Isajos 45:5 - Библия - Пэ Балтитко Романи чиб (Романэс) 2019

⁵ Мэ сом Рай Дэвэ́л и явирэ́с нанэ; нанэ Дэвлэ́с апри́ч Ма́ндэ, Екх Мэ сом. Мэ выкэдыём тут, ко́ли ту на джиндян Ман,

Biblija - Pe Baltitko Romani čib (Romanes) 2019

⁵ Me som Raj Devél i javirés nane; nane Devlés apríč Mánde, Jekh Me som. Me vykedyjom tut, kóli tu na džindian Man,

Isajos 45:5 Referans Kwoze

Isajos 46:9

Пририпирэн дова́, со сыс англэды́р сарэ́стыр, пал-дова́ со Мэ сом Дэвэ́л и нанэ явирэ Дэвлэ́с, нанэ никонэ́с, кон зджа́ла (поджала) пэ Ма́ндэ.

Isajos 44:8

На дарэ́н, и на трашан: ци на пхэндём Мэ ту́кэ ґара́, ци на ангилпхэндём? И тумэ́ досыкавэна (допхэнэна) пал Ма́ндэ. Ци исын яви́р Дэвэ́л апри́ч Ма́ндэ? Нанэ ни сави́ яви́р ска́ла [нанэ яви́р Дэвэ́л-ю.о.], ни со буты́р Мэ на джина́в.

Isajos 44:6

Адя́кэ ракирэ́ла Рай Дэвэ́л, Кра́ли Израилёскиро, Саво́ выкиндя лэс. Рай Дэвэ́л, болыбна́скирэ-янголэ́нгиро: “Мэ сом пэ́рво и Мэ сом палатуно́ (последнё), нанэ явирэ Дэвлэ́с, апри́ч (кроме) Ма́ндэ.

Ioil 2:27

И тумэ́ явэ́на тэ джинэ́н, со Мэ сом машки́р Израилё и со Мэ сом Рай Дэвэ́л, тумаро́ Дэвэ́л, и буты́р нанэ явирэ Дэвлэ́с. Мирэ́ манушэ́н буты́р ние́кхвар на ладжакирэна.

3 Kralip 8:60

соб (кай) сарэ́ мануша́ уджиндлэ́, со Рай Дэвэ́л исын Дэвэ́л, и нанэ апри́ч Лэ́стэ.

Яви́р Зако́но 32:39

Тумэ́ дыкхэ́на акана́, со дава́ Мэ сом, Мэ – и нанэ Дэвлэ́с (нанэ Дэвэ́л), апри́ч Ма́ндэ: Мэ мулякирава и отджидякирава, Мэ насвалякирава, и Мэ састякирава, и нико́н на зракхэ́ла Мирэ́ вастэ́стыр.

Яви́р Зако́но 4:35

Ту́кэ сыс дыно́ тэ дыкхэ́с дава́, соб (кай) ту тэ джинэ́с, со екх Рай Дэвэ́л исын Дэвэ́л, и нанэ буты́р апри́ч (кроме) Лэ́стэ;

Ióvo 12:21

Ёв вычхувэла накутякирибэн пэ тхагарье́ндэ и Ёв розвастакирэла зоралыпнаскирэн;

Psalmy 18:39

Мэ пиримардём лэн, со ёнэ нашты́ тэ уштэ́н: и ёнэ пэрэнас тэл мирэ́ ґэра́.

Яви́р Зако́но 4:39

И ту акана́ джин и чхув пэ тыро́ ило́, со Рай Дэвэ́л исын Дэвэ́л упра́л пэ болыбэ́н и пэ пхув тэла́л, и нанэ буты́р апри́ч Лэ́стэ;

Psalmy 18:32

Кон тэды исын Дэвэ́л апри́ч Растэ-Дэвлэ́стэ. Ци, кон жа исын Бэ́рга тэ зракхэлпэ апри́ч амарэ́ Дэвлэ́стэ?

Joannostir 1:1

Англэды́р сарэ́стыр сыс Лав, и Лав Кокоро́ сыс Дэвлэ́са, и Лав сыс Дэвэ́л.

Е́здра 1:2

“Адя́кэ ракирэ́ла Кира, кра́ли Персиякиро: ‘О Рай Дэвэ́л, Дэвэ́л болыбна́скиро, дыя́ ма́нгэ сарэ́ кралипэна́ пэ пхув. И Ёв припхэндя́ ма́нгэ тэ чхував Кхэр (Кхангири́) Лэ́скэ дро Ерусалимо, пэ Юдэ́я.

Isajos 22:21

Урьявава лэс дро тыро́ урибэ́н, обпхандава Мэ лэс тырэ́ кустыкаса, зор тыри́ отда́ва дрэ лэ́скирэ васта́; ёв дадэ́са явэ́ла ваш манушэ́нгэ дро Ерусалимо и ваш кхэр Юда́скиро.

Ióvo 12:18

Ёв лэ́ла криг зор кралье́ндыр, Ёв пхандэла кустыка пэ лэ́нгирэ трушула (чре́сло).

Vygiiben 9:14

пал-дова́ со дава́ мо́ло Мэ бичхава́ва сарэ́ Мирэ́ мэрибнытка фра́нсы (язвы) дро тыро́ ило́, и пэ тырэ́ дынарьендэ, и пэ тырэ́ манушэ́ндэ, соб (кай) ту тэ джинэ́с, со нанэ адасавэс, сыр Мэ сом, пир сари́ пхув;

Psalmy 18:31

Миро Дэвэ́л исын бидошэ́нгиро, Ра́скирэ-Дэвлэ́скиро лав исын пропатякирдо. Ёв исын шчы́то ваш сарэ́нгэ, кон гарадёла дрэ Лэ́стэ.

Isajos 43:10

А Мирэ́ мануша́, савэ́ допхэнэна, пал чачипэ́н, – пхэнэ́ла Рай Дэвэ́л, – тумэ́ и Миро писха́ри, конэ́с Мэ выкэдыём, соб (кай) тумэ́ тэ джинэ́н и тэ патя́н Ма́нгэ, со дава́ Мэ сом; англэды́р на сыс николи явирэ Дэвлэ́с и на явэ́ла.

Isajos 45:1

Адя́кэ ракирэ́ла Рай Дэвэ́л кэ Кира, савэ́с Ёв помакхця: Мэ рикирава тут пал чачо́ васт, соб (кай) тэ отдав ту́кэ народы, Мэ злава кустыка, со сыс пэ трушула кралье́ндэ, соб (кай) тэ откэрэн ту́кэ вудара́, и соб (кай) по́рта тэ на запхандэлпэ.

Isajos 45:6

соб (кай) тэ джинэ́н вастоко́стыр, кай кхам ґаздэ́лапэ и кэ западо (пал-панитко риг), кай кхам бэшэ́ла, со нанэ явирэ Дэвлэ́с: Мэ сом Рай Дэвэ́л и явирэ́с нанэ.

Isajos 47:8

Акана́ вышу́н дава́, роспестиндлы, биракхибнаскири, сави́ ракирэ́ла дро пэ́скиро ило́: ‘Мэ сом екх адасави, явирья нанэ; мэ на ячавапэ биромэскири (пивляса), мэ на хасякира́ва чхаворэ́н.’

Езэкилё 30:24

А Вавилоно́скирэ-крали́скирэ псикэ́ кэра́ва Мэ зоралэ́ псикэса, Мэ да́ва лэ́скэ дрэ васт Мири́ курта́ла. Фараоно́скирэ псикэ́ роспхагирава, ёв исын насвало́, ёв явэ́ла тэ ровэл анги́л Лэ́стэ.

Psalmy 18:33

Дэвэ́л дэ́ла ма́нгэ зор и кэрэ́ла ма́нгэ маму́й (пря́мо) дром,

Psalmy 86:10

Пал-дова́ со Ту сан баро́ кэ вучипэ́н и кэрэ́са барэ́ ди́вна бутя́: Ту сан фэ́ни (то́ка) Екх Дэвэ́л.

Isajos 37:20

А акана́, амаро́ Раё Дэ́вла, Дэвэ́л амаро́, зра́кх амэн лэ́скирэ вастэ́стыр, тэ джинэ́н сарэ́ кралипэна́ пэ пхув, со Ту, Раё Дэ́вла, исын екх Дэвэ́л.”