Isajos 48:11 - Библия - Пэ Балтитко Романи чиб (Романэс) 2019

¹¹ Ваш Пэ́скэ Кокорэскэ, ваш Пэ́скэ Кокорэскэ Мэ кэра́ва дава́, соб (кай), сыр тэ на калякирэн Миро лав! Мири́ паты́в и барипэ́н Мэ никонэ́скэ на отда́ва.

Biblija - Pe Baltitko Romani čib (Romanes) 2019

¹¹ Vaš Péske Kokoreske, vaš Péske Kokoreske Me keráva davá, sob (kaj), syr te na kaliakiren Miro lav! Mirí patýv i baripén Me nikonéske na otdáva.

Isajos 48:11 Referans Kwoze

Isajos 42:8

Мэ сом Рай Дэвэ́л, дава́ исын Миро лав, и Мэ на дава́ паты́в Мирэ́ явирэ манушэ́нгэ, и барипэ́н Миро Мэ на дава́ идолэ́нгэ.

Езэкилё 20:9

Нэ Мэ кэрдём дава́ ваш Миро лав, соб (кай) ёв тэ на магирэлпэ анги́л Наюды́тка на́цыи, кай ёнэ дживэ́нас, и кай Мэ откэрдём/сыкадём Пэс лэ́нгэ, соб (кай) тэ вылыджав лэн Египтосккирэ пхувья́тыр.

Езэкилё 20:14

Нэ Мэ кэрдём дава́ ваш Миро лав, соб (кай) ёв тэ на магирэлпэ анги́л Наюды́тка на́цыи, савэ́ дыкхэнас, сыр Мэ вылыджиём лэн.

Isajos 37:35

‘Мэ зракха́ва дава́ фо́ро, зракха́ва лэс ваш Пэ́скэ и ваш Давидо́скэ, Мирэ́ писхари́скэ.”

Езэкилё 20:22

Нэ Мэ обрикирдём Миро васт и кэрдём ваш Миро лав, соб (кай) ёв тэ на магирэлпэ машки́р Наюды́тка на́цыи, савэ́ дыкхэнас, сыр Мэ вылыджиём лэн.

1 Kralip 12:22

Рай Дэвэ́л на ячкирэ́ла Пэ́скирэ манушэ́н ваш баро́ Пэ́скиро лав, пал-дова́ со Ра́скэ-Дэвлэ́скэ сыс лачхо́ тэ выкэдэс тумэн Пэ́скирэ манушэ́нца;

Isajos 43:25

Мэ, Мэ Кокоро́, отмэка́ва тырэ́ грэ́хи ваш Пэ́скэ Кокорэскэ, Мэ на пририпирава грэ́хи тырэ́ буты́р.

Ереме́ё 14:7

‘Раё Дэ́вла! Мэк амаро́ чорипэ́н тэ допхэнэл пэ амэ́ндэ, кэр вари-со Тырэ́ лавэ́стыр; пал-дова́ со амэ бут отпыям Ту́тыр – амэ кэрдя́м грэ́хи проти Ту́тэ.

Езэкилё 20:44

И ґалёна, со Мэ сом Рай-Дэвэ́л, ко́ли ява́ва тэ кэра́в тумэ́нца ваш Миро лав на пир фуй тумарэ́ дрома́, и тумарэ́ биладжакунэ́ рэ́нды, Израилёскиро кхэр, – ракирэ́ла Рай Дэвэ́л, Дэвэ́л.’”

Езэкилё 20:39

А тумэ́, Израилёскиро кхэр, – адя́кэ ракирэ́ла Рай Дэвэ́л, Дэвэ́л, джа́н кажно (сва́ко) кэ пэ́скирэ и́долы, дынаринэ́н (служынэн) лэ́нгэ, ко́ли Ман на шунэ́на, нэ на магирэ́н бутэды́р Миро свэ́нто лав тумарэ́ дарэнца и тумарэ́ идолэнца.

Римлянэнгэ 2:24

Палдава́ исын чхиндло́: “Пал тумэ́ндэ На́юды явэ́на тэ тэлякирэн Дэвлэ́скиро лав.”

Joannostir 5:23

соб (кай) сарэ́ тэ кутякирэн Чхавэ́с, сыр кутякирэна Дадэ́с. Кон на кутякирэла Чхавэ́с, одова́ на кутякирэла и Дадэ́с, Саво́ бичхадя́ Лэс.

Isajos 52:5

Какана́, со исын Ма́ндэ ада́й?” – ракирэ́ла Рай Дэвэ́л: “Дова́, со ивья́ (напра́снэс) залынэ Миро народо; лэ́нгирэ барэ́ рая холясона,” – ракирэ́ла Рай Дэвэ́л, – “и кажно мо́ло, кажно дывэ́с ёнэ на дэ́на паты́в Мирэ́ лавэ́скэ.

Isajos 48:5

Палдава́ Мэ пхэнавас ту́кэ ґара́ (ваго) анги́л дова́, сыр дава́ кэрэласпэ, Мэ сыкававас ту́кэ, соб (кай) ту тэ на пхэнэ́с: ‘Миро идоло кэрдя́ дава́, миро дэвлоро, саво́ васта́ кэрдэ́, припхэндя́, соб (кай) адя́кэ тэ явэ́л.’

Psalmy 25:11

Ваш Тыро́ лав, Раё Дэ́вла, отмэк мири́ банг, пал-дова́ со ёй исын древа́н бари.

Psalmy 106:8

Нэ Ту зракхця́н лэн ваш Тыро́ лав, соб (кай) ёнэ тэ уджинэ́н Тыро́ зоралыпэ́н.

Psalmy 115:1

[9] На амэн, о Раё Дэ́вла, на амэн, нэ екх Тыро́ Лав трэй тэ шарэ́н, пал-дова́ со Ту сан лачхэ́-илэ́скиро, пал Тыро́ патяибэ́н.

Isajos 48:9

Ваш Миро лав Мэ пириячавас тэ холясовав, ваш Мири́ паты́в Мэ обрикиравас Пэс тэ хасякира́в тут.

Дание́лё 9:17

Акана́ шун, амаро́ Дэ́вла, э па́тери (моли́тва) тырэ́ писхарискири и мангипэ́н лэ́скиро, и, мэк тэ зяинэл Тыро́ муй пиро́ чхучакирдо Тыро́ свэнтыпнаскиро штэ́то, саво́ исын чхучакирдо (пустошоно) Ту́тэ, Раё Дэ́вла.

Psalmy 25:7

На пририпир, сыр мэ тэрно́ пхагирдём Дэвлэ́скиро Зако́но и кэрдём грэ́хи, пал-дова́ со Ту сан лачхо́ кэ мануша́, пририпир пал ма́ндэ, Раё Дэ́вла, Тырэ́ лачхэ́-илыткиматыр.

Езэкилё 36:22

Палдава́ пхэн Израилёскирэ кхэрэ́скэ: “Адя́кэ ракирэ́ла Рай Дэвэ́л, Дэвэ́л: ‘На ваш тумэ́нгэ Мэ кэра́ва дава́, Израилёскиро кхэр, а ваш Миро свэ́нто лав. Лэ́стыр тумэ́ отлынэ сла́ва машки́р народы, карик явнэ́ тумэ́.