Isajos 42:5 - Библия - Пэ Балтитко Романи чиб (Романэс) 2019

⁵ Адя́кэ ракирэ́ла Рай Дэвэ́л, Саво́ создыя́ болыбэ́н и штэ́ты лэ́нгирэ, Саво́ создыя́ пхув ла́кирэ джиибнаса, Саво́ дэ́ла, соб (кай) тэ дживэ́л ла́киро народо, Саво́ дэ́ла ду́хо (фа́но) одолэ́нгэ, кон пир пхув псирэ́ла.

Biblija - Pe Baltitko Romani čib (Romanes) 2019

⁵ Adiáke rakiréla Raj Devél, Savó sozdyjá bolybén i štéty léngire, Savó sozdyjá phuv lákire džiibnasa, Savó déla, sob (kaj) te dživél lákiro narodo, Savó déla dúho (fáno) odolénge, kon pir phuv psiréla.

Isajos 42:5 Referans Kwoze

Isajos 40:22

Ёв исын Одова́, Кон бэшэ́ла упра́л пэ крэнглыпэн пхувья́киро и пэ манушэ́ндэ, савэ́ пэ пхув дживэ́на, и, савэ́ исын сыр кирмэ анги́л Лэ́стэ. Ёв протырдыя́ болыбэ́н, сыр сано похтан, чхудя́ лэн сыр ша́тра.

Isajos 45:12

Мэ создыём пхув и манушэ́с пэ ла́тэ; Мэ – Мирэ́ васта́ протырдынэ болыбэ́н и Мэ дыём припхэныбэ́н кэ сарэ́ болыбны́тка чэргэня́ (болыбнытко халадыбэ́н).

Заха́рия 12:1

Ангилпхэныбэ́н Ра́стыр-Дэвлэ́стыр пало́ Израилё. Адя́кэ ракирэ́ла Рай-Дэвэ́л, Саво́ розбуґлякирдя болыбэ́н, Саво́ кэрдя́ пхув и дыя́ манушэ́скэ ди андрэ́ лэ́стэ, ракирэ́ла:

Ереме́ё 10:12

Ёв создыя́ пхув Пэ́скирэ зорья́са, и Ёв чхудя́ свэ́то Пэ́скирэ годыпнаса, и Ёв роздиньдькирдя (ростырдыя) болыбэ́н Пэ́скирэ годя́са.

Isajos 48:13

Миро васт создыя́ пхув; Миро чачо́ (право) васт протырдыя́ болыбэ́н; ко́ли Мэ кхара́ва лэн, то ёнэ кхэтанэ́ явэ́на.

Isajos 44:24

Адя́кэ ракирэ́ла Рай Дэвэ́л, Саво́ выкиндя тут, и Саво́ создыя́ тут дрэ дакири лочови́: “Мэ сом Рай Дэвэ́л, Саво́ создыя́ саро́, Мэ екхджино́ протырдыём болыбэ́н и Пэ́скирэ зорья́са росчхудём пхув.

Ереме́ё 32:17

“О Раё Дэ́вла, Раё Дэвлалэ! Акэ, Ту создыян болыбэ́н и пхув Пэ́скирэ барэ́ зорья́са и Пэ́скирэ вытырдынэ псикэса, ваш Ту́кэ нисо́ нанэ пхаро́!

Isajos 45:18

Адя́кэ ракирэ́ла Рай Дэвэ́л, Саво́ создыя́ болыбэ́н; Ёв – Дэвэ́л, Саво́ счхудя пхув и дыя́ зор ла́кэ; на ивья́ (напра́снэс) счхудя ла, а соб (кай) тэ дживэ́н пэ ла́тэ; Мэ сом Рай Дэвэ́л и явирэ́с нанэ.

Psalmy 33:6

Болыбэ́н сыс создыно́ Ра́скирэ-Дэвлэ́скирэ лавэ́стыр, болыбна́скиро свэ́то сыс создыно́ пхурдыпнаса Лэ́скирэ мо́стыр.

Ióvo 33:4

Дэвлэ́скиро Ду́хо создыя́ ман, и Сарэзорьякирэрэ Дэвлэ́скиро пхурдыпэн дыя́ джиибэ́н ма́нгэ.

Apostolengiri Butý 17:25

Лэ́скэ на трэй, соб (кай) мануша́ тэ дынаринэ́н (тэ служынэн) Лэ́скэ пэ́скирэ вастэ́нца; Ёв Кокоро́ дэ́ла сарэ́нгэ джиибэ́н и саро́;

Ióvo 12:10

со Лэ́скиро васт рикирэ́ла джиибэ́н пэ кажно (сва́ко) джидо́ ди.

Isajos 40:12

Кон вычхудя́ пани́ пэ́скирэ вастэ́са, выгиндя́ болыбэ́н и пра́хо пхувья́киро, зважындя пэ ублады́тка (весы) бэ́рги и бэ́ргицы пэ ублады́тка чарэ́?

Psalmy 136:6

Лэ́скэ, Кон росчхудя́ пхув упра́л панендыр, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки;

Amoso 9:6

дава́ исын Ёв, Кон кэрдя́ Пэ́скирэ упратунэ коморы пэ болыбэ́н, и Кон зачхудя болыбна́скиро сво́до упра́л пир пхув; Кон прикхарэла паня́ морёскирэ (дэрьявэ́скирэ), и вычхувэла лэн пир сари́ пхув: Рай Дэвэ́л исын Лэ́скиро лав.

Džiibén 2:7

И Рай Дэвэ́л, Дэвэ́л пхувитконэ прахостыр создыя́ манушэ́с, и пхурдыя дрэ лэ́скирэ рутхуня (ноздри) ду́хо (фа́но) джиибна́скиро и яця́ ману́ш джидэ́ деса.

Юдэ́нгэ 1:2

а дрэ далэ́ палатунэ́ (последня) дывэса́ Ёв ракирдя́ амэ́нгэ пир Пэ́скирэ Чхавэ́стэ, Савэс чхудя́ хула́са тэ прилэл Лэ́стыр саро́, и пир Савэ́стэ Ёв создыя́ свэ́то (лот):

Isajos 40:28

Ци ту на джинэ́са, ци ту на шундя́н, со ве́чно исын Рай Дэвэ́л, Саво́ создыя́ пхув, николи на кхинёла, и на нашавэла зор, нэ ту на ґалёса Лэ́скири годы́.

Ióvo 34:14

Ко́ли Ёв фэ́ни тэ думинэл пал Пэ́стэ, и тэ кэдэл криг Пэ́скиро Ду́хо (Фа́но) и Пэ́скиро пхурдыпэн тэ дживэ́н;

Ióvo 27:3

адя́кэ ґара́ (длу́гэс), пака миро ду́хо (фа́но) исын ма́ндэ и Дэвлэ́скиро пхурдыпэн джа́ла мирэ́ рутхунендыр (ноздрендыр),

Дание́лё 5:23

нэ ту ґаздыянпэ проти Растэ-Дэвлэ́стэ болыбнаскирэстэ и кхорэ́ (сасу́ды) Лэ́скирэ кхэрэ́стыр лыджинэ́ кэ ту и ту и тырэ́ тхага́рья, э джувля́ тырэ́ и бисовлахирэ джувля́ тырэ́ пинэ́ лэ́ндыр мол (вино) и ту шардян дэвлорэн рупэ́стыр и сувнака́стыр, харкома́тыр (медятыр), састырэстыр, каштэ́стыр и э барэстыр, савэ́ на дыкхэ́на, на шунэ́на, на ґалёна; а Дэвлэ́с, дрэ Конэ́скиро васт исын тырэ́ пхурдыпэн (дыхиныбэн) и Конэ́стэ исын сарэ́ дрома́ тырэ́, Одолэ́с ту на барьякирдян.

Apostolengiri Butý 17:24

Дэвэ́л, Саво́ создыя́ свэ́то и саро́, со исын дрэ лэ́стэ, Ёв, Саво́ исын Дэвэ́л болыбнаскэ и пхувьякэ; Ёв на дживэ́ла дрэ кхангирья, савэ́ кэрдэ́ манушы́тка васта́.

Džiibén 1:1

Англэды́р сарэ́стыр Дэвэ́л создыя́ болыбэ́н и пхув.

Isajos 37:16

“Раё Дэ́вла, болыбна́скирэ-янголэ́нгиро, Дэвэ́л Израилёскиро, Саво́ исын бэшто́ пэ херувимы! Ту сан екх Дэвэ́л пэ сарэ́ пхувитка кралипэна́, Ту создыян пхув и болыбэ́н.

Isajos 40:26

Ѓаздэн тумарэ́ якха́ кэ вучо́ болыбэ́н и подыкхэн? Кон лэс создыя́? Кон вылыджала Пэ́скирэ чэргэня́ и гинэ́ла лэн? Сарэ́ чэргэня́ Ёв кхарэ́ла пир лав, ничи́ на хасёла Лэ́стэ, пал-дова́ со исын лэ́стэ бари зор и зоралыпэ́н.

Isajos 57:16

Пал-дова́ со на саро́ часо Мэ ява́ва тэ сэндякирав и тэ холясовав, соб (кай) тэ на хасёл анги́л Ма́ндэ кажно ду́хо (фа́но) и кажно пхурдыпэн, саво́ Мэ создыём.

Ереме́ё 27:5

Мэ кэрдём пхув, создыём манушэ́с и мурдалэ́н, савэ́ исын пир сари́ пхув Мирэ́ барэ́ зорья́са и Мирэ́ выдиндзькирдэ псикэса, и Мэ отда́ва дава́ кодолэ́скэ, кон исын лачхо́ Ма́нгэ.

Ереме́ё 38:16

И кра́ли о Сэдэки́я дыя́ совла́х чораханэ́с Еремеёскэ, ракири́: “Тэ явэ́л джидо́ Рай Дэвэ́л, Кон создыя́ амарэ́ далэ́ дия́, со мэ на мулякирава тут, и со мэ на выдава тут дрэ васта́ манушэ́нгирэ, савэ́ родэ́на тыро́ ди.”

Езэкилё 18:4

Акэ, кажнонэ́-манушэ́скиро ди исын Миро: сыр дадэ́скиро ди, адя́кэ и чхавэ́скиро ди. О ди, саво́ кэрэ́ла грэ́хо, мэрэ́ла.

Psalmy 96:5

Пал-дова́ со явирэ-нацыенгирэ дэвлорэ́ исын хоханэ́ и́долы, а Рай Дэвэ́л создыя́ болыбэ́н.