Isajos 44:3 - Библия - Пэ Балтитко Романи чиб (Романэс) 2019

³ Мэ вычхувава пани́ пэ одолэ́стэ, кон древа́н камэ́ла пани́, и барэ́ панинга́ пэ дова́, со вышутия; Мэ вычхувава Миро ду́хо (фа́но) пэ тыро́ кхэри́тко ро́до и бахтякирибэ́н Миро пэ тырэ́ чхаворэндэ, савэ́ ишчо (инкэ́) явэ́на анги́л.

Biblija - Pe Baltitko Romani čib (Romanes) 2019

³ Me vyčhuvava paní pe odoléste, kon drieván kaméla paní, i baré paningá pe dová, so vyšutija; Me vyčhuvava Miro dúho (fáno) pe tyró kherítko ródo i bahtiakiribén Miro pe tyré čhavorende, savé iščo (inké) javéna angíl.

Isajos 44:3 Referans Kwoze

Ioil 2:28

И пало́ (после) дава́ явэ́ла адя́кэ, со Мэ да́ва пхэрдэ́с Миро Ду́хо кажнонэ́ лочакэ (плотякэ); тумарэ́ чхавэ́ и тумарэ́ чхая́ явэ́на тэ ангилпхэнэн, тумарэ́ пхуранэ́ мануша́ явэ́на тэ дыкхэ́н сунэ́, и тумарэ́ тэрнэ́ мануша́ явэ́на тэ дыкхэ́н дыкхибэна.

Apostolengiri Butý 2:17

“И дрэ палатунэ́ (последня) дывэса́, – ракирэ́ла Дэвэ́л, – Мэ чхува́ва Миро Ду́хо (Фа́но) пэ кажно лоч (плоть), тумарэ́ чхавэ́ и чхая́ явэ́на тэ ангилпхэнэн и тэрнэ́ мануша́ явэ́на тэ дыкхэ́н дова́, со Дэвэ́л дэ́ла лэ́нгэ, а пхурэ́ мануша́ явэ́на тэ дыкхэ́н сунэ́;

Isajos 59:21

“Акэ, исын Миро Завето лэ́нца, – ракирэ́ла Рай Дэвэ́л: Миро Ду́хо (Фа́но), саво́ исын пэ ту́тэ и Мирэ́ лава́, савэ́ чхудём дрэ тырэ́ ушта́, на отджана тырэ́ уштэндыр, на отджана тырэ́ чхаворэндыр, и на отджана лэ́нгирэ-чхаворэнгирэ уштэндыр,” – ракирэ́ла Рай Дэвэ́л, николи на отджана.

Pritčy 1:23

Рисён мо́са кэ мэ, ке́ли мэ бангякирава холямэс тумэн: акэ, мэ выпхурдава миро ду́хо (фа́но) пэ тумэ́ндэ, мэ кэра́ва адя́кэ, соб (кай) тумэ́ тэ джинэ́н мирэ́ лава́.

Sykadyipén 21:6

И Ёв пхэндя́ ма́нгэ: “Кэрдя́пэ кэ ко́нцо (яго́ро) (сполниндяпэ). Мэ сом Альфа и Омега, Англыпэ́н и Ко́нцо (Яго́ро). Одолэ́скэ, конэ́стэ исын смэга (жажда), Мэ да́ва тэ пьел джиибна́скирэ-панё́скирэ ґанынгорьятыр би ловэнгиро.

Apostolengiri Butý 2:39

Пал-дова́ со пал дава́ грэхэнгиро отмэкибэн ґара́ сыс дыно́ лав тумэ́нгэ, чхавэ́нгэ тумарэнгэ и сарэ́нгэ, адя́кэ-паць и одолэ́нгэ, кон дживэ́ла дур тумэ́ндыр, конэ́с кхарэ́ла кэ Пэ Рай Дэвэ́л амаро́.”

Заха́рия 12:10

Нэ пэ кхэр Давидо́скиро и пэ Ерусалимо́скирэ манушэ́ндэ Мэ чхува́ва бахталыпнаскиро и мангипаскиро ду́хо (фа́но), и ёнэ дыкхэ́на пэ Лэ́стэ, Конэ́с пхусадэ́, и ёнэ лэ́на тэ ровэ́н пал Лэ́стэ, сыр пал екхорэстэ чхавэ́стэ и лэ́на тэ тангинэн пал Лэ́стэ, сыр тангинэн пэрвонэ́ чхаворэс.

Езэкилё 39:29

Мэ на ява́ва тэ закэрав лэ́ндыр Миро муй, пал-дова́, со Мэ чхува́ва Миро ди пэ Израилёскиро кхэр”, – ракирэ́ла Рай Дэвэ́л, Дэвэ́л.

Isajos 32:15

Кэ дова́ дывэ́с, ко́ли чхувэ́лапэ пэ амэ́ндэ Ду́хо (Фа́но) упралэстыр и чхучи́ пхув пирикэрлапэ дрэ у́нта (садо), а у́нта (садо) на явэ́на тэ прилэ́н (тэ гинэн) пал вэш.

Apostolengiri Butý 10:45

И Юдытка дэвлы́тка, савэ́ явнэ́ Пэтриса, дивиндлэ́пэ, со Свэ́нто Ду́хо (Фа́но) гия́ тэлэ́ и пэ Наюдэ́ндэ;

Psalmy 107:35

Ёв пирискирэла шукэ́ пхувья́ дрэ зеро (озеро) и шуки́ пхув дрэ панескири ґанынгори (крыница).

Isajos 41:17

Ке́ли чорорэ́ и бо́ги (мануша́ дрэ трэ́бима) явэ́на тэ родэ́н пани́, и нанэ пани́, и лэ́нгирэ чиба́ (чибья́) явэ́на тэ шутён трушатыр (смэгатыр), то Мэ, Рай Дэвэ́л, ява́ва тэ шунав лэн; Мэ Дэвэ́л Израилёскиро, на мэкава лэн.

Ioil 3:18

И явэ́ла адя́кэ дро дова́ дывэ́с, со нэви́ мол (вино) явэ́ла тэ тхадэл бэргэндыр, и тхуд явэ́ла тэ чхувэлпэ бэргицэндыр, и панескирэ ровицы (хохоёрэ́) дрэ Юдэ́я явэ́на пхэрдэ́ пане́са, а фонтано (фолахар) явэ́ла тэ чхувэ́л пхэрдэ́с пани́ Ра́скирэ-Дэвлэ́скирэ Кхэрэскир и ёв явэ́ла тэ дэл пани́ пэ до́ло Ситимо.

Apostolengiri Butý 2:33

Дэвэ́л ґаздыя́ Лэс Пэ́скирэ най зоралэды́р вастэ́са, и Ёв прилыя́ Лэ́стыр Свэ́нто Ду́хо (Фа́но), пал саво́ дыя́ лав Дад; Дэвэ́л кэрдя́ дова́, со тумэ́ какана́ шунэ́на и дыкхэ́на.

Езэкилё 34:26

Мэ бахтякирава лэн и пхувья́, савэ́ исын пашы́л Мири́ бэ́ргица; Мэ ява́ва тэ бичхавав брышы́нд, ко́ли трэй, кадалэ́ явэ́на бахтякирибнаскирэ брышында.

Isajos 61:9

И ґалёна машки́р Наюды́тка народы пал ро́до лэ́нгиро, лэ́нгирэ чхаворэ́н ґалёна машки́р ро́ды; сарэ́, кон дыкхэ́ла лэн, явэ́на тэ джинэ́н, со ёнэ исын ро́до, саво́ бахтякирдя́ Дэвэ́л.

Sykadyipén 22:17

Ду́хо (Фа́но) и тэрны́ пхэнэ́на: “Яв!” И мэк о одова́, кон шунэ́ла, тэ пхэнэ́л: “Яв!” И мэк одова́, конэ́стэ исын смэ́га, тэ пьел джиибна́скиро пани́ би ловэнгиро.

Isajos 48:21

Ёв лыджа́ла лэн пэ чхучэ́ пхувья́, а ёнэ тэ пьен на камэ́на. Ёв дэ́ла лэ́нгэ пани́ барэстыр; Ёв пхагирэ́ла бэ́рга и пани́ чхувэ́лапэ.

Isajos 65:23

На явэ́на тэ кэрэ́н буты́ ивья́ (дармэс), на явэ́на тэ биянэн чхаворэ́н пэ мэнька, пал-дова́ со явэ́на родоса, бахтякирдэ Дэвлэ́стыр, и лэ́нгирэ чхаворэ́ лэ́нца.

Psalmy 63:1

Давидо́скиро Пса́лмо, ке́ли Ёв сыс пэ чхучи́ Пхув кэ Юдэ́я

Isajos 49:10

На явэ́на ёнэ тэ бокхалён, на явэ́на ёнэ би панескиро (трушалэ), кхам лэн на пэкэла; Кодова́, Кон тангинэла (жалинэла) лэн, лыджа́ла лэн и янэ́ла кэ пани́.

Isajos 32:2

Кажно лэ́ндыр явэ́ла сыр зракхибэ́н балвалятыр, сыр зракхибэ́н брышындэстыр, сыр пани́ пэ шуки́ (чхучи́) пхув, сыр бэ́рга, сави́ закэрэла кхамэстыр чхучи́ пхув.

Матфеё 12:43

Ке́ли на́лачхо ду́хо (фа́но) джа́ла яври́ манушэ́стыр, тэды ёв псирэ́ла пир бипанескирэ штэ́ты, родэ́ла штэ́то тэ откхинёл и на латхэ́ла.

Ióvo 5:25

И ту явэ́са тэ джинэ́с, со тырэ́ пала́л-явибнаскирэ чхаворэ́ (патомки) явэ́на бут, и тырэ́-родоскирэ чхавэ́ явэ́на ада́кицы бут, кицы́ исын чаринки пэ пхув.

Isajos 48:19

И ро́до б тыро́ тэ явэ́л, сыр пра́хо; выджа́нас бы ту́тыр бут мануша́; на выкхосэласпэ, на хасёлас б тыро́ лав анги́л Ма́ндэ.”

Isajos 55:1

“Кон древа́н камэ́ла тэ пьел (исын трушало), мэк тэ джал кэ пани́! Ко́ли нанэ тумэ́ндэ ловэ́, усае́кх джа́н, кинэн и хан! Кинэн биловэнгиро мол (вино) и тхуд!

Езэкилё 36:27

И Мэ чхува́ва дро тумэ́ндэ Миро ду́хо (фа́но), Мэ кэдава дова́, со тумэ́ явэ́на тэ псирэ́н пир Мирэ́ припхэныбэна́; тумэ́ явэ́на тэ кэрэ́н пир Мирэ́ лава́.

Езэкилё 47:8

И пхэндя́ ёв ма́нгэ: “Дава́ пани́ тхадэ́ла пир васточнонэ-пхувья́кири риг, джа́ла пэ фэ́лда, а сыр заджа́ла дро мо́рё (дэрья́в), и кэрэ́лапэ лэ́скиро пани́ састякирибнытко (лечэбно).

Osija 10:12

Почхувэн дрэ пхув ваш пэ́скэ пир чачипэ́н; счхинэн тэлэ́ пир лачхэ́-илы́ткима, и ґаздэ́н тумари́ напочхуды фэ́лда; пал-дова́ со исын часо тэ родэ́н Рас-Дэвлэ́с анги́л дова́, сыр Ёв явэ́ла и почхувэла чачипна́са сыр брышындэса пэ тумэ́ндэ.

Mihiejo 5:7

И отячибэн Яково́скирэ манушэ́ндыр явэ́ла машки́р бут манушы́тка на́цыи сы́рбы пахлын (роса) Ра́стыр-Дэвлэ́стыр, сы́рбы спорко брышы́нд пэ чар, савэ́ на явэ́на тэ ужакирэн манушэ́нгирэ (Адамоскирэ) чхавэ́н, савэ́нца на явэ́ла тэ хулаинэ́л ману́ш.

Isajos 27:3

Мэ, Рай Дэвэ́л, ракхава лэс; кажно мэнта (минута) Мэ да́ва лэ́скэ пани́; раты́ и дывэсэ́ Мэ ракхава лэс, соб (кай) нико́н одори́к тэ на джал.

Ioil 2:27

И тумэ́ явэ́на тэ джинэ́н, со Мэ сом машки́р Израилё и со Мэ сом Рай Дэвэ́л, тумаро́ Дэвэ́л, и буты́р нанэ явирэ Дэвлэ́с. Мирэ́ манушэ́н буты́р ние́кхвар на ладжакирэна.

Ioil 3:1

Пал-дова́ со, акэ, дрэ долэ́ дывэса́ и дро дава́ часо, ке́ли Мэ яна́ва палэ пленонэ манушэ́н Юдэя́тыр и Ерусалимо́стыр,