Isajos 43:3 - Библия - Пэ Балтитко Романи чиб (Романэс) 2019

³ Пал-дова́ со Мэ сом Рай Дэвэ́л, тыро́ Дэвэ́л, Свэ́нто Израилёскиро, Зракхибнари тыро́; Мэ Еги́пто, Ефиопия, Савея (Шэба) отдыём пал ту́тэ, соб (кай) тэ выкинав тут.

Biblija - Pe Baltitko Romani čib (Romanes) 2019

³ Pal-dová so Me som Raj Devél, tyró Devél, Svénto Izrailjoskiro, Zrakhibnari tyró; Me Jegípto, Jefiopija, Saveja (Šeba) otdyjom pal túte, sob (kaj) te vykinav tut.

Isajos 43:3 Referans Kwoze

Isajos 60:16

Ту явэ́са тэ пьес кэ чалыпэн народоскиро тхуд; и тэ пьес (тэ сосинэс) крали́скирэ колынэндыр, и ґалёса, со Мэ сом Рай Дэвэ́л, тыро́ Зракхибнари, Одова́, Кон выкиндя тут, Зорало́ Яково́скиро.

Isajos 45:15

Чачо́, Ту сан, Дэвэ́л гарадо́? Дэвэ́л Израилёскиро, Зракхибнари.

Vygiiben 20:2

“Мэ сом Рай Дэвэ́л, тыро́ Дэвэ́л, Саво́ вылыджия́ тут Египто́скирэ пхувья́тыр, писхарибнаскирэ кхэрэ́стыр;

Isajos 49:26

И одолэ́, кон пэ ту́тэ ґаздыя́пэ, явэ́на тэ хан пэ́скири лоч (плоть); и явэ́на тэ пьен пэ́скиро рат, сыр тэрны́ мол (вино), и кажно лоч (плоть) ґалёла, со Мэ сом Рай Дэвэ́л, Зракхибнари тыро́, Саво́ Тут выкиндя, Зорало́ Яково́скиро.”

Pritčy 21:18

Фуй ману́ш явэ́ла сыр выкиныбэ́н пал чачунэстэ, и напатяибнаскиро пал дэвлытконэстэ.

Isajos 45:21

Дэн тэ джинэ́н манушэ́нгэ и пхэнэ́н: “Кон пхэндя́ дава́ дро ґаратуно часо, кон ангилпхэндя дава́? Ци на Мэ, Рай Дэвэ́л, и нанэ явирэ Дэвлэ́с апри́ч Ма́ндэ, а исын екх Дэвэ́л – Мэ сом Дэвэ́л чачуно́, Саво́ зракхэ́ла и нанэ никонэ́с явирэ́с апри́ч Ма́ндэ.

Juda 1:25

Екхэ́скэ Дэвлэ́скэ, амарэ́ Зракхибнарискэ пир Христосо́стэ, амарэ́ Ра́скэ-Дэвлэ́скэ тэ явэ́л сла́ва, барипэ́н, зоралыпэ́н и право ададывэ́с и пэ сарэ́ ве́ки. Ами́нь.

Osija 13:4

Нэ Мэ сом Рай-Дэвэ́л, тыро́ Дэвэ́л Египто́скирэ пхувья́тыр, ту́кэ на трэй тэ джинэ́с явирэ дэвлорэн апри́ч Ма́ндэ: пал-дова́ со нанэ ние́кх апри́ч Ма́ндэ, Саво́ зракхэ́ла.

Isajos 30:11

Зджан дромэ́стыр, уджан дромэ́стыр, залэн амарэ́ якхэ́ндыр Свэнтонэ́-Израилёскирэ Дэвлэ́с.”

Pritčy 11:8

Чачипна́скиро исын зракхно бидатыр, а фуй ману́ш пэрэ́ла одори́к пэ штэго лэ́скиро.

Isajos 41:14

“На дар, ту сан кирмо Яково́скиро, тумэ́, на́бут, мануша́лэ Израилёскирэ! Мэ подава васт ту́кэ”, – ракирэ́ла Рай Дэвэ́л, и Мэ сом тыро́ Выкиныбнаскиро (Выракхибнаскиро), Свэ́нто Израилёскиро.

Isajos 20:3

И пхэндя́ Рай Дэвэ́л: “Сыр Миро писха́ри (рабо) Исаё псирэлас нанго и пиранго трин бэрш, соб (кай) тэ сыкавэ́л и тэ дэл ангилпхэныбэ́н пал Еги́пто и Эфиопия,

Vygiiben 10:7

Тэды фараоно́скирэ писха́рья пхэндлэ́ лэ́скэ: “Ци ґара́ (длу́гэс) ёв явэ́ла тэ мэнчынэл амэн? Отмэк адалэ́ манушэ́н, мэк ёнэ тэ кэрэ́н паты́в Ра́скэ-Дэвлэ́скэ, пэ́скирэ Дэвлэ́скэ; нау́што ту на дыкхэ́са, со Еги́пто хасёла?”

Džiibén 10:7

Хушоскирэ чхавэ́ сыс: Сева, Хавила, Савта, Раама и Савтеха. Рамоскирэ чхавэ́: Шэва и Дедано.

Левито 11:44

пал-дова́ со Мэ сом Рай Дэвэ́л, Дэвэ́л тумаро́: свэнцякирэн пэс и явэ́н свэ́нта, пал-дова́ со Мэ сом Свэ́нто, и на магирэ́н тумарэ́ дия́ вари-савэ́ мурдалэса (жывотнонэса), саво́ ползынэла пири́ пхув,

Psalmy 72:10

Фарсисоскирэ кра́лья, и савэ́ исын пир островы (джипа́), янэ́на дань, а Арабиякирэ и Абисиниякирэ кра́лья чхувэ́на анги́л да́ры:

Isajos 19:20

Ёв явэ́ла сыр ґерты́к (знаме́ниё) и сыр досыкаибэн пал Растэ-Дэвлэ́стэ, янголэ́нгирэ-болыбнаскирэстэ, пэ пхув Египто́скири; пал-дова́ со ёнэ прикхарэна Рас-Дэвлэ́с, ко́ли явэ́на вэ́рги, и Ёв бичхавэ́ла лэ́нгэ зракхибнарис и затэрдыпнаскирэс (застэмпникос) и зракхэ́ла лэн.

Isajos 42:8

Мэ сом Рай Дэвэ́л, дава́ исын Миро лав, и Мэ на дава́ паты́в Мирэ́ явирэ манушэ́нгэ, и барипэ́н Миро Мэ на дава́ идолэ́нгэ.

Isajos 43:11

Мэ, Мэ сом Рай Дэвэ́л и нанэ явирэ́с Зракхибнарис апри́ч Ма́ндэ.

Isajos 45:14

Адя́кэ ракирэ́ла Рай Дэвэ́л: “Египтя́ни, савэ́ кэрэ́на буты́, и Ефиопляни, савэ́ бикнэна, и Савейцы, вучэ́ мануша́, явэ́на тырэ́ манушэ́нца; ёнэ пал ту́тэ явэ́на тэ джа́н пхандлэ зандирьенца (цэпэнца), явэ́на, пэрэ́на пэ чанга́, лэ́на тэ мангэ́н тут, ракири́: “Екх (фэ́ни) ту́тэ исын Екх Дэвэ́л, и явирэ нанэ Дэвлэ́с.”

Isajos 63:8

Ёв пхэндя́: “Чачо́, ёнэ исын Мирэ́ чхаворэ́, савэ́ на хохавэна”, и Ёв сыс ваш лэ́нгэ Зракхибнариса.

Ереме́ё 14:8

О, Ту сан одова́, Конэ́стыр Израилё ужакирэ́ла лачхипэ́н [зракхибэ́н-р.с.], Ту сан амаро́ Зракхибнари (Зракхибнаскиро) дрэ пхарэ́ дывэса́! Со́скэ Ту сан сы́рбы чу́жо ману́ш пэ амари́ пхув, ци сы́рбы традыпнаскиро (путнико), саво́ рисия́ пэ риг, соб (кай) тэ ячэ́лпэ пэ екх рат?

Ереме́ё 16:21

Палдава́, акэ, Мэ кэра́ва адя́кэ, соб (кай) ёнэ тэ джинэ́н Миро васт и Миро зоралыпэ́н, и ёнэ явэ́на тэ джинэ́н, со Миро лав исын Рай Дэвэ́л.”

Езэкилё 39:7

И сыкава́ва Мэ Миро свэ́нто лав машки́р Миро народо, Израилё, Мэ на дава́ бутэды́р, соб (кай) тэ магирэ́н Миро свэ́нто лав, и ґалёна народы, со Мэ сом Рай Дэвэ́л, Дэвэ́л, Свэ́нто пэ Израилё.

Amoso 9:7

“Ци на кадасавэ́ – сама тумэ́ сан, чхавэ́ Израилёскирэ, сыр чхавэ́ Эфиопиенгирэ?”, – ракирэ́ла Рай Дэвэ́л. “Ци дава́ на Мэ яндём Израилё Египто́скирэ пхувья́тыр, и Филистимлянэн Кафторостыр, и Сириянэн Киростыр?

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.