману́ш кэ ило́, и нанэ лэ́стэ годы́, соб (кай) тэ пхэнэ́л: “Мэ схачкирдём кашт пэ яг и пэ вангара пэкцём маро́, кэрадём мас ци трэй ма́нгэ тэ кэра́в налачхипэн каштэ́стыр, со яця́пэ? Ци трэй тэ мангавпэ каштэскэ?”

Isajos 49:21

И пхэнэ́са ту дро пэ́скиро ило́: “Кон бияндя́ лэн ваш ма́нгэ? Ма́ндэ на сыс чхаворэ́, мэ на биянавас, залынэ ман дро пле́но дур адатхы́р, а кон лэн барьякирдя? Акэ, мэ со́мас екхджины кокори, а кай ёнэ сыс?”

Isajos 65:13

Палдава́ адя́кэ ракирэ́ла Рай Дэвэ́л: “Акэ, Мирэ́ писха́рья ха́на, а тумэ́ бокхалэ́ явэ́на; Мирэ́ писха́рья явэ́на тэ пьен – а тумэ́ явэ́на би панескиро.

Езэкилё 7:12

Явдя́ часо, подги́я дывэ́с. Кон киндя – на ра́дынпэ, кон бикиндя – на ров, пал-дова́ со холямипэн Дэвлэ́скиро исын пэ лэ́ндэ сарэ́ндэ.

Pritčy 10:21

Чачунэ́-манушэ́скирэ ушта́ дэ́на годы́ бутэ́ манушэ́нгэ, нэ дылынинька мэрэ́на пир дова́, со лэ́нгэ на ухты́лла (на́доси) годыпэ́н.