Isajos 43:5 - Библия - Пэ Балтитко Романи чиб (Романэс) 2019

⁵ На дар, дыкх, Мэ сом ту́са; вастоко́стыр Мэ яна́ва тыро́ кхэри́тко ро́до, западостыр скэда́ва тут.

Biblija - Pe Baltitko Romani čib (Romanes) 2019

⁵ Na dar, dykh, Me som túsa; vastokóstyr Me janáva tyró kherítko ródo, zapadostyr skedáva tut.

Isajos 43:5 Referans Kwoze

Яви́р Зако́но 30:3

тэды Рай Дэвэ́л, Дэвэ́л тыро́ рискирэ́ла тырэ́ манушэ́н плено́стыр, и потангинэла тут, и нэвэ́стыр скэдэ́ла тут сарэ́ манушэ́ндыр (народэндыр), машки́р савэ́ндэ Ёв росчхудя́ тут тэ дживэ́л Рай Дэвэ́л, Дэвэ́л тыро́.

Luka 13:29

И явэ́на мануша́ вастоко́стыр и западостыр, паш-ратитконэ́ и паш-дывэсытконэ́ ригэ́ндыр, и ёнэ явэ́на тэ бэшэ́н пал сками́нд дро Дэвлэ́скиро Кралипэ́н дро Болыбна́скиро Раё.

Isajos 49:12

Акэ, явэ́на мануша́ дурипнастыр, явэ́на паш-ратятыр (северостыр) и морёстыр (дэрьявэстыр), а яви́р явэ́на Синимоскиро пхувья́тыр.”

Isajos 44:2

Адя́кэ ракирэ́ла Рай Дэвэ́л, Саво́ создыя́ тут, Саво́ подрикирэлас тут да́кирэ лочовя́тыр: ‘На дар, Миро писха́ри, Яково, на дар, дро́го Израилё, саво́ Мэ выкэдыём.

Isajos 43:2

Ко́ли ту явэ́са тэ пириджас пир пани́, Мэ сом ту́са; ци пир рэ́ки (лэня́) – ёнэ тут на тасадякирэна; подджаса кэ яг – ёй тут на схачкирла.

Заха́рия 8:7

Адя́кэ ракирэ́ла янголэ́нгирэ-болыбна́скиро Рай Дэвэ́л: ‘Акэ, Мэ выракхава Мирэ́ манушэ́н вастокоскирэ рига́тыр и рига́тыр, кай пэрэ́ла кхам;

Isajos 41:14

“На дар, ту сан кирмо Яково́скиро, тумэ́, на́бут, мануша́лэ Израилёскирэ! Мэ подава васт ту́кэ”, – ракирэ́ла Рай Дэвэ́л, и Мэ сом тыро́ Выкиныбнаскиро (Выракхибнаскиро), Свэ́нто Израилёскиро.

Isajos 41:10

На дар, пал-дова́ со Мэ сом ту́са: на нашадёв дро ду́хо (фа́но), пал-дова́ со Мэ сом Дэвэ́л тыро́. Мэ ява́ва тэ зорьякирав тут, и, Мэ подава васт ту́кэ, Мэ подрикирава тут Мирэ́ чачипнаскирэ чачэ́ вастэ́са.”

Isajos 41:8

Нэ ту, Израилё, сан Миро писха́ри, Яково, конэ́с Мэ выкэдыём, Аврамос, Мирэ́ малэс (другос).

Psalmy 106:47

Зра́кх амэн, о Раё Дэ́вла, амаро́ Дэвэ́л и скэ́дэ амэн кхэтанэ́ сарэ́ Наюдэнгирэ нацые́ндыр, соб (кай) тэ парикирас и тэ вышарас зоралэ́с Тыро́ свэ́нто лав,

Joannostir 10:16

Исын Ма́ндэ и яви́р бакрэ́, савэ́ на далэ́ грэдатыр, и одолэ́н трэй Ма́нгэ тэ янав: и ёнэ явэ́на тэ шунэ́н Мири́ зан, и явэ́ла екх скэдыибэ́н и екх Чхупна́ри.

Mihiejo 2:12

Нэ Мэ, чачэс, кэдава кхэтанэ́ сарэ́н тумэн, о Яково, Мэ чачипна́са скэда́ва ячкирдэ́ манушэ́н Израилёскирэн; Мэ чхува́ва кхэтанэ́ (кхэтанякирава) лэн сыр бакрэ́н дрэ Восора (Боцра) сы́рбы стада машки́р лэ́нгирэ чарьитка фэ́лды: ёнэ явэ́на зоралэ́с тэ дэн го́дла, пал-дова́ со лэн ада́кицы бут мануша́ исын.”

Psalmy 107:3

и скэдыя́ кхэтанэ́ Ёв пхувьендыр: чачэ́ рига́тыр (вастоко́стыр) и зэрвонэ́ / пал-панитконэ́ (западо́стыр), паш-ратитконэ́ (севернонэ) рига́тыр и паш-дывэсытконэ́ (южнонэ) рига́тыр.

Isajos 8:10

Задуминэн вари-со тэ кэрэ́н, нэ задуминыбэн роспхагирэлапэ, ракирэ́н лав, нэ ничи́ на выджа́ла далэ́стыр, пал-дова́ со Дэвэ́л исын амэ́нца!”

Isajos 41:9

Ту, конэ́с Мэ выкэдыём пхувья́кирэ ягорэндыр, и конэ́с кхардём Мэ кэ пэ самонэ дуратунэ́ штэтэ́ндыр, и конэ́скэ Мэ пхэндём: ‘Ту сан Миро писха́ри,’ Мэ выкэдыём тут и на дурьякирдём тут криг.”

Isajos 43:1

Акана́ адя́кэ ракирэ́ла Рай Дэвэ́л, Саво́ создыя́ тут, Яково, и Саво́ дыя́ джиибэ́н ту́кэ, Израилё: “На дар, пал-дова́ со Мэ выкиндём тут, кхардём тут тырэ́ лавэ́са, ту сан Миро.

Isajos 49:18

Ѓаздэ тырэ́ якха́, подыкх пир рига́, – сарэ́ ёнэ скэдэ́напэ, джа́на кэ ту. Тэ джива́в Мэ, – ракирэ́ла Рай Дэвэ́л: – лэ́нца сарэ́нца ту укэдэсапэ, сыр гожонэ урибнаса; укэдэсапэ лэ́нца, сыр тэрны́.

Isajos 54:3

Ту буглёса пэ сарэ́ рига́; чхаворэ́ тырэ́ залэна дро пле́но народы, и ёнэ явэ́на тэ дживэ́н дрэ ячадэ фо́рья.

Isajos 54:7

Мэ ячкирдём пэ на́бут тут, нэ барэ́ тангипнаса (жалимаса) Мэ прилава тут палэ.

Isajos 61:9

И ґалёна машки́р Наюды́тка народы пал ро́до лэ́нгиро, лэ́нгирэ чхаворэ́н ґалёна машки́р ро́ды; сарэ́, кон дыкхэ́ла лэн, явэ́на тэ джинэ́н, со ёнэ исын ро́до, саво́ бахтякирдя́ Дэвэ́л.

Ереме́ё 23:8

нэ: ‘Тэ явэ́л джидо́ Рай Дэвэ́л, Саво́ вылыджия́ и яндя́ палэ ро́до Израилёскирэ кхэрэ́стыр паш-ратитконэ́ (севернонэ) рига́тыр, и сарэ́ тхэмэндыр, кэ савэ́ Мэ вытрадыём лэн. И ёнэ ячэ́напэ (явэ́на) тэ дживэ́н пэ лэ́нгири пхув.”

Ереме́ё 29:14

и Тумэ́ латхэ́на Ман’, – ракирэ́ла Рай Дэвэ́л, – и Мэ яна́ва палэ тумэн тумарэ́ плено́стыр: и Мэ скэда́ва тумэн сарэ́ Наюдытконэ́ нацые́ндыр и сарэ́ штэтэ́ндыр, кэ савэ́ Мэ традыём тумэн’, – ракирэ́ла Рай Дэвэ́л, – ‘и Мэ яна́ва тумэн палэ пэ штэ́то’, савэ́стыр Мэ тумэн лыджиём дро пле́но.

Ереме́ё 42:11

На дарэ́н Вавилоно́скирэ крали́стыр, савэ́стыр тумэ́ дарэ́на, на дарэ́н лэ́стыр’, – ракирэ́ла Рай Дэвэ́л, – пал-дова́ со Мэ сом тумэ́нца тэ зракхав тумэн и тэ выракхав тумэн лэ́скирэ вастэ́стыр.

Ереме́ё 51:46

Мэк тумаро́ ило́ тэ на замэрэл, и мэк тумэ́ тэ на дарэ́н мавлынятыр (малватыр), со явэ́ла шундлы пэ пхув; мавлы́н явэ́ла екх бэрш, и пало́ дова́ пэ яви́р бэрш. Пэ пхув явэ́на нахратэс тэ кэрэ́н мануша́, екх тхэмэскиро барыдыро́ явэ́ла проти явирэ́стэ.

Ioil 3:7

Акэ, Мэ ґазда́ва лэн одолэ́ штэто́стыр, кэ саво́ тумэ́ бикиндлэ лэн, и Мэ рискира́ва палэ сыр отдыибэ́н дова́, со тумэ́ кэрдэ́, пэ тумаро́ шэро́.

Ереме́ё 3:18

Дрэ долэ́ дывэса́ мануша́ Юдэя́кирэ кхэрэ́стыр явэ́на кэ Израилёскиро кхэр, и ёнэ явэ́на кхэтанэ́ тэ джа́н пхувья́тыр, со исын пэ паш-рати́тко (шылалы) риг кэ пхув, со Мэ дыём тумарэ́ дадэ́нгэ сыр мэкно́ миштыпэ́н.

Ереме́ё 23:7

“Палдава́, акэ, явэ́на дывэса́’, – ракирэ́ла Рай Дэвэ́л – со буты́р на явэ́на тэ ракирэ́н: ‘Тэ явэ́л джидо́ Рай Дэвэ́л, Саво́ вылыджия́ Израилёскирэ чхавэ́н Египто́стыр;