Isajos 48:13 - Библия - Пэ Балтитко Романи чиб (Романэс) 2019

¹³ Миро васт создыя́ пхув; Миро чачо́ (право) васт протырдыя́ болыбэ́н; ко́ли Мэ кхара́ва лэн, то ёнэ кхэтанэ́ явэ́на.

Biblija - Pe Baltitko Romani čib (Romanes) 2019

¹³ Miro vast sozdyjá phuv; Miro čačó (pravo) vast protyrdyjá bolybén; kóli Me kharáva len, to jone khetané javéna.

Isajos 48:13 Referans Kwoze

Isajos 40:26

Ѓаздэн тумарэ́ якха́ кэ вучо́ болыбэ́н и подыкхэн? Кон лэс создыя́? Кон вылыджала Пэ́скирэ чэргэня́ и гинэ́ла лэн? Сарэ́ чэргэня́ Ёв кхарэ́ла пир лав, ничи́ на хасёла Лэ́стэ, пал-дова́ со исын лэ́стэ бари зор и зоралыпэ́н.

Isajos 45:18

Адя́кэ ракирэ́ла Рай Дэвэ́л, Саво́ создыя́ болыбэ́н; Ёв – Дэвэ́л, Саво́ счхудя пхув и дыя́ зор ла́кэ; на ивья́ (напра́снэс) счхудя ла, а соб (кай) тэ дживэ́н пэ ла́тэ; Мэ сом Рай Дэвэ́л и явирэ́с нанэ.

Psalmy 102:25

Мэ пхэндём: “Миро Дэ́вла! На закэ́дэ ман джиибнастыр акана́, пака мэ на сом пхуро́. О, Раё Дэ́вла! Сарэ́ ро́ды дыкхэ́на, со Ту ве́чнэс дживэса.

Vygiiben 20:11

пал-дова́ со пал шов дывэса́ создыя́ Рай Дэвэ́л болыбэ́н и пхув, мо́рё (дэрья́в) и саро́, со исын дрэ лэ́ндэ, а пэ эфта́то дывэ́с откхиныя; пал-дова́ со Рай Дэвэ́л бахтякирдя́ дывэ́с са́вато и освэнцындя лэс.

Isajos 42:5

Адя́кэ ракирэ́ла Рай Дэвэ́л, Саво́ создыя́ болыбэ́н и штэ́ты лэ́нгирэ, Саво́ создыя́ пхув ла́кирэ джиибнаса, Саво́ дэ́ла, соб (кай) тэ дживэ́л ла́киро народо, Саво́ дэ́ла ду́хо (фа́но) одолэ́нгэ, кон пир пхув псирэ́ла.

Isajos 40:12

Кон вычхудя́ пани́ пэ́скирэ вастэ́са, выгиндя́ болыбэ́н и пра́хо пхувья́киро, зважындя пэ ублады́тка (весы) бэ́рги и бэ́ргицы пэ ублады́тка чарэ́?

Isajos 40:22

Ёв исын Одова́, Кон бэшэ́ла упра́л пэ крэнглыпэн пхувья́киро и пэ манушэ́ндэ, савэ́ пэ пхув дживэ́на, и, савэ́ исын сыр кирмэ анги́л Лэ́стэ. Ёв протырдыя́ болыбэ́н, сыр сано похтан, чхудя́ лэн сыр ша́тра.

Psalmy 147:4

Ёв гинэ́ла, кицы́ исын чэргэня́, Ёв кхарэ́ла лэн пир лэ́нгирэ лава́.

Ióvo 37:18

Ци ту Лэ́са росчхудян пир рига́ о́блоки, со исын зоралэ́ сыр вычхудо ґиндало?

Римлянэнгэ 4:17

и сыр исын чхиндло́: “Мэ чхудём тут дадэ́са ваш бутэ́-манушэ́нгирэ на́цыи” анги́л Дэвлэ́стэ, дрэ Савэ́стэ Авраа́мо упатяндыя, Саво́ отджидякирэла мулэн, и ракирэ́ла пал долэ́ рэ́нды, со какана́ нанэ, нэ адя́кэ сы́рбы ёнэ исын;

Isajos 40:21

Ци тумэ́ на джинэ́на? Ци тумэ́ на шундлэ́? Ци на ракирэ́нас тумэ́нгэ англэды́р сарэ́стыр, ци на ґалынэ́ тумэ́ пхувья́кирэ создыибнастыр?

Isajos 45:12

Мэ создыём пхув и манушэ́с пэ ла́тэ; Мэ – Мирэ́ васта́ протырдынэ болыбэ́н и Мэ дыём припхэныбэ́н кэ сарэ́ болыбны́тка чэргэня́ (болыбнытко халадыбэ́н).

Isajos 51:13

Кон ту сан, ко́ли бистрэса Рас-Дэвлэ́с, Саво́ тут создыя́, Саво́ протырдыя́ болыбэ́н и дыя́ джиибэ́н пхувьякэ? Кажно дывэ́с ту дарэса тырэ́-вэргоскирэ холя́тыр, адя́кэ, сы́рбы вэ́рго исын пашы́л ту́тэ, саво́ камэ́ла тэ хасякирэ́л тут. Нэ кай исын лэ́скири холы́?

Isajos 44:24

Адя́кэ ракирэ́ла Рай Дэвэ́л, Саво́ выкиндя тут, и Саво́ создыя́ тут дрэ дакири лочови́: “Мэ сом Рай Дэвэ́л, Саво́ создыя́ саро́, Мэ екхджино́ протырдыём болыбэ́н и Пэ́скирэ зорья́са росчхудём пхув.

Ереме́ё 51:15

Ёв создыя́ пхув Лэ́скирэ заня́са (глосаса), и Ёв чхудя́ свэ́то Лэ́скирэ годыпнаса, и Ёв роздзиньдзькирдя (ростырдыя) болыбэ́н Лэ́скирэ годя́са.