Isajos 45:11 - Библия - Пэ Балтитко Романи чиб (Романэс) 2019

¹¹ Адя́кэ ракирэ́ла Рай Дэвэ́л, Свэ́нто Израилёскиро, Саво́ создыя́ лэс: “Тумэ́ пхучэна Ма́ндыр, со явэ́ла Мирэ́ чхавэ́нца? И тумэ́ камэ́на тэ подпхэнэн, со трэй Ма́нгэ тэ кэра́в?”

Biblija - Pe Baltitko Romani čib (Romanes) 2019

¹¹ Adiáke rakiréla Raj Devél, Svénto Izrailjoskiro, Savó sozdyjá les: “Tumé phučena Mándyr, so javéla Miré čhavénca? I tumé kaména te podphenen, so trej Mánge te keráv?”

Isajos 45:11 Referans Kwoze

Isajos 48:17

Адя́кэ ракирэ́ла Рай Дэвэ́л, Саво́ выкиндя тут, ракирэ́ла Свэ́нто Израилёскиро: “Мэ сом Рай Дэвэ́л, Дэвэ́л тыро́. Мэ сыклякирава тут, Мэ лыджа́ва тут долэ́ дромэ́са, кай трэй ту́кэ тэ джас.

Marko 11:24

Палдава́ Мэ ракира́ва тумэ́нгэ: саро́, пал со тумэ́ мангэ́напэ и мангэна, патя́н, со тумэ́ дорэснэ́ (долынэ), и явэ́ла дыно́ тумэ́нгэ.

Езэкилё 36:37

Адя́кэ ракирэ́ла Рай Дэвэ́л: “Акэ, ишчо (инкэ́) Мэ сыкава́ва Миро камлыпэн кэ Израилёскиро кхэр дрэ дова́, со кэра́ва адя́кэ, соб (кай) тэ явэ́л адя́кэ бут манушэ́н сыр пэ бакрэнгири стада.

Ереме́ё 33:3

‘Кхар Ман Мирэ́ лавэ́са, и Мэ отпхэнава ту́кэ, и Мэ сыкава́ва ту́кэ барэ́ и гарадэ́ рэ́нды (де́лы), и савэ́ ту на джинэ́са!’

Isajos 29:23

Ко́ли дыкхэ́ла ёв пэ́стэ пэ́скирэ чхаворэ́н, савэ́н дыём Мэ лэ́скэ, ёнэ дэ́на паты́в Мирэ́ лавэ́скэ, дэ́на паты́в Свэнтонэ́ Израилёскирэ Дэвлэ́скэ, и ёнэ явэ́на тэ дарэ́н радыма́са Израилёскирэ Дэвлэ́стыр.

Эфесянэнгэ 2:10

Пал-дова́ со амэ сам кадасавэ́, савэ́нца Дэвэ́л создыя́ амэн дро амаро́ екхипэ́н Исусо́са Христосо́са ваш дова́, соб (кай) амэ тэ кэра́с лачхэ́ рэ́нды, савэ́ Дэвэ́л ґарэдыр выкэдыя́ ваш амэ́нгэ.

Osija 1:10

Нэ чхавэ́ Израилёскирэ явэ́на ада́кицы бут, кицы́ исын пра́хо пэ мо́рё (дэрья́в), со нашты́ тэ вымеринэс и тэ гинэс. И явэ́ла адя́кэ: пэ штэ́то, кай ракирдэ́ лэ́нгэ: “Тумэ́ на сан Мирэ́ мануша́,” акана́ одо́й пхэнэ́на лэ́нгэ: “Тумэ́ сан чхавэ́ джидэ́ Дэвлэ́скирэ.”

Isajos 60:21

Саро́ тыро́ народо явэ́ла чачуно́, пэ сарэ́ бэрша́ прилэ́ла пхув сыр мэкно́ миштыпэ́н – дава́ исын отбарипэн, со Мэ барьякирдём, Мирэ́-вастэнгиро рэ́ндо; саро́ дава́ явэ́ла, соб (кай) тэ шарэ́н Ман.

Isajos 43:21

Дава́ народо Мэ создыём ваш Пэ́скэ; ёв дэ́ла паты́в Ма́нгэ.

Isúso 10:12

Ису́со ракирдя́ кэ Рай Дэвэ́л дрэ дова́-паць дывэ́с, дро саво́ отдыя́ Рай Дэвэ́л Амореёс дрэ васта́ Израилёскэ, ке́ли домардя́ лэн дро Гавао́но, и ёнэ домардэ́ сыс анги́л Израилёскирэ-чхавэ́нгиро якха́, и пхэндя́ анги́л Израильтянэндэ: “Тэрдёв, кхам, пэ Гавао́но, и чхон, пэ до́ло Аиалоноскиро!”

Osija 12:4

Чачо́, ёв спробиндя зорья Янголоса, и ёв пиризорьякирдя Лэс; ёв рондя́ и ёв родыя бахтякирибэ́н Лэ́стыр. Ёв, Дэвэ́л, латхя́ лэс дрэ Вефи́лё и одо́й Ёв ракирдя́ амэ́нца.

Ереме́ё 31:9

Ёнэ гинэ́ роибнаса, и Мэ лыджа́ва лэн мангипнэнца. Мэ джа́ва анги́л лэ́ндэ пашы́л панитка рэ́ки (лэня́) пир маму́й дром, соб (кай) ёнэ тэ на обштавэнпэ. Пал-дова́ со Мэ сом Дад Израилёскиро, и Ефре́мо исын Миро англатуно́ чхаворо́.

Isajos 64:8

Нэ какана́, Раё Дэ́вла, Ту сан амаро́ Дад; амэ сам ґлэя (бла́та), савья́тыр кэрэ́на кхорэ́, а Ту – Одова́, Кон создыя́ амэн; сарэ́ амэ – Тырэ́-вастэнгири буты́.

Isajos 43:15

Мэ сом Рай Дэвэ́л, тумаро́ Свэ́нто, Кодова́, Кон создыя́ Израилё, тумаро́ Кра́ли.

Isajos 43:7

кажнонэс, кон кхарэ́лапэ Мирэ́ лавэ́са, конэ́с Мэ создыём ваш Миро барипэ́н, конэ́скэ Мэ дыём джиибэ́н.”

Isajos 43:3

Пал-дова́ со Мэ сом Рай Дэвэ́л, тыро́ Дэвэ́л, Свэ́нто Израилёскиро, Зракхибнари тыро́; Мэ Еги́пто, Ефиопия, Савея (Шэба) отдыём пал ту́тэ, соб (кай) тэ выкинав тут.

Džiibén 32:26

И пхэндя́: “Отмэк Ман; пал-дова́ со яця́ злокицо.” О Яково пхэндя́: “На отмэка́ва Тут, анги́л дова́, сыр Ту бахтякирэса ман.”

2 Коринфянэнгэ 6:18

и Мэ ява́ва ваш тумэ́нгэ и тумэ́ явэ́на мирэ́ чхавэ́ и чхая́, – ракирэ́ла Рай Дэвэ́л Сарэзорья́киро.”

Дание́лё 2:18

соб (кай) ёнэ мангнэ́ ла́ска болыбна́скирэ Дэвлэ́стыр пал дасаво гарадо́ чачипэ́н, соб (кай) о Дание́лё лэ́скирэ малэнца тэ на хасён сарэ́нца явирэнца годыпнаскирэнца дро Вавило́но.

Езэкилё 39:7

И сыкава́ва Мэ Миро свэ́нто лав машки́р Миро народо, Израилё, Мэ на дава́ бутэды́р, соб (кай) тэ магирэ́н Миро свэ́нто лав, и ґалёна народы, со Мэ сом Рай Дэвэ́л, Дэвэ́л, Свэ́нто пэ Израилё.

Ереме́ё 3:19

И пхэндём Мэ, Рай Дэвэ́л: ‘Сыр Мэ прилава тумэн сыр Мирэ́ чхаворэ́н и Мэ да́ва тумэ́нгэ лачхи́ пхув, най шукарэдыр миштыпэ́н сарэ́ манушэ́нгирэ нацые́ндыр!’ – и ишчо (инкэ́) Мэ пхэндём: ‘Тэды тумэ́ явэ́на тэ кхарэ́н Ман ‘Амаро́ Дад’, и тумэ́ на отджана криг Ма́ндыр.

Isajos 19:25

сави́ бахтякирэ́ла Рай Дэвэ́л, болыбна́скирэ-янголэ́нгиро и пхэнэ́ла: “Бахтякирдо́ исын Миро народо – Египтя́ни, и Мирэ́ вастэнгиро рэ́ндо – Асирия, и Миро мэкно́ миштыпэ́н – Израилё.”

Ереме́ё 31:1

“Дро долэ́ дывэса́’, – ракирэ́ла Рай Дэвэ́л,’ – Мэ ява́ва Дэвэ́л ваш сарэ́ кхэри́тка ро́ды (пле́ми) Израилёстыр и ёнэ явэ́на Мирэ́ мануша́.”

Сэндарьенгири Лылвари́ 16:23

Филистимлянэнгирэ хулая́ скэдынэ́пэ, соб (кай) тэ яндэн баро́ свэ́нто яныбэ́н Дагоноскэ, пэскирэскэ дэвлорэскэ, и тэ лошалён (тэ повеселинэнпэ), и пхэндлэ́: “Дэвэ́л амаро́ отдыя́ Самсонос, вэргос амарэс, дрэ амарэ́ васта́.”

Isajos 8:19

И ко́ли пхэнэ́на тумэ́нгэ: “Джа́ кэ одолэ́, кон выкхарэла мулэн, кон исын човахано, кон зумавэла”, – тэ́ньчи тумэ́ пхэнэ́н: “Ци на трэй, соб (кай) народо тэ родэ́л пэ́скирэ Дэвлэ́с? Ци пхучэна мулэ́ндыр пал джидэ́ манушэ́ндэ?”

Isajos 44:2

Адя́кэ ракирэ́ла Рай Дэвэ́л, Саво́ создыя́ тут, Саво́ подрикирэлас тут да́кирэ лочовя́тыр: ‘На дар, Миро писха́ри, Яково, на дар, дро́го Израилё, саво́ Мэ выкэдыём.

Isajos 45:10

Бида одолэ́скэ, кон пхэнэ́ла пэ́скирэ дадэ́скэ: “Со́скэ ту дыя́н ма́нгэ джиибэ́н?”, а да́кэ ци пхэнэ́ла ёв: “Со́скэ ту бияндян ман?”

Isajos 54:5

Кодова́, Кон создыя́ тут, исын тыро́ ром; Рай Дэвэ́л, болыбна́скирэ-янголэ́нгиро исын Лэ́скиро лав; Свэ́нто Израилёскиро тут выкинэла; Ёв кхарлапэ сарэ́-пхувья́кирэ Дэвлэ́са.

Isajos 43:1

Акана́ адя́кэ ракирэ́ла Рай Дэвэ́л, Саво́ создыя́ тут, Яково, и Саво́ дыя́ джиибэ́н ту́кэ, Израилё: “На дар, пал-дова́ со Мэ выкиндём тут, кхардём тут тырэ́ лавэ́са, ту сан Миро.

Isajos 63:16

Ту сан Екх амаро́ Дад Дэвэ́л; пал-дова́ со Авраа́мо на джинэ́ла амэн, Израилё на приджинэла амэн пал пэ́скирэ манушэ́ндэ. Ту, Раё Дэ́вла, сан амаро́ Дад, Тыро́ лав векостыр исын дасаво: “Одова́, Кон выкиндя амэн.”