Isajos 42:9 - Библия - Пэ Балтитко Романи чиб (Романэс) 2019

⁹ Акэ, кэрдя́пэ дро джиибэ́н, со пхэндлэ́ англэды́р, и нэво́ лав Мэ пхэна́ва; анги́л дова́, сыр ёв кэрэ́лапэ чачипна́са, Мэ откэрава тумэ́нгэ.”

Biblija - Pe Baltitko Romani čib (Romanes) 2019

⁹ Ake, kerdiápe dro džiibén, so phendlé angledýr, i nevó lav Me phenáva; angíl dová, syr jov kerélape čačipnása, Me otkerava tuménge.”

Isajos 42:9 Referans Kwoze

Isajos 43:19

Акэ, Мэ кэра́ва нэви́ буты́, акана́ ёй сыкадёла, ци тумэ́ на камэ́на тэ джинэ́н пал дава́? Мэ кэра́ва дром пэ фэ́лда, рэ́ки (лэня́) пэ чхучи́ пхув.

Joannostir 13:19

Какана́ Мэ ракира́ва тумэ́нгэ: анги́л, сыр дава́ сполнинэлапэ, соб (кай) тумэ́ тэ патя́н, со дава́ сом Мэ.

Isúso 21:45

На яця́пэ ние́кх лав, саво́ на кэрдя́пэ чачипна́са сарэ́ лачхэ́ лавэ́ндыр, савэ́ Рай Дэвэ́л ракирдя́ Израилёскирэ кхэрэ́скэ; саро́ кэрдя́пэ кэ ко́нцо (кэ яго́ро) (сполниндяпэ).

3 Kralip 11:36

А чхавэ́скэ лэскирэскэ екх ро́дыцо, соб (кай) тэ ячэ́лпэ момолы́тко (свети́льнико) Давидо́скиро, Мирэ́ писхарискирэ, дро саро́ джиибэ́н анги́л Ма́ндэ, дро фо́ро Ерусалимо, саво́ Мэ выкэдыём Пэ́скэ, соб (кай) тэ явэ́л одо́й лав Миро.

Apostolengiri Butý 15:18

Векостыр исын джиндлэ́ Дэвлэ́скэ сарэ́ Лэ́скирэ рэ́нды.

Isajos 48:3

Мэ пхэнавас англэды́р (вагэдыр), ґара́ анги́л дава́, сыр саро́ явэ́ла; Мирэ́ уштэндыр выджа́лас лав, и Мэ ангилпхэнавас, и кэравас, ко́ли на ужакирнас, и саро́ дава́ кэрдя́пэ (сыс).

Isajos 48:6

Ту шундя́н; на дыкхи́ пэ саро́ дава́, со исын: ци тумэ́ дава́ на приджинэна? Акана́ Мэ пхэна́ва ту́кэ нэво́ и гарадо́, и ту на джиндян дава́.

Isajos 48:5

Палдава́ Мэ пхэнавас ту́кэ ґара́ (ваго) анги́л дова́, сыр дава́ кэрэласпэ, Мэ сыкававас ту́кэ, соб (кай) ту тэ на пхэнэ́с: ‘Миро идоло кэрдя́ дава́, миро дэвлоро, саво́ васта́ кэрдэ́, припхэндя́, соб (кай) адя́кэ тэ явэ́л.’