Isajos 48:3 - Библия - Пэ Балтитко Романи чиб (Романэс) 2019

³ Мэ пхэнавас англэды́р (вагэдыр), ґара́ анги́л дава́, сыр саро́ явэ́ла; Мирэ́ уштэндыр выджа́лас лав, и Мэ ангилпхэнавас, и кэравас, ко́ли на ужакирнас, и саро́ дава́ кэрдя́пэ (сыс).

Biblija - Pe Baltitko Romani čib (Romanes) 2019

³ Me phenavas angledýr (vagedyr), ĥará angíl davá, syr saró javéla; Miré uštendyr vydžálas lav, i Me angilphenavas, i keravas, kóli na užakirnas, i saró davá kerdiápe (sys).

Isajos 48:3 Referans Kwoze

Isajos 42:9

Акэ, кэрдя́пэ дро джиибэ́н, со пхэндлэ́ англэды́р, и нэво́ лав Мэ пхэна́ва; анги́л дова́, сыр ёв кэрэ́лапэ чачипна́са, Мэ откэрава тумэ́нгэ.”

Isajos 41:22

“Мэк ёнэ тэ пхэнэ́н и тэ сыкавэ́н амэ́нгэ, со явэ́ла мэк ёнэ тэ сыкавэ́н англатунэ́ (пэ́рва) причыны, савэ́ исын, соб (кай) амэ тэ розлас (тэ роз ґалёвас) лэн, и соб (кай) амэ тэ джинас, со́са кончынэлапэ кадава́ рэ́ндо, ци со тэ пхэнэ́н анги́л сарэ́ндэ, со явэ́ла анги́л.

Isúso 21:45

На яця́пэ ние́кх лав, саво́ на кэрдя́пэ чачипна́са сарэ́ лачхэ́ лавэ́ндыр, савэ́ Рай Дэвэ́л ракирдя́ Израилёскирэ кхэрэ́скэ; саро́ кэрдя́пэ кэ ко́нцо (кэ яго́ро) (сполниндяпэ).

Isajos 45:21

Дэн тэ джинэ́н манушэ́нгэ и пхэнэ́н: “Кон пхэндя́ дава́ дро ґаратуно часо, кон ангилпхэндя дава́? Ци на Мэ, Рай Дэвэ́л, и нанэ явирэ Дэвлэ́с апри́ч Ма́ндэ, а исын екх Дэвэ́л – Мэ сом Дэвэ́л чачуно́, Саво́ зракхэ́ла и нанэ никонэ́с явирэ́с апри́ч Ма́ндэ.

Isajos 43:9

Мэк сарэ́ народы тэ скэдэ́нпэ кхэтанэ́, и сарэ́ кхэри́тка ро́ды тэ явэ́н кхэтанэ́. Кон машки́р лэ́ндэ дава́ анги́л пхэндя́? Мэк тэ пхэнэ́н, со сыс англэды́р сарэ́стыр, мэк тэ дэн кхэри́тка пэ́скирэ манушэ́н тэ досыкавэн (тэ допхэнэн) пал дава́, мэк тэ пхэнэ́н пал пэ́стэ чачипэ́н, соб (кай) тэ шунэ́с и тэ пхэнэ́с: “Чачо́!”

Isajos 37:7

Акэ, Мэ бичхава́ва дрэ лэ́стэ ду́хо (фа́но), со ёв шунэ́ла лав и рисёла пэ пэ́скири пхув и Мэ домарава лэс одо́й куртала́са.’”

Isajos 37:29

Пал-дова́ со ту пэ Ма́ндэ ґаздыянпэ холямипнаса, пал-дова́ со тумэ́ шундлэ́ Мирэ́ кана́, сыр ту пхутёса, Мэ чхува́ва Мири́ ангрусты дро Тыро́ накх и Миро савари дро Тыро́ муй и рискира́ва тут палэ долэ́ дромэ́са, савэ́са ту явдя́н.

Isajos 29:5

Тырэ́-вэргэнгиро бутыпэн ячэ́ла сыр дробно пра́хо, и захало; баро́ кэ дар халадыбэ́н роспхурдэлапэ, саво́ сыр пхуса, саро́ дава́ явэ́ла, ко́ли на ужакирэ́на, екха́тыр, дрэ екх мэнта (минута).

Isajos 30:13

то тэ́ньчи дава́ грэ́хо явэ́ла ваш тумэ́нгэ, сыр роспхагирды ва́нта, сави́ пхадёла, ко́ли на ужакирэ́на.

Isajos 41:27

Мэ пэ́рво пхэндём Сионоскэ: “Дыкхэ́н, кай ёв исын!” И Мэ дыём Ерусалимоскэ екхэ́с, кон янэ́ла бахталы́ зан (звесь).