Isajos 43:12 - Библия - Пэ Балтитко Романи чиб (Романэс) 2019

¹² Мэ ангилпхэндём, и зракхцём и пхэндём пал дава́, а явирэ́с нанэ кэ тумэ́, и тумэ́ – Мирэ́ мануша́, савэ́ допхэнэна, со Мэ – Дэвэ́л, – ракирэ́л Рай Дэвэ́л.

Biblija - Pe Baltitko Romani čib (Romanes) 2019

¹² Me angilphendjom, i zrakhcjom i phendjom pal davá, a javirés nane ke tumé, i tumé – Miré manušá, savé dophenena, so Me – Devél, – rakirél Raj Devél.

Isajos 43:12 Referans Kwoze

Isajos 43:10

А Мирэ́ мануша́, савэ́ допхэнэна, пал чачипэ́н, – пхэнэ́ла Рай Дэвэ́л, – тумэ́ и Миро писха́ри, конэ́с Мэ выкэдыём, соб (кай) тумэ́ тэ джинэ́н и тэ патя́н Ма́нгэ, со дава́ Мэ сом; англэды́р на сыс николи явирэ Дэвлэ́с и на явэ́ла.

Яви́р Зако́но 32:12

адя́кэ-паць екх Рай Дэвэ́л лыджия́ лэс, и на сыс Лэ́са явирэ дэвлорэс.

Isajos 44:8

На дарэ́н, и на трашан: ци на пхэндём Мэ ту́кэ ґара́, ци на ангилпхэндём? И тумэ́ досыкавэна (допхэнэна) пал Ма́ндэ. Ци исын яви́р Дэвэ́л апри́ч Ма́ндэ? Нанэ ни сави́ яви́р ска́ла [нанэ яви́р Дэвэ́л-ю.о.], ни со буты́р Мэ на джина́в.

Isajos 37:20

А акана́, амаро́ Раё Дэ́вла, Дэвэ́л амаро́, зра́кх амэн лэ́скирэ вастэ́стыр, тэ джинэ́н сарэ́ кралипэна́ пэ пхув, со Ту, Раё Дэ́вла, исын екх Дэвэ́л.”

Isajos 37:7

Акэ, Мэ бичхава́ва дрэ лэ́стэ ду́хо (фа́но), со ёв шунэ́ла лав и рисёла пэ пэ́скири пхув и Мэ домарава лэс одо́й куртала́са.’”

Яви́р Зако́но 32:16

Ёнэ холякирэна Лэс явирэ дэвлорэнца и магирипнаса холякирдэ Лэс;

Isajos 45:19

На чораханэ́с Мэ ракиравас, Мэ на ракирдём пэ кало́ (тёмно) пхувья́киро штэ́то; Мэ на ракирдём кэ кхэри́тко ро́до Яково́скиро: “Ивья́ (напра́снэс) тумэ́ Ман родэ́на.” Мэ сом Рай Дэвэ́л, Саво́ ракирэ́ла чачипэ́н и сыкавэ́ла чачипэ́н.

Яви́р Зако́но 32:39

Тумэ́ дыкхэ́на акана́, со дава́ Мэ сом, Мэ – и нанэ Дэвлэ́с (нанэ Дэвэ́л), апри́ч Ма́ндэ: Мэ мулякирава и отджидякирава, Мэ насвалякирава, и Мэ састякирава, и нико́н на зракхэ́ла Мирэ́ вастэ́стыр.

Isajos 55:4

Акэ, Мэ чхудём лэс, соб (кай) ёв тэ досыкавэл (тэ допхэнэл) чачипэ́н народэнгэ, соб (кай) тэ сыклякирэ́л лэн.