Isajos 47:3 - Библия - Пэ Балтитко Романи чиб (Романэс) 2019

³ Одкэрлапэ тыро́ нангипэ́н, явэ́ла бицялы тыри́ ладж. Кэра́ва Мэ сэ́ндо, Мэ на потангинава никонэ́с.”

Biblija - Pe Baltitko Romani čib (Romanes) 2019

³ Odkerlape tyró nangipén, javéla bicialy tyrí ladž. Keráva Me séndo, Me na potanginava nikonés.”

Isajos 47:3 Referans Kwoze

Naumo 3:5

“Акэ, Мэ сом проти ту́тэ”, – ракирэ́ла янголэ́нгирэ-болыбна́скиро Рай Дэвэ́л: “Мэ ґазда́ва тыри́ подя пэ тыро́ муй, Мэ сыкава́ва нацыенгэ тыро́ нангипэ́н, и кралипнэнгэ тыри́ ладж.

Sykadyipén 16:19

И баро́ фо́ро роспыяпэ пэ трин паша́, и фо́рья, кай напатяибнаскирэ, пынэ́. Дэвэ́л рипирдя бари пхув Бари Вавилония и дыя́ ла́кэ тэ пьел мол Лэ́скирэ тахтастыр – мол (вино) Лэ́скирэ холя́са, ке́ли Ёв древа́н холясо́ла.

Римлянэнгэ 12:19

Мирэ́ мала́, на кэрэ́н нисаво́ чорипэ́н никонэ́скэ пал пэ́стэ, пша́ла мирэ́, фэды́р ячкирэн штэ́то ваш Дэвлэ́скири холы́; пал-дова́ со, сыр исын чхиндло́: “Ячкирэн дава́ Ма́нгэ, Мэ кэра́ва”, – ракирэ́ла Рай Дэвэ́л.

Езэкилё 16:37

палдава́, акэ, Мэ скэда́ва сарэ́ тырэ́ камлытконэн, савэ́н ту камэсас и сарэ́н одолэ́н, савэ́н ту древа́н на камэсас. Мэ кэдава лэн сарэ́ ригэ́ндыр пэ ту́тэ, и Мэ откэрава анги́л лэ́ндэ тыро́ нангипэ́н, соб (кай) ёнэ тэ дыкхэ́н сари́ тыри́ ладж.

Ереме́ё 51:56

Пал-дова́ со мижэх чор (опустошытелё) джа́ла пэ дава́ фо́ро, проти Вавило́но; лэ́скирэ зоралыпнаскирэ муршэ́н пхандлэ, кажно лэ́нгиро лу́ко явэ́ла пхагирдо́; пал-дова́ со Рай Дэвэ́л, Саво́ отдэ́ла палэ пал чорипэ́н, Ёв дукхавэла палэ.

Ереме́ё 51:11

Войстринэн (дэн чол) марибны́тка бустя́ (стре́лы) тэ зяинэн, О Рай Дэвэ́л ґаздыя́ ду́хо (фа́но) Мидиякирэ кралье́нгэ. Пал-дова́ со Ёв придуминдя тэ хасякирэ́л Вавило́но. О Рай Дэвэ́л дукхавэла палэ, Ёв отдэ́ла палэ пал Лэ́скири Кхангири́.

Ереме́ё 51:4

И мулякирдэ́ мэк тэ пэрэ́н пэ пхув Халдее́нгири, и кодолэ́, савэ́н пропхусадэ, пэ лэ́скирэ га́сы.

Ереме́ё 13:26

Палдава́ Мэ адя́кэ-паць рискира́ва тумарэ́ труюня (поди) пэ муй, и тумари́ ладж явэ́ла бицялы.

Ереме́ё 13:22

И ко́ли тумэ́ пхучэна (пхэнэ́на) дро пэ́скиро ило́: ‘Со́скэ дава́ саро́ пыя́ пэ ма́ндэ?’ Пал тумаро́ баро́ чорипэ́н, савэ́ отчхакирдэ тумарэ́ и́ди пэ ладж, и пал дова́, со тырэ́ кхурья (пе́нты) ячнэ́ нангэ?

Яви́р Зако́но 32:35

Ма́нгэ тэ отхав палэ и тэ отдав, ке́ли обштавэлапэ лэ́нгири ґэро́й; пал-дова́ со сыг явэ́ла лэ́нгиро хасибны́тко дывэ́с, сыг явэ́ла приготовиндло ваш лэ́нгэ.

Sykadyipén 18:20

Ра́дынпэ форо́скирэ пхагипнастыр, Болыбна́скиро Раё, свэ́нта, Апо́столы и проро́ки! Долэскэ, со Дэвэ́л сэндякирдя ла пал тумэ́ндэ.

Džiibén 3:7

И дуендэ лэ́ндэ отчхакирдэпэ якха́, и ґалынэ́ ёнэ, со ёнэ сыс нангэ, и судэ смоковитка патря (листы), и кэрдэ́ пэ́скэ буґлэ кустыка (поясы).

Isajos 20:4

адя́кэ лыджа́ла Асирия́киро кра́ли заухтылдэ манушэ́н пленонэн Египто́стыр, манушэ́н, савэ́ пиритрадынэ Ефиопиятыр; лыджа́ла тэрнэн и пхурэн, ёнэ джа́на нангэ и пирангэ, соб (кай) тэ ладжакирэн Еги́пто.

Isajos 35:4

Пхэнэ́н одолэ́нгэ, кон дарэ́ла илэ́са: “Явэ́н зоралэ́, на дарэ́н! Акэ, исын тумаро́ Дэвэ́л, Ёв отхала (отдэ́ла) палэ, Дэвэ́л спхучэла. Ёв явэ́ла и зракхэ́ла тумэн.”

Isajos 3:17

Обчхинэла Рай Дэвэ́л лэ́нгирэ бала́ пэ фе́ля макушка (гутуп), лэ́ла криг лэ́нгиро урибэ́н.”