Isajos 49:8 - Библия - Пэ Балтитко Романи чиб (Романэс) 2019

⁸ Адя́кэ ракирэ́ла Рай Дэвэ́л: “Дрэ лачхэ́ дывэса́ Мэ тут шундём; дро дывэ́с, ко́ли исын зракхибэ́н, Мэ подрикирдём Тут. Мэ ява́ва тэ ракхав Тут, кэра́ва Ту́тыр завето ваш манушэ́нгэ, соб (кай) пхув тэ отджидякирэс; соб (кай) тэ отлэс палэ росчордо мэкно́ миштыпэ́н, тэ рискирэс ла (пхув) прилыибнаскирэнгэ (наследникэнгэ);

Biblija - Pe Baltitko Romani čib (Romanes) 2019

⁸ Adiáke rakiréla Raj Devél: “Dre lačhé dyvesá Me tut šundjom; dro dyvés, kóli isyn zrakhibén, Me podrikirdjom Tut. Me javáva te rakhav Tut, keráva Tútyr zavieto vaš manušénge, sob (kaj) phuv te otdžidiakires; sob (kaj) te otles pale rosčordo meknó mištypén, te riskires la (phuv) prilyibnaskirenge (nasliednikenge);

Isajos 49:8 Referans Kwoze

2 Коринфянэнгэ 6:2

и, ґа́да, Дэвэ́л ракирэ́ла: “Ке́ли лачхо́ часо явдя́, мэ шундём тумэн: и ке́ли явдя́ дывэ́с тэ зракхав тумэн, Мэ дыём васт (помогиндём) ту́кэ.” Ѓа́да, исын лачхо́ мардо́ (шту́нда); ґа́да, исын дывэ́с тэ зракхэспэ:

Isajos 42:6

Мэ, Рай Дэвэ́л, прикхардём Тут пир чачипэ́н, Мэ ла́ва тэ рикирав Тут пал васт, Мэ ла́ва тэ ракхав Тут, и Мэ чхува́ва Тут сыр завето ваш манушэ́нгэ, соб (кай) тэ дыкхэ́н дуд (свэ́то) Наюды́тка мануша́ (язычники),

Psalmy 69:13

Одолэ́, савэ́ исын бэштэ́ пашы́л по́рта, ракирэ́на пал ма́ндэ, а матымарья багана гиля́ пал ма́ндэ.

Юдэ́нгэ 12:24

и кэ Ису́со, Саво́ пиридыя амэ́нгэ Нэво́ Завето Дэвлэ́са и кэ дро́го рат, со сыс прочхудо, саво́ исын зоралэды́р Авелёскирэ ратэстыр.

Isajos 61:4

И ёнэ явэ́на тэ ґаздэ́н пхувья́, савэ́ ґара́ исын чхучэ́; ґаздэ́на ґаратунэ́ роспхагирдэ́ кхэра́ и обчордэ фо́рья, савэ́ ґаратунэ́ дывэсэ́ндыр сыс чхучэ́.

Isajos 58:12

Пэ чхучэ́ пхувья́ явэ́на тэ кэрэ́н буты́ тырэ́ чхавэ́, кон явэ́ла анги́л; ту дэ́са зор кэ барэ́ ро́ды; пал ту́тэ пхэнэ́на, со ту ґаздыян роспхагирдо, тэ кэрдя́н нэвэ дрома́ ваш манушэ́нгэ.

Юдэ́нгэ 5:7

Ке́ли Христо́со дживдя́ пэ пхув, Ёв барэ́ годла́са и ясвэ́нца мангдя́ и мангдя́пэ Дэвлэ́скэ, Кон могиндя́ тэ зракхэ́л Лэс мэрибна́стыр. Дэвэ́л шундя́ Лэс пал Лэ́скири дар анги́л Лэ́стэ;

Isajos 51:16

Мэ чхува́ва андрэ́ Мирэ́ лава́ дрэ тырэ́ ушта́, зэрьяса (тенёса) Пэ́скирэ вастэ́стыр Мэ учхакирава тут, соб (кай) тэ кэра́в болыбэ́н, и тэ дав зор пхувьякэ, и тэ пхэна́в кэ Сио́но: ‘Ту сан Миро народо.’”

Isajos 44:26

Мэ, Дэвэ́л, Саво́ дэ́ла зор лавэ́скэ, со пхэндя́ Миро писха́ри, Саво́ кэрэ́ла пир лава́, со пхэнэ́на бичхадэ́ мануша́ Лэ́скэ, Саво́ ракирэ́ла кэ Ерусалимо: “Явэ́на тэ дживэ́н дрэ ту́тэ”, – и кэ фо́рья Юда́скирэ: “Тумэ́ на явэ́на буты́р роспхагирдэ́, Тумэ́ явэ́на нэвэ́стыр чхудэ́, и Мэ нэвякирава тумарэ́ руи́ны.”

Эфесянэнгэ 1:6

соб (кай) тэ славинас Лэ́скиро шука́р бахталыпэ́н, саво́ Ёв дыя́ амэ́нгэ пир Пэ́скирэ Дрогонэ́ Чхавэ́стэ:

Isajos 54:3

Ту буглёса пэ сарэ́ рига́; чхаворэ́ тырэ́ залэна дро пле́но народы, и ёнэ явэ́на тэ дживэ́н дрэ ячадэ фо́рья.

Isajos 49:19

Дрэ тырэ́ роспхагирдэ́ кхэра́, пэ тырэ́ чхучэ́ пхувья́ и пэ тыри́ обчорды пхув на явэ́ла штэ́то, соб (кай) тэ дживэ́н одолэ́, кон халас тут, джа́на криг ту́тыр.

Isajos 42:1

“Акэ исын Миро писха́ри, Конэ́с Мэ рикирава пал васт, Конэ́с Мэ выкэдыём, кэ Кон пасёла Миро ило́, Мэ чхува́ва пэ Лэ́стэ Миро ду́хо (фа́но), и Ёв пхэнэ́ла пал сэ́ндо кэ народы.

Isajos 26:3

Манушэ́с, зоралэ́ духо́са Ту ракхэса дрэ пхэрдо́ рама́нё (миро), пал-дова́ со пэ Ту́тэ исын лэ́скири наде́я,

Psalmy 75:3

“Ке́ли Мэ выкэдава лачхо́ часо – ракирэ́ла Дэвэ́л, Мэ ява́ва тэ сэндякирав пир чачипэ́н.

Psalmy 2:8

Манг Ма́ндыр, и Мэ да́ва ту́кэ манушыпнаскирэ расы сыр мэкно́ миштыпэ́н и сари́ пхув явэ́ла тыри́:

Юдэ́нгэ 8:6

Нэ какана́ Христо́со дорэсця́ фэдэды́р буты́ сыр Англатуно́ Раша́й, сави́ исын пэ бут фэдэды́р кадалэ́-раша́нгирэ бутя́тыр, адя́кэ-паць, сыр фэды́р исын и Завето, саво́ Ёв пиридыя Дэвлэ́стыр манушэ́нгэ, сыр Машкиратуно, пал-дова́ со дро Завето исын фэды́р дынэ́ дава́.

Матфеё 26:28

Пал-дова́ со дава́ исын Миро Рат завето́скиро, саво́ исын прочхудо пал бутэндэ ваш грэхэнгиро отмэкибэн.

Isajos 51:3

Чачо́, Рай Дэвэ́л подрикирла Сио́но, подрикирла лэ́скирэ роспхагирдэ́ кхэра́; а чхучи́ пхув лэ́скири Ёв кэрэ́ла сыр раё, и мал (степ) лэ́скири пирикэрэла сыр у́нта (садо) Раскири-Дэвлэ́скири; ра́дыма и весёлыма (лош) одо́й явэ́на, парикирибэн и багаибэн.

2 Kralip 7:13

Ёв кэрэ́ла кхэр ваш Мирэ́ лавэ́скэ, и Мэ чхува́ва лэ́скиро кралипэ́н пэ ве́ко.

Isajos 27:3

Мэ, Рай Дэвэ́л, ракхава лэс; кажно мэнта (минута) Мэ да́ва лэ́скэ пани́; раты́ и дывэсэ́ Мэ ракхава лэс, соб (кай) нико́н одори́к тэ на джал.

Isajos 41:10

На дар, пал-дова́ со Мэ сом ту́са: на нашадёв дро ду́хо (фа́но), пал-дова́ со Мэ сом Дэвэ́л тыро́. Мэ ява́ва тэ зорьякирав тут, и, Мэ подава васт ту́кэ, Мэ подрикирава тут Мирэ́ чачипнаскирэ чачэ́ вастэ́са.”

Isajos 55:6

Родэ́н Рас-Дэвлэ́с, ко́ли сашты́ тэ латхэ́н Лэс; кхарэ́н Лэс, ко́ли Ёв исын пашы́л.

Isajos 57:13

Ко́ли ту загодлэса, ци зракхэ́ла тут тыро́ скэдыибэ́н? Лэн сарэ́н балва́л лыджа́ла криг, роспхурдэла пхурдыпнаса, а конэ́стэ исын наде́я пэ Ма́ндэ, одова́ прилэ́ла пхув дро мэкно́ миштыпэ́н, прилэ́ла Мири́ свэ́нто бэ́рга.”

Isajos 58:5

Ци дасаво исын посто, саво́ Мэ выкэдыём? Дывэ́с, ко́ли ману́ш тэ зрикирэл пэс? Ману́ш пэ́скиро ди, ко́ли бандякирэл пэс, сыр тришчына (тростнико), пэ́скиро шэро́; сыр ёв урьелапэ дрэ пхуранэ́ и́ди, бэшэ́ла дро пра́хо. Ци кадава́ кхарэса ту постоса, пхэнэ́са, со дава́ дывэ́с явэ́ла лачхо́ Ра́скэ-Дэвлэ́скэ?

Isajos 61:2

Соб (кай) тэ пхэна́в пал лачхо́ бэрш Ра́скирэ-Дэвлэ́скиро, пал дывэ́с, ко́ли пхэрдёла холы́ амарэ́ Дэвлэ́скири, тэ подрикирав сарэ́н, дрэ конэ́стэ исын ту́га (тугинэла).

Isajos 65:9

И вылыджава Мэ ро́до Яковостыр, Юда прилэ́ла Ма́ндыр Мирэ́ бэ́рги, дава́ прилэ́на Мирэ́ выкэдынэ́; Мирэ́ писха́рья (рабы) одо́й явэ́на тэ дживэ́н.