Isajos 48:5 - Библия - Пэ Балтитко Романи чиб (Романэс) 2019

⁵ Палдава́ Мэ пхэнавас ту́кэ ґара́ (ваго) анги́л дова́, сыр дава́ кэрэласпэ, Мэ сыкававас ту́кэ, соб (кай) ту тэ на пхэнэ́с: ‘Миро идоло кэрдя́ дава́, миро дэвлоро, саво́ васта́ кэрдэ́, припхэндя́, соб (кай) адя́кэ тэ явэ́л.’

Biblija - Pe Baltitko Romani čib (Romanes) 2019

⁵ Paldavá Me phenavas túke ĥará (vago) angíl dová, syr davá kerelaspe, Me sykavavas túke, sob (kaj) tu te na phenés: ‘Miro idolo kerdiá davá, miro devloro, savó vastá kerdé, priphendiá, sob (kaj) adiáke te javél.’

Isajos 48:5 Referans Kwoze

Isajos 48:3

Мэ пхэнавас англэды́р (вагэдыр), ґара́ анги́л дава́, сыр саро́ явэ́ла; Мирэ́ уштэндыр выджа́лас лав, и Мэ ангилпхэнавас, и кэравас, ко́ли на ужакирнас, и саро́ дава́ кэрдя́пэ (сыс).

Luka 1:70

Сыр Дэвэ́л и дыя́ лав бут бэрш палэ пир Пэ́скирэ Свэнтонэ́ пророкэ́ндэ, савэ́ пхэндлэ́,

Apostolengiri Butý 15:18

Векостыр исын джиндлэ́ Дэвлэ́скэ сарэ́ Лэ́скирэ рэ́нды.

Isajos 46:10

Мэ пхэна́ва англэды́р сарэ́стыр, со тэ́ньчи дро ко́нцо (дро яго́ро) явэ́ла, ґаратунэ́ часостыр Мэ ракира́ва пал дова́, со ишчо (инкэ́) на кэрдя́пэ: Явэ́ла пир Миро годыпэ́н (совето); Мэ кэра́ва саро́, со Ма́нгэ исын пир ило́.

Isajos 44:7

Кон исын ишчо (инкэ́) адасаво́, сыр Мэ сом? Мэк ёв тэ пхэнэ́л, мэк тэ роспхэнэл Ма́нгэ екх пал екх саро́ долэ́ часостыр, сыр Мэ создыём ґаратуно народо, ци мэк ёнэ тэ ангилпхэнэн пал дова́, со явэ́ла.

Isajos 44:8

На дарэ́н, и на трашан: ци на пхэндём Мэ ту́кэ ґара́, ци на ангилпхэндём? И тумэ́ досыкавэна (допхэнэна) пал Ма́ндэ. Ци исын яви́р Дэвэ́л апри́ч Ма́ндэ? Нанэ ни сави́ яви́р ска́ла [нанэ яви́р Дэвэ́л-ю.о.], ни со буты́р Мэ на джина́в.

Isajos 45:20

Скэдэ́нпэ, явэ́н, подджан сарэ́, кон зракхцяпэ народо́стыр. Мэк тэ явэ́н одолэ́ дылынэ́ и бура, кон лыджа́ла каштуно идоло, кон мангэлапэ дэвлорэскэ, саво́ на зракхэ́ла.

Isajos 43:19

Акэ, Мэ кэра́ва нэви́ буты́, акана́ ёй сыкадёла, ци тумэ́ на камэ́на тэ джинэ́н пал дава́? Мэ кэра́ва дром пэ фэ́лда, рэ́ки (лэня́) пэ чхучи́ пхув.