Isajos 44:4 - Библия - Пэ Балтитко Романи чиб (Романэс) 2019

⁴ И явэ́на ёнэ тэ барьён машки́р чар, сыр вербы (ивы) пашы́л пани́.

Biblija - Pe Baltitko Romani čib (Romanes) 2019

⁴ I javéna jone te barjon maškír čar, syr vierby (ivy) pašýl paní.

Isajos 44:4 Referans Kwoze

Isajos 58:11

И Рай Дэвэ́л явэ́ла тэ лыджа́л тут саро́ часо (цы́ро), ко́ли на явэ́на брышында и пхув шутёла, Рай Дэвэ́л чалякирэла тыро́ ило́ и маса́, ту явэ́са сыр шука́р у́нта (садо), сыр ґаны́нг, кай пани́, саво́ николи на шутёла.

Psalmy 1:3

И ёв явэ́ла сыр кашт (дрэ́во), со исын чхудо паш панигвалэ рэ́ки (лэня́), саво́ дэ́ла пэ́скири пхабай дро аплодоскиро уляго (пора). Лэ́скирэ патря (листы) ние́кхвар на зашутёна и саро́, со ёв тэ на кэрэ́л, явэ́ла тэ джал бахтяса.

Езэкилё 17:5

И лыя́ кадалэ́-пхувья́кирэ зяркатыр, и чхурдыя́ пэ зяркакири пхув, пашы́л баро́ пани́, сыр барьякирэна ивакиро кашт.

Apostolengiri Butý 4:4

Бут мануша́, савэ́ шундлэ́ лэ́нгиро пхэныбэ́н, упатя́ндынэ; и манушэ́н, савэ́ лынэ́ тэ патя́н, яця́ буты́р, сыр пандж тысёнцы.

Apostolengiri Butý 5:14

и уса́ буты́р ячэнас мануша́, савэ́ лынэ́ тэ патя́н дрэ Растэ-Дэвлэ́стэ сыр муршэ́н, адя́кэ и джувле́н,

Isajos 61:11

И сыр пхув барьякирэл пэ́скэ чарья́, сыр у́нта (садо) барьякирэ́ла дова́, со дрэ ла́кири пхув чхудэ́, адя́кэ и Рай Дэвэ́л сыкавэ́ла чачипэ́н и паты́в анги́л сарэ́ народы.

Левито 23:40

А пэ пэ́рво дывэ́с лэн пэ́скэ гожонэ вэшэ́стыр рандя́ (вэ́тки), пальмакирэ рандя́ и рандя́ буґлэ-патриненгирэ вэшэ́стыр и верба рэка́тыр (лэня́тыр), и радынэ́нпэ пхэрдэ́с анги́л Растэ-Дэвлэ́стэ, тумарэ́ Дэвлэ́стэ, эфта́ дывэса́.

Ióvo 40:22

[2] Ци явэ́ла дава́ Левиафано бут тэ мангэ́л тут, соб (кай) ту тэ потангинэс Лэс? Ци явэ́ла ёв тэ ракирэ́л ковлэс ту́са?

Ióvo 5:25

И ту явэ́са тэ джинэ́с, со тырэ́ пала́л-явибнаскирэ чхаворэ́ (патомки) явэ́на бут, и тырэ́-родоскирэ чхавэ́ явэ́на ада́кицы бут, кицы́ исын чаринки пэ пхув.

Isajos 48:19

И ро́до б тыро́ тэ явэ́л, сыр пра́хо; выджа́нас бы ту́тыр бут мануша́; на выкхосэласпэ, на хасёлас б тыро́ лав анги́л Ма́ндэ.”