Isajos 47:6 - Библия - Пэ Балтитко Романи чиб (Романэс) 2019

⁶ Холясыём Мэ пэ Миро народо, хасякирдём Мирэ́ чхавэ́н, отдыём лэн дрэ тырэ́ васта́, Вавило́но, а ту на потангиндян лэн; пхуро́ ману́ш лыджия́ тыро́ пхарипэ́н.

Biblija - Pe Baltitko Romani čib (Romanes) 2019

⁶ Xoliasyjom Me pe Miro narodo, xasiakirdjom Miré čhavén, otdyjom len dre tyré vastá, Vavilóno, a tu na potangindian len; phuró manúš lydžijá tyró pharipén.

Isajos 47:6 Referans Kwoze

Заха́рия 1:15

и барэ́ холынаса холямо́ сом Мэ пэ манушэ́ндэ, савэ́ сыс джидэ́ исын дро спокойныма: пал-дова́ со сыр Мэ со́мас на́бут холямо́, ёнэ кэрдэ́ буты́р.

2 Паралипоменоно 28:9

Одо́й сыс Ра́скирэ-Дэвлэ́скиро проро́ко; лав лэ́скиро сыс Оде́до. Ёв выгия́ анги́л халадэ́нгиро муй, савэ́ гинэ́ дрэ Сама́рия, и пхэндя́ лэ́нгэ: “Акэ, Рай Дэвэ́л, Дэвэ́л тумарэ́-дадэ́нгиро, дрэ холы́ пэ Юдэ́ндэ, отдыя́ лэн дро тумаро́ васт, и тумэ́ домардэ́ лэн дасавэ́ холя́са, сави́ догия́ кэ болыбэ́н.

Яви́р Зако́но 28:50

мануша́ биладжаипнытка, савэ́ на дэ́на паты́в пхурэ́ манушэ́скэ и на тангинэна (на жалинэна) тэрнэс;

Авдиёс 1:10

Пал-дова́ со ту са́нас нахрато кэ тыро́ пшал Яково, ладжаипэ́н учхакирэ́ла тут, и ту хасёса пэ сарэ́ ве́ки.

Jakov 2:13

пал-дова́ со ваш одолэ́ манушэ́нгэ, кон на сыкадя́ тангипэ́н (жалима) кэ яви́р мануша́, сэ́ндо явэ́ла би тангипнаскиро адя́кэ-паць кэ ёв, нэ тангипэ́н исын вучэды́р сэндостыр.

Psalmy 69:26

Мэк тэ мэкэ́н мануша́ лэ́нгиро кхэр, мэк ние́кх тэ на дживэ́л дрэ лэ́нгирэ ша́тры.

Авдиёс 1:16

Пал-дова́ со сыр тумэ́ пинэ́ пэ Мири́ свэ́нто бэ́рга, адя́кэ-паць и сарэ́ Наюды́тка на́цыи явэ́на ўса́ды (сак) тэ пьен; ёнэ явэ́на тэ пьен, и тэ накхавэн (тэ глытынэн), и лэн хасякирэна сы́рбы на сыс лэн.

Isajos 14:17

Кон кэрдя́ далэ́ барэ́ свэто́стыр чхучи́ пхув, кон пхагирэлас фо́рья, кон ухтылэлас манушэ́н дро пле́но и кхэрэ́ на мэкэлас?”

Isajos 10:6

Мэ бичхава́ва лэс пэ грэхоскиро народо, пэ народо, со прилыя́ Мири́ холы́; Мэ да́ва лэ́скэ припхэныбэ́н, соб (кай) тэ чорэл барэ́ чорибнаса, соб (кай) тэ дорэсэл дорэсыбэ́н, соб (кай) тэ кэрэ́л далэ́ народо́стыр бла́та пэ вули́ца (га́са).

Матфеё 7:2

пал-дова́ со, сыр тумэ́ сэндинэна, адя́кэ-паць и тумэн явэ́на тэ сэндинэ́н; савэ́ мераса тумэ́ меринэна, дасавэ́-паць мераса тумэн явэ́на тэ меринэн.

Езэкилё 28:16

Барэ́ тырэ́ бикныбнастыр дрэ тыро́ андрыпэн загия́ начачипэ́н, ту кэрдя́н грэ́хо; Мэ чхурдыём тут тэлэ́, сыр магирдэс Дэвлэ́скирэ бэрга́тыр, Мэ хасякирдём тут, ракхно херувимо, хачкирдэ́ барэндыр дрэ машкиралыпэн.

Езэкилё 24:21

‘Пхэн Израилёскирэ кхэрэ́скэ: адя́кэ ракирэ́ла Рай Дэвэ́л, Дэвэ́л: ‘Акэ, Мэ отда́ва пэ магирипэ́н Миро свэ́нто штэ́то, саво́ пхэрдэ́с дэ́лас тумэ́нгэ зор, саво́ радынэлас тумарэ́ якха́ и тумаро́ ило́, а тумарэ́ чхавэ́ и тумарэ́ чхая́, савэ́н тумэ́ ячадэ, хасёна куртала́тыр.

Roiben 2:2

Рай Дэвэ́л хасякирдя́ и на потангиндя сарэ́ Яково́скирэ кхэра́: Ёв чхурдыя́ тэлэ́ холя́тыр Юдэя́кирэ-чхакирэ тва́рдыми [зоралэ́ штэ́ты-р.с.], Ёв пхагирдя́ сарэ́са лэн пэ пхув, Ёв чхудя́ магирипэ́н пэ кралипэ́н и лэ́скирэ тхагарьендэ.

Isajos 43:28

Палдова́ Мэ раша́нгирэ барыдырэндыр пэ свэ́нто штэ́то залыём лэ́нгири буты́, и отдыём пэ хасибэ́н Яково́с, и отдыём Израилё, соб (кай) лэс тэ магирэ́н.

Isajos 13:16

Лэ́нгирэ чхаворэ́ явэ́на розмардэ анги́л лэ́нгирэ якха́, лэ́нгирэ кхэра́ явэ́на розчордэ, лэ́нгирэ ромня́ явэ́на ладжакирдэ́.

2 Kralip 24:14

И пхэндя́ Дави́до Гадоскэ: “Пхаро́ исын древа́н ма́нгэ; нэ мэк тэ пэрав мэ дрэ Ра́скирэ-Дэвлэ́скирэ васта́, пал-дова́ со баро́ исын Лэ́скиро ковлыпэн; екх со дрэ манушэ́нгирэ васта́ тэ на пэрав ма́нгэ.”

Isajos 14:6

саво́ холя́са замарэлас народы, холя́са исыс баро́ Рай дрэ кхэри́тка ро́ды, и традэлас лэн.

Ереме́ё 50:42

Ёнэ рикирэ́на лу́ко и пика (лонхо), ёнэ исын бидескирэ, и ёнэ на потангинэна. Лэ́нгири зан исын сыр мо́рё (дэрья́в) брилинэла (шуминэла), ёнэ традэ́на уклистэ́ пэ грэ́ндэ, ёнэ кэдэнапэ тэ марэ́нпэ со кэ екх ману́ш кэ сарэ́ пэ ту́тэ, э чхай Вавилоноскири.

Roiben 1:14

Рай Дэвэ́л пхандя зоралэ́с Пэ́скирэ вастэ́са ґа́мо мирэ́ чорипна́стыр; ёй исын кхуды́ и зарэсця пэ мири́ мэн. Ёв кэрдя́ адя́кэ, со мири́ зор замыя́. Ёв здыя ман дрэ васта́, савэ́ндыр мэ на могина́ва тэ ґаздавпэ.

Roiben 1:21

Со мэ да́ва ґондя́, со нанэ кон тэ подрикирэ́л ман. Сарэ́ мирэ́ вэ́рги шундлэ́ пал мири́ бари би́да, ёнэ радынэ́напэ далэ́стыр, со Ту кэрдя́н дава́. Бичха́в дова́ дывэ́с, со Ту, Раё Дэ́вла, пхэндя́н статэчнэс, мэк ёнэ тэ ячэ́нпэ дасавэ́-паць, сыр мэ сом.

Roiben 5:12

Тхагарьен ублавэна пал васта́, и годэпхурэнгэ на кэрэ́на паты́в.

2 Паралипоменоно 10:11

Миро дад чхудя́ пэ тумэ́ндэ баро́ пхарипэ́н, а мэ кэра́ва буты́р тумаро́ ярмо; миро дад дукхавэлас тумэн чхупне́нца, а мэ ява́ва тэ мара́в тумэн скорпионэнца.’”

2 Паралипоменоно 36:17

И Ёв яндя́ пэ лэ́ндэ Халдеенгирэ крали́с, – и одова́ мулякирдя́ тэрнэ́ манушэ́н лэ́нгирэ куртала́са дрэ лэ́нгиро свэнтыныбнаскиро кхэр, и на потангиндя ни тэрнэ́ чхавэ́с, ни патываля чха, ни пхурэс, ни богос: саро́ отдыя́ Дэвэ́л дрэ лэ́скиро васт.

2 Паралипоменоно 36:20

И пирилыджия ёв манушэ́н, савэ́ ячнэ́пэ джидэ́ куртала́тыр дро Вавило́но; и сыс ёнэ лэ́скирэ дынарье́нца и лэ́скирэ чхавэнгирэнца, кэ Персиякирэ-крали́скиро кралипэ́н.

Е́здра 5:12

Нэ пало́ дова́, сыр амарэ́ дада́ холякирдэ Дэвлэ́с болыбнаскирэс, Ёв выдыя лэн дро Навуходоносороскиро васт, саво́ сыс кра́ли Вавилоно́скиро, кон розмардя́ пэ котэра́ дава́ Кхэр (Кхангири́) и лыджия́ манушэ́н криг кэ Вавило́но.

Roiben 4:16

Ра́скирэ-Дэвлэ́скири холы́ роскэрдя́ лэн пэ паша́. Ёв на явэ́ла тэ кэрэ́л паты́в лэ́нгэ. Нико́н на кутякирдя ни раша́н, ни сыкадя́ ла́ска кэ годэпхурэ́.

Заха́рия 1:12

И отпхэнэ́лас Янго́ло Ра́скирэ-Дэвлэ́скиро и пхэндя́: “Раё Дэ́вла, янголэ́нгирэ-болыбна́скиро! Ке́ли ковлёла Тыро́ ило́ кэ Ерусалимо и кэ фо́рья Юда́скирэ, пэ савэ́ Ту холясоса ужэ эфтадэша́ бэрш?”