Isajos 48:2 - Библия - Пэ Балтитко Романи чиб (Романэс) 2019

² Ёнэ пхэнэ́на, со ёнэ исын свэнтонэ́ форо́стыр, со Дэвэ́л Израилёскиро, Конэ́скиро лав исын Рай Дэвэ́л, болыбна́скирэ-янголэ́нгиро, подрикирэ́ла лэн.

Biblija - Pe Baltitko Romani čib (Romanes) 2019

² Jone phenéna, so jone isyn sventoné foróstyr, so Devél Izrailjoskiro, Konéskiro lav isyn Raj Devél, bolybnáskire-jangoléngiro, podrikiréla len.

Isajos 48:2 Referans Kwoze

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Римлянэнгэ 2:17

Ко́ли ту пэс гинэса Юдоса и розгинэса пэ Зако́но, и шарэсапэ Дэвлэ́са,

Isajos 52:1

Ушты́, ушты́, прилэ́ тыри́ зор, Сио́но! Ури тырэ́ и́ди, Ерусалимо, и́ди, савэ́ дэ́на ту́кэ паты́в, свэ́нто фо́ро! Буты́р на заджа́ла кэ ту наобчхиндло и магирдо́ ману́ш.

Isajos 10:20

Явэ́ла дро дова́ дывэ́с: Израилёскиро ячаибэ́н и одолэ́; кон зракхцяпэ Яково́скирэ кхэрэ́стыр, на явэ́на тэ допатян буты́р одолэ́скэ, кон домардя́ лэн, нэ ёнэ явэ́на тэ патя́н Ра́скэ-Дэвлэ́скэ, Свэнтонэ́-Израилёскирэ Дэвлэ́скэ сарэ́ илэ́са.

Матфеё 27:53

и выгинэ́ коплицэндыр коригэды́р (позжэды́р), сыр Ису́со отджидыя́, гинэ́ ёнэ дро свэ́нто фо́ро и сыкадынэ бутэнгэ.

Ереме́ё 21:2

“Выпхуч, мэ манга́ва тут, Ра́стыр-Дэвлэ́стыр пал амэ́ндэ, пал-дова́ со о Навуходоносо́ро, Вавилоно́скиро кра́ли, джа́ла марибна́са пэ амэ́ндэ: ко́ли тэ явэ́л адя́кэ, соб (кай) Рай Дэвэ́л тэ кэрэ́л лэ́са пир сарэ́ Лэ́скирэ ди́вна бутя́, соб (кай) кра́ли Навуходоносо́ро тэ джал криг амэ́ндыр.”

Sykadyipén 22:19

И ко́ли вари-кон отлэла вари-со далэ́ лылварья́кирэ пхэныбна́стыр, со явэ́ла анги́л, тэды Дэвэ́л отлэла лэ́скиро штэ́то джиибна́скирэ каштэ́стыр (дрэвостыр) дро свэ́нто фо́ро, пал со исын чхиндло́ дро дава́ лылварья́киро сви́тко.

Sykadyipén 21:2

И мэ, Иа́но, дыкхцём Свэ́нто Фо́ро, нэво́ Ерусалимо, саво́ джа́лас тэлэ́ Дэвлэ́стыр болыбна́стыр. Фо́ро сыс скэдыно́ и шукар уридо́ сы́рбы тэрны́ ваш ла́кирэ ромэ́скэ.

Sykadyipén 11:2

А грэ́да (дво́ро), сави́ исын яврестыр пал Кхангири́, мэк ла и на мерин ла. Ёй сыс дыны́ Наюдэ́нгэ. Ёнэ явэ́на тэ штакирэн ґэрэ́нца Свэ́нто Фо́ро штардэша́ дуй чхона́.

Матфеё 4:5

Тэ́ньци лэ́ла Лэс на́лачхо дро свэ́нто фо́ро и чхувэ́ла Лэс пэ Кхангирья́кири стрэ́ха (чхаки́н),

Дание́лё 9:24

эфтадэша́ куркэ сыс гиндлэ́ ваш тыро́ народо и тыро́ свэ́нто фо́ро, Ерусалимо, соб (кай) учхакирдо тэ явэ́л чорипэ́н и тэ кончынэнпэ грэ́хи и тэ явэ́н выкхослэ бизаконытка рэ́нды (бизаконии), и, соб (кай) тэ явэ́л лыджино ве́чно чачипэ́н, тэ явэ́н запечатымэ дыкхибэ́н и проро́ко, и тэ явэ́л помакхно Свэ́нто-свэнтонэнгиро.

Ереме́ё 10:16

Яковоскири до́ля нанэ кадасави сыр лэ́нгири, пал-дова́, со Ёв, Кон создыя́ саро́, и Кон выкэдыя́ Израилё сыр Лэ́скиро миштыпэ́н, исын болыбна́скирэ-янголэ́нгиро Рай Дэвэ́л и дава́ исын Лэ́скиро лав.

Isajos 51:13

Кон ту сан, ко́ли бистрэса Рас-Дэвлэ́с, Саво́ тут создыя́, Саво́ протырдыя́ болыбэ́н и дыя́ джиибэ́н пхувьякэ? Кажно дывэ́с ту дарэса тырэ́-вэргоскирэ холя́тыр, адя́кэ, сы́рбы вэ́рго исын пашы́л ту́тэ, саво́ камэ́ла тэ хасякирэ́л тут. Нэ кай исын лэ́скири холы́?

Isajos 47:4

Амаро́ Зракхибнари исын Свэ́нто Израилёскиро, Лэ́скиро лав – Рай Дэвэ́л, болыбна́скирэ-янголэ́нгиро.

Psalmy 87:3

Славутка лава́ кэ баро́ шарибэ́н пхэнэ́на пал ту́тэ, Дэвлэ́скиро фо́ро. Сэ́ла.

Psalmy 48:1

Хоро́скирэ Дирижоро́скэ. Кареёскирэ-Чхавэ́ндыр Пса́лмо.

Ниеми́я 11:18

Сарэ́ Левитэ́н дро свэ́нто фо́ро сыс дуйшэла́ тэ охтодэша́ штар.

Ниеми́я 11:1

И дживдэ́ барыдыра́ манушэ́нгирэ кэ Ерусалимо, и яви́р мануша́ народо́стыр и чхурдэнас жре́биё, соб (кай) екх паш лэ́ндыр дэшэ́ пашэндыр лэнгирэндыр тэ джал тэ дживэ́л кэ свэ́нта фо́ро Ерусалимо, а еня́ (биекхэ́скиро дэш) паша́ лэ́ндыр тэ ячэ́нпэ тэ дживэ́н дрэ яви́р фо́рья.

Сэндарьенгири Лылвари́ 17:13

И пхэндя́ Миха: “Какана́ мэ джино́м, со Рай Дэвэ́л явэ́ла ма́нгэ тэ кэрэ́л лачхипэ́н, пал-дова́ со Левито ма́ндэ яця́ раша́са.”

Ереме́ё 44:26

Пал-дава́ шунэ́н лав Ра́скирэ-Дэвлэ́скиро, сарэ́ Юдэя́кирэ мануша́, савэ́ дживэ́на пэ Египто́скири пхув: ‘Акэ, Мэ совлахадём Мирэ́ барэ́ лавэ́са’, – ракирэ́ла Рай Дэвэ́л –, соб (кай) Миро лав тэ на пхэнэ́л буты́р ние́кх ману́ш Юдэя́тыр, кон дживэ́ла пэ Египто́скири пхув, пхэни́: ‘Тэ дживэ́л Рай Дэвэ́л, Дэвэ́л.”

Isajos 51:15

Мэ сом Рай Дэвэ́л, Дэвэ́л тыро́, Саво́ ґаздэ́ла мо́рё (дэрья́в) адя́кэ, со ёв годлэла (ревинэла); Рай Дэвэ́л, болыбна́скирэ-янголэ́нгиро исын Лэ́скиро лав.