Isajos 47:8 - Библия - Пэ Балтитко Романи чиб (Романэс) 2019

⁸ Акана́ вышу́н дава́, роспестиндлы, биракхибнаскири, сави́ ракирэ́ла дро пэ́скиро ило́: ‘Мэ сом екх адасави, явирья нанэ; мэ на ячавапэ биромэскири (пивляса), мэ на хасякира́ва чхаворэ́н.’

Biblija - Pe Baltitko Romani čib (Romanes) 2019

⁸ Akaná vyšún davá, rospiestindly, birakhibnaskiri, saví rakiréla dro péskiro iló: ‘Me som jekh adasavi, javirja nane; me na jačavape biromeskiri (pivliasa), me na xasiakiráva čhavorén.’

Isajos 47:8 Referans Kwoze

Софония 2:15

Кадава́ явэ́ла радымакиро фо́ро, саво́ дживдя́ би дарипнаскирэс, конэ́скиро ману́ш пхэндя́ дро пэ́скиро ило́: “Мэ сом кадасаво́, и нанэ буты́р, барэды́р ма́ндыр!” Дыкхэ́н! Сыр чхучо́ яця́ дава́ фо́ро, – штэ́то мурдалэ́нгэ тэ пасён! Кажно ману́ш джа́ла пашы́л, дэ́ла шоля, и чхурдэ́ла вастэ́са.

Isajos 32:9

Джувлялэ (манушнялэ) балвалитка! Уштэ́н, шунэ́н куты́ (на́бут) мири́ зан! Чхаялэ, савэ́ ни палсо́ на думинэ́на! Шунэ́н мирэ́ лава́!

Ереме́ё 50:11

‘Пал-дова́ со тумэ́, мануша́ Вавилоно́стыр, радындлэпэ, и тумэ́ свэнкиндлэ кэ вучипэ́н, тумэ́, савэ́ росчордэ Миро мэкно́ миштыпэ́н – Мири́ нацыя. Тумэ́ радындлэпэ, ухнэ (ухтынэ) пэ́скэ сыр рэца (тёлка) пэ чар, и тумэ́ грымитындлэ сы́рбы ґэншта (граё).

Isajos 47:10

Ту́тэ сыс наде́я пэ тырэ́ налачхэ́ рэ́нды, ту пхэндя́н: ‘Нико́н ман на дыкхэ́ла.’ Тыри́ годы́ и тыро́ джиныбэ́н змардэ тут дромэ́стыр; ту ракирэсас дро тыро́ ило́: ‘Мэ сом, и буты́р нанэ никонэ́с апри́ч Ма́ндэ.’

Isajos 45:6

соб (кай) тэ джинэ́н вастоко́стыр, кай кхам ґаздэ́лапэ и кэ западо (пал-панитко риг), кай кхам бэшэ́ла, со нанэ явирэ Дэвлэ́с: Мэ сом Рай Дэвэ́л и явирэ́с нанэ.

2 Фесалоникийцэнгэ 2:4

ёв явэ́ла тэ джал проти саро́ свэ́нто, со кхарэ́на Дэвлэ́са ци свэнтымаса, адя́кэ, со ёв бэшэ́ла дрэ Дэвлэ́скири Кхангири́ сы́рбы Дэвэ́л и явэ́ла тэ выдэл пэс пал Дэвлэ́стэ.

Naumo 1:10

На дыкхи́ пэ дова́, со тумэ́ спэнтындлэпэ кхэтанэ́ сыр пхусадытка хру́сты, и спинэпэ сыр матымарья, тумэ́ явэ́на тэ хачон сыр пхусэскири цецива (шуко пхус).

Дание́лё 11:36

И явэ́ла тэ кэрэ́л о кра́ли (паш-рати́тко) пир пэ́скири во́ля, и ґаздэ́лапэ кэ вучипэ́н и барьякирэ́ла пэс вучэды́р кажнонэ́ Дэвлэ́стыр, и пал Дэвлэ́стэ дэвлыканэстэ ёв лэ́ла тэ ракирэ́л калэ́ лава́, и явэ́ла тэ удэлпэ лэ́скэ, пака кэрдёлапэ холы́: пал-дова́ со сыс припхэндло, одова́ кэрэ́лапэ.

Дание́лё 5:30

Дрэ кодоя рат, хачи, о Валтасаро, Халдеенгиро кра́ли, сыс замардо,

Дание́лё 5:23

нэ ту ґаздыянпэ проти Растэ-Дэвлэ́стэ болыбнаскирэстэ и кхорэ́ (сасу́ды) Лэ́скирэ кхэрэ́стыр лыджинэ́ кэ ту и ту и тырэ́ тхага́рья, э джувля́ тырэ́ и бисовлахирэ джувля́ тырэ́ пинэ́ лэ́ндыр мол (вино) и ту шардян дэвлорэн рупэ́стыр и сувнака́стыр, харкома́тыр (медятыр), састырэстыр, каштэ́стыр и э барэстыр, савэ́ на дыкхэ́на, на шунэ́на, на ґалёна; а Дэвлэ́с, дрэ Конэ́скиро васт исын тырэ́ пхурдыпэн (дыхиныбэн) и Конэ́стэ исын сарэ́ дрома́ тырэ́, Одолэ́с ту на барьякирдян.

Дание́лё 4:30

[33] Пэ штэ́то кэрдя́пэ дава́ лав пэ Навуходоносоростэ, и ёв сыс традыно криг манушэ́ндыр, хая чар, сыр гурув, мордэ сыс лэ́скиро маса́ э болыбнытконэ пахлыняса (росаса) адя́кэ, со выбаринэ лэ́скирэ бала́ сыр пора кидостэ (орлостэ), и ная сыс сыр чириклэскирэ ная (когци).

Дание́лё 4:22

[25] традэ́на криг тут манушэ́ндыр, и джиибэ́н тыро́ явэ́ла фэлдытконэ мурдалэ́нца; чаравэна тут чарьяса, сыр гурувэ́с, ту явэ́са мордо болыбнытконэ пахлыняса (росаса), и эфта́ часы джа́на дурэды́р упра́л ту́тэ, кэ/ жы́ко дова́, сыр ту ґалёса, со Са́мо Вучэды́р хулаинэла упра́л кралипэ́н манушэ́нгиро и дэ́ла лэс, кон Лэ́скэ трэй.

Ереме́ё 51:53

На дыкхи́ пэ дава́, со Вавило́но ґаздэласпэ кэ болыбэ́н, и на дыкхи́ пэ дава́, со ёв зоралякирэлас пэ́скири вучи́ ва́нта, нэ сарое́кх (усае́кх) мижэх чора явэ́на кэ ёв Ма́ндыр” – ракирэ́ла Рай Дэвэ́л.

Isajos 45:18

Адя́кэ ракирэ́ла Рай Дэвэ́л, Саво́ создыя́ болыбэ́н; Ёв – Дэвэ́л, Саво́ счхудя пхув и дыя́ зор ла́кэ; на ивья́ (напра́снэс) счхудя ла, а соб (кай) тэ дживэ́н пэ ла́тэ; Мэ сом Рай Дэвэ́л и явирэ́с нанэ.

Сэндарьенгири Лылвари́ 18:27

А Дано́скирэ чхавэ́ лынэ́ дова́, со кэрдя́ Миха, и раша́с, саво́ сыс лэ́стэ, и гинэ́ дро Лаисо, проти штылонэ и бидарипнаскирэ манушэ́ндэ, и домардэ́ лэн куртала́са, а фо́ро хачкирдэ́ яга́са.

Сэндарьенгири Лылвари́ 18:7

И гинэ́ одолэ́ пандж мурша́, и явнэ́ дро Лаисо, и дыкхнэ́ манушэ́н, савэ́ сыс дрэ лэ́стэ, со ёнэ дживэ́на штылэ́с, пир обычаё (присыкляибэн) Сидонянэнгиро, штыл и бидарипнаскирэс (безпечнэс), и со на сыс пэ доя́ пхув, кон кэрэ́лас фуй бы лэн тэ дрэ вари-со, ци рикирдя зор (власть): Сидонянэндыр ёнэ дживдэ́ дур, и ни конэса на сыс лэ́ндэ нисаво́ рэ́ндо.

Isajos 14:14

Ѓаздавапэ мэ пэ болыбнытко вучипэ́н, ява́ва мэ тэ зджав (подджав) пэ Сарэвучэдырэскирэ Дэвлэ́стэ.”

Isajos 32:11

Дарэ́н, балвалитка (биракхибнаскирэ), дарэ́н одолэ́, кон ни палсо́ на думинэ́ла (наракхибнытка)! Злэн и́дя, розурьенпэ, обпхандэн пэ́скирэ маса́ пэ трушу́л.

Isajos 45:5

Мэ сом Рай Дэвэ́л и явирэ́с нанэ; нанэ Дэвлэ́с апри́ч Ма́ндэ, Екх Мэ сом. Мэ выкэдыём тут, ко́ли ту на джиндян Ман,

Ереме́ё 49:31

Ушты́, Навуходоносо́ро, джа́ пэ барвалы нацыя, со дживэ́ла би дара́киро’, – ракирэ́ла Рай Дэвэ́л, – ‘конэ́стэ нанэ ни по́рты, ни штабы, савэ́ дживэ́на кокорэ́ пэ́скэ.

Езэкилё 28:2

“Манушэ́скиро чхава! Пхэн тхагарискэ пэ Ти́ро: адя́кэ ракирэ́ла Рай Дэвэ́л, Дэвэ́л: пал-дова́, со древа́н пхутькирдо яця́ тыро́ ило́, и ту ракирэ́са: “Мэ сом Дэвэ́л, бэшав пэ дэвлы́тко штэ́то дро морёскиро (дэрьявэ́скиро) машкиралыпэн”, пал-дова́ со ту сан ману́ш, а на Дэвэ́л, нэ ту думинэса, со ту сан дасаво годявэр, сыр Дэвэ́л:

Езэкилё 30:9

Дро кодова́ дывэ́с явэ́на Ма́ндыр мануша́, савэ́ лыджа́на звесь (нэвипэн), ёнэ потрадэна пэ па́рмы (корабли), соб (кай) тэ страхакирэн биракхибнаскирэ, Ефиоплянэн, явэ́ла лэ́ндэ траш, сыр дрэ Египто́скиро дывэ́с, акэ, ёв джа́ла.”

Дание́лё 4:4

[7] Тэ́ньци явнэ́ э човаханэ, э астрологи, э Халдеи и э драбакирибнаскирэ пир планеты; и мэ роспхэндём лэ́нгэ суно́, нэ ёнэ на дынэ́ ра́да тэ розґалён лэ́скири зна́чыма.

Езэкилё 16:49

Акэ, саво́ исын Содомоскиро чорипэ́н, тырэ́-пхэнякиро и ла́кирэ-чхаенгиро бэдыпэн: ёй сыс пхутькирды, ёй халас на дрэ пэ́стэ, на камэлас тэ кэрэ́л нисави́ буты́; ёй на подрикирэлас чорорэ́-манушэ́скиро васт ци кодолэ́с, саво́ сыс дрэ трэ́бима.

Дание́лё 4:27

[30] о кра́ли пхэндя́: “Хачи, нанэ ци дава́ рангиро Вавило́но, саво́ мэ чхудём сыр кхэр крали́скиро мирэ́ зорья́са кэ барипэ́н и ваш паты́в мирэ́ райканыпнаскири!”

Naumo 3:4

Дава́ пал биладжакунэ́-джувлякирэ бут грэ́хи, сави́ исын хуланы пэ човахано джиныбэ́н; сави́ здэлас на́цыи пал пэ́скиро биладжаипэ́н, и кхэри́тка ро́ды и пал ла́киро човахано джиныбэ́н.

Avakumo 1:7

Ёнэ исын даракунэ и трашанэ мануша́: пхаро́ сэ́ндо кэрэ́ла лэ́нгири зор, лэ́ндыр кокорэндыр выджа́ла сэ́ндо.