Isajos 45:9 - Библия - Пэ Балтитко Романи чиб (Романэс) 2019

⁹ Бида кодолэ́скэ, кон чингардэлапэ Дэвлэ́са: Саво́ создыя́ лэс, кон исын чэрепко чэрэпкэндыр пэ пхув. Ци пхэнэ́ла ґлэя (глина) пэ́скирэ мастероскэ: “Со ту кэрэ́са?”, ци пхэнэ́ла тыри́ буты́ пал ту́тэ: “Лэ́стэ нанэ васта́?”

Biblija - Pe Baltitko Romani čib (Romanes) 2019

⁹ Bida kodoléske, kon čingardelape Devlésa: Savó sozdyjá les, kon isyn čeriepko čerepkendyr pe phuv. Ci phenéla ĥleja (glina) péskire mastieroske: “So tu kerésa?”, ci phenéla tyrí butý pal túte: “Léste nane vastá?”

Isajos 45:9 Referans Kwoze

Isajos 64:8

Нэ какана́, Раё Дэ́вла, Ту сан амаро́ Дад; амэ сам ґлэя (бла́та), савья́тыр кэрэ́на кхорэ́, а Ту – Одова́, Кон создыя́ амэн; сарэ́ амэ – Тырэ́-вастэнгири буты́.

Ереме́ё 18:6

“О, Израилёскиро кхэр. Ци нашты́ Ма́нгэ тэ кэра́в адя́кэ-паць тумэ́нца, сыр кадалэ́ пирьенгирэса?” – ракирэ́ла Рай Дэвэ́л. “Дыкх, сыр исын ґлэя дрэ пирье́нгирэ васта́, и адя́кэ-паць тумэ́ сан дро Миро васт, тумэ́ – Израилёскиро кхэр!

Isajos 29:16

Саво́ дылныпэ́н! Ци прилэ́на бутярис пир ґлэя (глина) пал лэ́скири буты́ ґлэятыр? Ци пхэнэ́ла создыно́ предмето пал Кодолэстэ, Кон лэс создыя́: “На Ёв создыя́ ман”, – ци пхэнэ́ла пал пэ́скирэ хуластэ: “Ёв на ґалёла?”

Isajos 10:15

Ци шарэлапэ пэ́са товэр анги́л одолэ́стэ, кон чингирэла лэ́са? Ци пхутёла ризил (пила) анги́л одолэ́стэ, кон чхинэла ла́са? Ци ґаздэ́лапэ дэсто́ пэ одолэ́стэ, кон лэс ґаздыя́, ци ґаздэ́лапэ дэсто́ пэ одолэ́стэ, кон исын на кашт?

Pritčy 21:30

Ни годыпэ́н, ни ґалыибэ́н, и ни саво́ годыпэ́н на тэрдёна проти Растэ-Дэвлэ́стэ.

Ереме́ё 50:24

Мэ росчхудём фэлы́ (сеть) пэ ту́тэ, Вавило́но, и тут адя́кэ-паць лэ́на, и ту на джиндян дава́. Тут латхнэ́ и лынэ́ дро пле́но пир дова́, со ту тэрдиян проти Растэ-Дэвлэ́стэ.

1 Коринфянэнгэ 10:22

Нау́што амэ ява́са тэ муршкинаспэ тэ холякирас Дэвлэ́с? Нау́што амэ сам зоралэды́р Лэ́стыр?

Ióvo 9:12

Ѓа́да, Ёв лэ́ла криг и кон могинэ́ла (сашты́) тэ мешынэл Лэ́скэ? Кон пхэнэ́ла Лэ́скэ: “Со Ту кэрэ́са?”

Ióvo 33:13

Со́скэ ту лыджа́са чинга́рд Лэ́са? Ёв, хай, на дэ́ла отпхэныбэ́н пал Лэ́скирэ рэ́нды!

Ióvo 40:2

[7] “Подпхандэпэ и яв скэдыно́ сыр мурш; Мэ ява́ва тэ пхучав ту́тыр, а ту явэ́са тэ отпхэнэс ма́нгэ:

Ekliesiastos 6:10

Сарэскэ, со какана́ исын, ґара́ анги́л сыс дыно́ лав и дава́ исын джиндло́, саво́ кажно ману́ш исын, и со ёв нашты́ тэ лыджа́л рэ́ндо проти одолэ́стэ, кон исын зоралэды́р лэ́стыр.

Isajos 45:10

Бида одолэ́скэ, кон пхэнэ́ла пэ́скирэ дадэ́скэ: “Со́скэ ту дыя́н ма́нгэ джиибэ́н?”, а да́кэ ци пхэнэ́ла ёв: “Со́скэ ту бияндян ман?”

Ереме́ё 36:29

И ту пхэн Иоакимоскэ, крали́скэ пэ Юдэ́я, – ‘адя́кэ ракирэ́ла Рай Дэвэ́л: ‘Ту хачкирдян дава́ сви́тко, пхэни́: ‘Со́скэ ту чхиндян пэ лэ́стэ, со о кра́ли Вавилоно́скиро, чачэс, явэ́ла и хасякирэ́ла дая́ пхув, и ёв кэрэ́ла адя́кэ, со на явэ́ла ни ману́ш, ни мурда́л (жывотно) одо́й.’”

Ióvo 9:4

Дэвэ́л исын годо́ илэ́са и зоралыпнаса: кон тэрдёлас дрэ стонка маму́й Лэ́стэ, ци кодова́ ячэ́лапэ дро рама́нё (покоё)?

Ióvo 10:9

Ри́пир, со Ту создыян ман сыр глэя (глина), и Ту ж пирикирэса ман палэ дро пра́хо.

Isajos 64:7

На сыс одолэ́с, Кон бы кхардя́ Тыро́ лав, кон закамдя́ б тэ рикирэлпэ пал Ту́тэ; палдава́ Ту гарадян Тыро́ муй амэ́ндыр, Ту ячкирдэн амэн тэ хасёвас грэхэ́ндыр.