Isajos 48:8 - Библия - Пэ Балтитко Романи чиб (Романэс) 2019

⁸ Ту на шундя́н, и на джиндян пал дава́, тыро́ кан на сыс откэрдо, пал-дова́ со Мэ джиндём, со ту отпэрэса: ту хохавэса и ту сан бунтяри (отгиибнари) ишчо (инкэ́) да́кирэ лочовя́тыр.

Biblija - Pe Baltitko Romani čib (Romanes) 2019

⁸ Tu na šundián, i na džindian pal davá, tyró kan na sys otkerdo, pal-dová so Me džindjom, so tu otperesa: tu xohavesa i tu san buntiari (otgiibnari) iščo (inké) dákire ločoviátyr.

Isajos 48:8 Referans Kwoze

Psalmy 58:3

Над, тумэ́ кэрэ́на фуипэ́н дро тумаро́ ило́; тумэ́ сы́рбы важынэна пэ ублады́тка (весы) нахрата рэ́нды тумарэ́ вастэ́нца пэ пхув.

Малахия 2:11

Юда кэрдя́ нахратэс (напатяибныткэс), и джунгалэ́ рэ́нды (де́лы) кэрэ́напэ дро Израилё и Ерусалимо: О Юда кэрдя́ бипатыв Ра́скирэ-Дэвлэ́скирэ свэнтонэ́ штэтоскэ, саво́ лэс притырдыя, ке́ли ёв лыя́ джувля́ пэ́скэ родо́стыр, саво́ кэрэ́ла паты́в чужонэ́ дэвлорэскэ.

Osija 5:7

Ёнэ ячкирдэ́ (парудэ) напатяибныткэс Рас-Дэвлэ́с; пал-дова́, со лэ́ндэ латхнэпэ кхэлбы (незаконна бияты): акана́ нэво́-чхонытко свэ́нко похала лэн и лэ́нгиро миштыпэ́н.

Ереме́ё 6:10

Конэ́скэ мэ, Ереме́ё тэ пхэна́в, и тэ досыкавав, соб (кай) ёнэ могиндлэ́ тэ шунэ́н? Акэ, лэ́нгиро кан исын наобчхиндло и ёнэ нашты́ тэ шунэ́н. Ѓа́да, Ра́скирэ-Дэвлэ́скиро лав нанэ дрэ паты́в лэ́ндэ; ёнэ на радынэ́напэ лэ́стыр.

Эфесянэнгэ 2:3

амэ адя́кэ-паць сарэ́ вари-ке́ли и са́мас кадасавэ́ и дживдям пир на́лачхо лочакиро (плотякиро) тырдыпэ́н и кэрдя́м дова́, со амэ́нгэ подпхэнэла на́лачхо камибэн и со явэ́ла пэ годы́, и амэ са́мас пир бияныпэ́н сы́рбы чхавэ́, пэ конэ́стэ пэрэ́ла Дэвлэ́скири холы́, сыр и яви́р мануша́:

Ереме́ё 5:11

Сарэ́ джинэ́на, со Израилёскиро кхэр и Юдэя́киро кхэр ячкирдэ́ Ман сыр напатяибнытка, – ракирэ́ла Рай Дэвэ́л.

Ереме́ё 3:20

Нэ ту, Израиле, сы́рбы напатяибнытко ромны́, сави́ дурьёла пэ́скирэ ромэстыр, адя́кэ-паць тырэ́ мануша́ мэкнэ́ Ман!

Isajos 50:5

Рай Дэвэ́л откэрдя Ма́нгэ кан, и Мэ на со́мас проти, Мэ на гиём палэ.

Isajos 48:4

Мэ джиндём, со ту на камэ́са тэ кандэс, дрэ тыри́ мэн исын саструнэ́ жылы, тыро́ чэкат исын харкуно (медно).

Isajos 46:8

Пририпирэн дава́ и сыкавэ́н пэс муршэнца; прилэ́н дава́ кэ ило́, мануша́лэ, савэ́ отгинэ́ чачунэ́ Дэвлэ́стыр.

Isajos 26:11

Раё Дэ́вла! Тыро́ васт сыс вучэ́с ґаздыно́, нэ ёнэ лэс на дыкхнэ́; дыкхэ́на и ладжана, кон бидыкхэла (нашты́ тэ дыкхэ́л) пэ Тыро́ народо; яг ха́ла Тырэ́ вэргэ́н.

Isajos 21:2

Дарано дыкхибэ́н сыкадэ ма́нгэ: о чор чорэла, о прахари отлэла; заджа́, Еламо, ґаздэпэ, Мидо, сарэ́ ясва мэ залава.

Psalmy 51:5

Пал-дова́ со мэ приґалыём мирэ́ фуй рэ́нды (де́лы) и миро грэ́хо исын ўса́ды (сак) анги́л ма́ндэ.

Psalmy 40:6

О, Раё Дэ́вла, миро Дэ́вла, Ту кэрдя́н бут: Тырэ́ ди́вна бутя́ и задуминыбэна пал амэ́ндэ нико́н на могинэ́ла тэ ґалёл, соб (кай) тэ пхэнэ́л вари-со пал дава́ и тэ ракирэ́л сарэ́нгэ. Мэ на могина́ва аж тэ пхэна́в – лэн исын ада́кицы бут.

Osija 6:7

Нэ ёнэ сыр Адамо пхагирдэ́ Завето; одо́й ёнэ ячадэ хоханэ́с Ман.

Ереме́ё 5:21

“Шунэ́н дава́ акана́, тумэ́, нагодэ мануша́, савэ́ исын биилэскирэ, конэ́стэ исын якха́, нэ савэ́ на дыкхэ́на, конэ́стэ исын кана́, нэ савэ́ на шунэ́на”, – пхэндя́ Рай Дэвэ́л.

Isajos 33:1

Бида ту́кэ одова́, кон исын мижэх чор, конэ́стыр на отлэнас, и чор, конэ́стыр на чорэнас! Ко́ли обчорэса саро́ [мэкэса тэ чорэс-р.с.], ту́тыр отлэна, ко́ли пириячэса тэ чорэс, ту́тыр чорэна.

Isajos 42:25

И Ёв вычхудя́ пэ лэ́ндэ Пэ́скири холы́ и марибны́тко холямипэн; ёй хачола яга́са сарэ́ ригэ́ндыр, нэ ёнэ на дыкхнэ́; хачолас лэ́ндэ, нэ ёнэ на ґалынэ́ дава́ илэ́са.

Isajos 47:11

Явэ́ла кэ ту чорипэ́н (биба́хт); ту на ґалёса, савэ́ рига́тыр ёй ґаздэ́лапэ; явэ́ла кэ ту би́да, и ту ла́тыр на нашэса; явэ́ла хасибэ́н, пал саво́ ту на думинэса.

Isajos 48:7

Акана́ дава́ кэрдя́пэ, а наґара на пир дывэ́с, и; ту на шундя́н пал дава́, соб (кай) тэ на пхэнэ́с: ‘Акэ, мэ джиндём дава́.’

Isajos 57:4

Конэ́стыр тумэ́ санапэ? Пэ конэ́стэ откэрэна муй, конэ́скэ сыкавэ́на чиб? Ци на тумэ́ сан чхаворэ́ чорипна́стыр, ро́до хохаибнаскиро.

Osija 7:9

Явирэ́ – тхэмэ́скирэ (чу́жа) мануша́ поханэ лэ́скири зор, нэ ёв на джинэ́ла дова́. Лэ́стэ исын сыва бала́ ада́й и одо́й, нэ ёв на джинэ́ла дава́.

Яви́р Зако́но 31:16

И пхэндя́ Рай Дэвэ́л Мойза́скэ: “Ѓа́да, ту пасёса тырэ́ дадэ́нца, и адалэ́ мануша́ лэ́на тэ блэндынэн и тэ псирэ́н пал явирэ дэвлорэндэ долэ́-пхувья́кирэ, пэ сави́ ёнэ заджа́на, и ячкирэна Ман, и пхагирэна Миро завето, саво́ Мэ чхудём лэ́нца;

Яви́р Зако́но 31:18

и Мэ, чачэс, гаравава Миро муй лэ́ндыр дро дова́ дывэ́с пал сарэ́ лэ́скирэ фуй рэ́нды, савэ́ ёнэ кэрэ́на, гии кэ яви́р дэвлорэ́.