Isajos 49:2 - Библия - Пэ Балтитко Романи чиб (Романэс) 2019

² И создыя́ Ёв Мирэ́ ушта́ сыр востро курта́ла; Лэ́скирэ вастэ́са Ёв учхакирэлас Ман; Ёв кэрдя́ Ма́ндыр востро марибны́тко буст (стрела), Ёв ракхэлас Ман дро Пэ́скиро колчано.

Biblija - Pe Baltitko Romani čib (Romanes) 2019

² I sozdyjá Jov Miré uštá syr vostro kurtála; Léskire vastésa Jov učhakirelas Man; Jov kerdiá Mándyr vostro maribnýtko bust (striela), Jov rakhelas Man dro Péskiro kolčano.

Isajos 49:2 Referans Kwoze

Юдэ́нгэ 4:12

Дэвлэ́скиро лав исын джидо́ и пхэрдо́ зорья́са, вострэдыр (чолалэды́р) любонэ куртала́тыр, сави́ чхинэла пэ дуй рига́, Дэвлэ́скиро лав заджа́ла хор машки́р ило́ и ду́хо (фа́но), машки́р кокалы́ и трушу́л, кай исын думо, и сэндинэла манушэ́нгирэ рэ́нды и мысли пэ ило́.

Sykadyipén 1:16

и сыс Лэ́стэ эфта́ чэргэня́ дро Лэ́скиро чачо́ васт, и Лэ́скирэ мо́стыр выджа́лас востро (чолалы́) дуе́-ригэ́нгири курта́ла (мечо), и Лэ́скиро муй зяинэлас сы́рбы кхам сарэ́ пэ́скирэ зорья́тыр.

Isajos 50:4

Рай Дэвэ́л дыя́ ма́нгэ чиб годьварэ́ манушэ́ндыр, соб (кай) Мэ лавэ́са тэ подрикирав кодолэ́с, кон буты́р на вырикирэ́ла; тася́рлэс (ра́нэс) Ёв джингавэла Ман, джингавэла кан Миро, соб (кай) Мэ тэ шунав, сыр сыкляибны́тко.

Isajos 51:16

Мэ чхува́ва андрэ́ Мирэ́ лава́ дрэ тырэ́ ушта́, зэрьяса (тенёса) Пэ́скирэ вастэ́стыр Мэ учхакирава тут, соб (кай) тэ кэра́в болыбэ́н, и тэ дав зор пхувьякэ, и тэ пхэна́в кэ Сио́но: ‘Ту сан Миро народо.’”

Sykadyipén 2:12

И чхин Янголоскэ Пергамоскирэ кхангирья́тыр: “Дава́ ракирэ́ла Одова́, Конэ́стэ исын востро (чолало́) дуе-ригэнгири курта́ла (мечо):

Ереме́ё 1:18

Пал-дова́ со Мэ, акэ, кэрдём ту́тыр сы́рбы зоралякирдо фо́ро, сы́рбы саструно сты́лбо, сы́рбы бронзытка ва́нты проти сари́ пхув, проти Юдэя́кирэ кралье́ндэ, проти тхагарьендэ, проти рашандэ, проти кадалэ́ пхувья́кирэ манушэ́ндэ.

Isajos 11:4

Ёв явэ́ла тэ сэндякиринэл чорорэн чачипна́са; кодолэнгирэ, кон страдынэла пэ пхув, рэ́нды чачипна́са россэндякирэла; Ёв Пэ́скирэ вуштэнгирэ дэстэса марэла пхув, Пэ́скирэ вуштэнгирэ духо́са замарэла грэхитконэ́ манушэ́с.

Osija 6:5

Палдава́ Мэ вычингиравас лэн пир пророкэ́ндэ, Мэ мулякиравас лэн Мирэ́ лавэ́нца; и Миро сэ́ндо пэ лэ́ндэ явэ́ла сы́рбы дуд (свэ́то), со ґаздэ́лапэ.

Psalmy 91:1

Кодова́, Саво́ дживэ́ла дро Най Вучэдырэскиро штэ́то, явэ́ла тэ дживэ́л тэл Сарэзорьякири зэр (тенё).

Sykadyipén 19:15

И Лэ́скирэ мо́стыр джа́ла яври́ востро (чолалы́) курта́ла и Ёв явэ́ла тэ мулякирэ́л расы (народы). Ёв явэ́ла тэ чалякирэл лэн саструнэ́ дэстэ́са, и Ёв явэ́ла тэ штакирэл моля́киро (виноскиро) пресо барэ́ холя́тыр, ке́ли Сарэзорья́киро Дэвэ́л древа́н холясо́ла.

Luka 23:46

И Ису́со дыя́ го́дла зоралэ́ заня́са и пхэндя́: “Да́до! Мэ отда́ва Пэ́скиро ду́хо (фа́но) дро Тырэ́ васта́!” И ке́ли Ёв пхэндя́ дава́, мыя́.

Isajos 42:1

“Акэ исын Миро писха́ри, Конэ́с Мэ рикирава пал васт, Конэ́с Мэ выкэдыём, кэ Кон пасёла Миро ило́, Мэ чхува́ва пэ Лэ́стэ Миро ду́хо (фа́но), и Ёв пхэнэ́ла пал сэ́ндо кэ народы.

Эфесянэнгэ 6:17

И лэн адя́кэ-паць зракхибнаскиро шлемо, и Духоскири курта́ла, со исын Дэвлэ́скиро лав,

Sykadyipén 2:16

Палдава́ приґалёв пэ́скиро грэ́хо: ко́ли ту на приґалёса, тэды Мэ ява́ва кэ ту сыг, и Мэ ява́ва тэ маравпэ тумэ́нца куртала́са, со выджа́ла Мирэ́ мо́стыр.

Vygiiben 33:22

ке́ли явэ́ла тэ джал Мири́ сла́ва, Мэ чхува́ва тут дрэ скалакири роспхарадыибэн, и учхакирава тут Мирэ́ вастэ́са, пака Мэ проджава;

Isajos 50:10

Кон тумэндэр дарэ́ла Ра́стыр-Дэвлэ́стыр, кандэ́ла Лэ́скирэ-Писхарискири (Рабоскири) зан? Кон псирэ́ла дро калыпэ́н (мрако) би дудэскиро (би свэтоскиро), мэк ёв тэ рикирэлпэ Ра́скирэ-Дэвлэ́скирэ лавэ́са, мэк ёв тэ чхувэ́л пэ́скиро ило́ дрэ пэ́скирэ Дэвлэ́стэ.

Avakumo 3:11

Кхам и чхон тэрдинэ́ пэ лэ́нгиро штэ́то пэ болыбэ́н, ке́ли Тырэ́ марибны́тка бустя́ (стре́лы) дынэпэ яга́са, и лынэ́ тэ зяинэн Тырэ́ чхурдыбнытка бустя́ (коп΄и), со отмарэна зяиныбнаса.