Isajos 47:1 - Библия - Пэ Балтитко Романи чиб (Романэс) 2019

¹ “Джа́, бэш пэ пра́хо, патывалы́ тэрны́ джувлы́, чхай Вавилоноскири, бэш пэ пхув. Нанэ троно (крали́тко штэ́то), чхай Халдеенгири, на пхэнэ́на пал ту́тэ буты́р, со ту сан шука́р и барвалы.

Biblija - Pe Baltitko Romani čib (Romanes) 2019

¹ “Džá, beš pe práho, patyvalý terný džuvlý, čhaj Vavilonoskiri, beš pe phuv. Nane trono (kralítko štéto), čhaj Xaldiejengiri, na phenéna pal túte butýr, so tu san šukár i barvaly.

Isajos 47:1 Referans Kwoze

Ереме́ё 51:33

Ѓа́да, исын лав, со ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: “Чхай Вавилоноскири исын сы́рбы гиваобкэрибнаскири шу́рна, ке́ли исын пора тэ укэдэн [штакирэн-ю.о.] гив: нэ ишчо (инкэ́) на́бут и явэ́ла часо тэ счхинэн (укэдэн) ла́кирэ гива́.”

Psalmy 137:8

О, чха́ё Вавилоно́стыр, тут мулякирэна. Тэ явэ́л бахтякирдо́ дова́, кон отплэскирэла палэ́ тумэ́нгэ, пал дова́, со тумэ́ кэрдэ́ амэ́нгэ:

Заха́рия 2:7

Наш криг, Сио́нэ, саво́ сан кэ Вавилоноскири чхай.

Ереме́ё 50:42

Ёнэ рикирэ́на лу́ко и пика (лонхо), ёнэ исын бидескирэ, и ёнэ на потангинэна. Лэ́нгири зан исын сыр мо́рё (дэрья́в) брилинэла (шуминэла), ёнэ традэ́на уклистэ́ пэ грэ́ндэ, ёнэ кэдэнапэ тэ марэ́нпэ со кэ екх ману́ш кэ сарэ́ пэ ту́тэ, э чхай Вавилоноскири.

Ереме́ё 46:11

Джа́ упрэ́ пэ Галаа́до (Гилеадо), и лэ пэ́са бальзамо, э патывалы́ тэрны́ джувлы́, чхай Египто́скири! Ивья́ (напра́снэс) ту буты́р прилэса драба: ту на явэ́са састякирды.

Ереме́ё 48:18

Джа́ тэлэ́ славутнонэ штэто́стыр, и бэш смэгаса тэ пьел, чхай Дивоноскири, кон дживэ́ла дро дова́ фо́ро. Розмарибнаскиро пэ Моа́во явдя́ пэ ту́тэ, ёв розмарэла пэ котэра́ тырэ́ зоралэ́ ва́нты (тва́рдыми).

Isajos 37:22

Акэ, исын лав, саво́ Рай Дэвэ́л пхэндя́ пал лэ́стэ: ‘На подыкхэла пэ ту́тэ, явэ́ла тэ салпэ ту́тыр патывалы́ чхай, тэрны́ чхай Сионо́скири, покрэнцынэла шэрэ́са, ко́ли тут дыкхэ́ла чхай Ерусалимо́скири.’

Psalmy 18:27

Чыстонэ-илэскирэнца Ту сан лачхо́; фрэнтонэнца Ту сан годя́са пэ стрэ́га,

Sykadyipén 18:7

пэ кицы́ ёй пэс славинэлас и сыс дро бимеракиро барвалыпэ́н, пэ ада́кицы дэн ла́кэ мэ́ньки и калы смэнтныма. Пал-дова́ со ёй шарэла пэс пхэныбнаса: “Мэ бэшава сыр кра́лица. Мэ на сом пивлы (удова). Мэ ние́кхвар на ява́ва дрэ калы смэнтныма”:

Езэкилё 28:17

Тырэ́ гожыпнастыр пхутия тыро́ ило́; Тырэ́ пхутькирибнастыр пал тыри́ шук ту хасякирдян Тыри́ годы́, палдава́ Мэ чхурдава тут тэлэ́ пэ пхув, Мэ отда́ва тут пэ ладж анги́л кралье́ндэ, соб (кай) ёнэ тэ дыкхэ́н пала́л.

Езэкилё 26:16

Зджана сарэ́ морёскирэ (дэрьявэ́скирэ) тхага́рья пэ́скирэ тронэндыр, злэна пэ́стыр лэ́скирэ урибэна́, злэна пэ́стыр розсудэ ризы, нэ ёнэ урьенапэ дара́са, бэшэна пэ пхув, явэ́на тэ издран, явэ́на тэ дивинэнпэ трашаса пал ту́тэ.

Roiben 4:5

Кодолэ́, кон хая дэликатэсы, исын на́бут со джидэ́ пэ вули́цы (пэ га́сы); кодолэ́, конэ́с барьякирдэ́ дро лоло́ плашчо, облэна кучы ґнэё.

Roiben 2:21

Тырнэ и пхуранэ́ исын паштэ́ пэ пхув пэ га́сы, и ёнэ мирэ́ патывалэ́ джувля́ и мирэ́ тэрнэ́ мануша́ пынэ́ куртала́тыр; Ту мулякирдян лэн дро дывэ́с, сыр Ту холясыян, Ту замардян лэн и Ту на тангиндян (на пожалиндян).

Roiben 2:10

Годэпхурэ́ Сионоскирэ исын бэштэ́ штылэ́с пэ пхув; и исын ёнэ чхурдэна пра́хо пэ пэ́скирэ шэрэ́ и ёнэ подпхандэнапэ жалобнонэ гонэса. Ерусалимо́скирэ патывалэ́ тырнэ джувля́ бандякирэна шэрэ́ кэ пхув.

Ереме́ё 13:18

‘На явэ́н пхутькирдэ́, бэшэ́н тэлэды́р; пал-дова́ со пыя́ крали́тко стадык тумарэ́ славатыр, сави́ сыс пэ тумарэ́ шэрэ́’, – пхэндя́ Рай Дэвэ́л тэ пхэна́в крали́скэ и крали́скирэ да́кэ.

Isajos 52:2

Тринскир пэ́стыр пра́хо, ушты́, Ерусалимо, саво́ сыс дрэ наволя, злэ зандир (ланцо) тырэ́ мэнятыр, чхай Сионо́скири дро пле́но!

Isajos 26:5

Ёв чхудя́ тэлэ́ одолэ́н, кон пэ вучо́ штэ́то дживэ́ла, чхурдыя́ тэлэ́ фо́ро, саво́ вучэ́с тэрдёлас, чхурдыя́ тэлэ́ пэ пхув, чхурдыя́ дро пра́хо.

Isajos 23:12

И пхэндя́: “На явэ́са ту буты́р тэ радынэспэ, патывалы́ тэрны́ джувлы́, сави́ сыс ладжакирды, чхай Сидоноскири! Ушты́, джа́ дрэ Китимо, нэ и одо́й ту на откхинёса.”

Psalmy 89:44

ґа́да, Ту тэмпякирдян лэ́скирэ-курталакири во́стрима (чолыпэ́н), и Ту на ґаздыян лэс дро марибэ́н.

Ióvo 2:13

И ёнэ бэшнэ́ кхэтанэ́ лэ́са пэ пхув пэ эфта́ (битринэ́нгиро дэш) дывэса́ и эфта́ ратя, и ние́кх лэ́ндыр на пхэндя́ лав лэ́скэ, пал-дова́ со ёнэ дыкхнэ́, со лэ́скэ сыс древа́н пхаро́.

Ióvo 2:8

И лыя́ Ио́во ваш пэ́скэ котэ́р (куско) чэрепичнонэ пирьятыр, соб (кай) лэ́са тэ рандэл кокоро́ пэс; и бэсця́ ёв машки́р пра́ска (пе́пло).

Agiejo 2:22

Мэ равава дрэ руи́ны троно кралипнэнгиро, Мэ хасякира́ва Наюдытконэ́ – кралипнэнгири зор. Мэ пириравава марибны́тка в урдэна кодолэнца, савэ́ традэ́на пэ лэ́ндэ: граё и лэ́нгирэ уклистэнгирэ (всадники) пэрэ́на, со кэ екх лэ́ндыр пэрэ́ла куртала́тыр лэ́скирэ пшалэскирьятыр.’

Jona 3:6

Тэ́ньци догия́ лав кэ кра́ли Ниневиякиро, и ёв уштыя́ лэ́скирэ троностыр, и чхудя́ дрэ риг пэ́скиро урибэ́н, чхакирдэ пэс жалобнонэ-балытконэ гонэса и бэсця́ дрэ пра́ска (пепло).

Isajos 13:1

Ангилпхэныбэ́н пал Вавило́но, саво́ пхэндя́ Исаё, Амососкиро чхаво́.

Ереме́ё 50:1

Акэ, исын лав, со Рай Дэвэ́л пхэндя́ проти Вавило́но, и проти пхув Халдее́нгири пир Еремеёстэ, пророкостэ:

Isajos 13:13

Ваш дава́ Мэ чилавава болыбэ́н, и пхув зджа́ла пэ́скирэ штэто́стыр, ко́ли холясо́ла Рай Дэвэ́л, болыбна́скирэ-янголэ́нгиро, дро дывэ́с, ко́ли захачола Лэ́скири холы́.

Isajos 14:1

Пашылэды́р исын лэ́скиро часо, на явэ́на тэ тырдэнпэ лэ́скирэ дывэса́, пал-дова́ со потангинэла Рай Дэвэ́л Яково́с, ишчо (инкэ́) явэ́ла пир ило́ Лэ́скэ Израилё, и Ёв дэ́ла, соб (кай) тэ дживэ́н ёнэ пэ Лэ́скири пхув, явэ́на кэ ёнэ явирэ-рига́тыр мануша́, припхандэнапэ кэ кхэр Яково́скиро.

Isajos 21:1

Ангилпхэныбэ́н пал шуки́ пхув пашы́л мо́рё (дэрья́в), пал Вавило́но. – Сыр зоралэ́ балваля вурняна пэ паш-дывэ́с (юго), адя́кэ джа́ла ёв шукэ́ пхувья́тыр, даранэ и чхучэ́ пхувья́тыр.

Ереме́ё 51:1

Акэ, исын лав, со ракирэ́ла Рай Дэвэ́л: “Акэ, Мэ ґазда́ва пэ Вавило́но лэ́нгирэ вэргэ́н (хасякирибнытко балва́л) и пэ одолэ́ндэ, савэ́ дживэ́на пэ пхув Халдеенгири.

Ереме́ё 51:51

“Амэ́нгэ исын ладжаво, пал-дова́ со амэ шундя́м, сыр бипатывалякирдэ [кошнэ-р.с.] амэн; ладж учхакирдя́ амарэ́ муя́: пал-дова́ со чу́жа мануша́ явнэ́ дрэ свэ́нта штэ́ты дрэ Кхангири́ Раскири-Дэвлэ́скири.”