Isajos 42:11 - Библия - Пэ Балтитко Романи чиб (Романэс) 2019

¹¹ Мэк тэ ґаздэл пэ́скири зан чхучи́ пхув ла́кирэ форьенца, кай Кидаро дживэ́ла; мэк тэ радынэ́нпэ одолэ́, кон дживэ́ла пэ бэ́рги, мэк тэ шарэ́н бэргакирэ упралыпнастыр!

Biblija - Pe Baltitko Romani čib (Romanes) 2019

¹¹ Mek te ĥazdel péskiri zan čhučí phuv lákire for'jenca, kaj Kidaro dživéla; mek te radynénpe odolé, kon dživéla pe bérgi, mek te šarén bergakire upralypnastyr!

Isajos 42:11 Referans Kwoze

Isajos 32:16

Тэ́ньци сэ́ндо явэ́ла тэ рикирэ́л зор пэ кадая́ чхучи́ пхув, и чачуно́ сэ́ндо явэ́ла тэ дживэ́л пэ лачхи́ фэ́лда.

Isajos 60:7

Сарэ́ Кидароскирэ бакрэ́ скэдынэ́ явэ́на кэ ту; Неваифоскирэ бакрэ́ явэ́на тэ дынаринэ́н ту́кэ; джа́на упрэ́ пэ алта́рё Миро лачхэ́ свэнтонэ́ дыибнаса, и Мэ прославинава кхэр Мирэ́ барипнаса.

Naumo 1:15

Акэ, дыкхэ́н кодолэскирэ пирэ́ (сто́пы) пэ бэ́рга, саво́ пхэнэ́ла бахталы́ звесь (зан), саво́ ракирэ́ла зоралэ́с пал рама́нё (миро)! “О Юдэие! Кэр свэнкитка скаминда, выпхэрдякирэн пэ́скирэ совлаха́, пал-дова́ со буты́р ние́кх фуй ману́ш на проджа́ла пир ту́тэ: ёв исын сарэ́са хасякирдо.”

Isajos 52:7

Савэ лачхэ́, савэ́ гожа исын пэ бэ́рги одолэ́-манушэ́скирэ ґэра́, саво́ пхэнэ́ла лачхи́ зан (звесь), саво́ пхэнэ́ла пал ра́дыма, роспхэнэ́ла пал зракхибэ́н, саво́ ракирэ́ла Сионоскэ: “Прилыя́ кралипэ́н тыро́ Дэвэ́л!”

Isajos 35:6

Тэ́ньци лангало сыр оленё явэ́ла тэ ухтэл, бичибакиро (немо) забагала, пал-дова́, со промарлапэ пани́ пэ чхучи́ пхув и пэ мал (степ) промарнапэ сыгна рэкицы.

Isajos 21:16

Адя́кэ пхэндя́ ма́нгэ Рай-Дэвэ́л: “Ишчо (инкэ́) бэрш дасаво, сыр бэрш бутяристэ (бутярнэстэ), саво́ кэрэ́ла буты́ пал ловэ́, и саро́ барипэ́н Кидароскиро хасёла.

Isajos 16:1

Бичхавэн бакрорэ́н ра́скэ, конэ́скири исын дая́ пхув, Селатыр бичхавэн пэ чхучи́ пхув пэ Сионоскирэ-чхакири бэ́рга.

Psalmy 120:5

Бида ма́нгэ, со мэ сом манушэ́нца кэ Масохо, со мэ джива́ва машки́р Кедароскирэ ша́тры.

Džiibén 25:23

О Рай Дэвэ́л пхэндя́ ла́кэ: “Дуй ра́зна кхэри́тка ро́ды (пле́ми) исын дро тыри́ лочови́ (утроба), и дуй ра́зна манушы́тка на́цыи (народы) выджа́на тырэ́ лочовя́тыр; екх мануша́ явэ́на зоралэды́р явирэндыр, и пхурэды́р явэ́ла тэ дынаринэ́л (тэ служынэл) тыкнэдыршонэскэ.”

Ереме́ё 49:16

Трашаибэ́н тыро́ хохадя тумэн и пхутькирибэ́н тырэ́-илэ́скиро притырдынэ тут, саво́ дживэ́ла машки́р скалакирэ шчэлі, и саво́ залэла вучипэ́н бэргицэнгиро! Мэк ту кэрдя́н пэ́скири гня́зда (ку́фо) адя́кэ вучэ́с, сыр о́рло (ки́до), нэ Мэ и одотхы́р тырдава [счхурдава-р.с.] тут тэлэ́,” – ракирэ́ла Рай Дэвэ́л.

Ереме́ё 48:28

Тумэ́, савэ́ дживэ́на кэ Моа́во, ячкирэн фо́рья и дживэ́н пэ скалы. Явэ́н сы́рбы голумбы, савэ́ кэрэ́на гня́зды (ку́фы) пэ скалакирэ рига́, кай заджа́на дрэ гэбар (пешчэра).

Ереме́ё 21:13

Акэ, Мэ сом проти ту́тэ долоскири джиибна́скири, ска́ла лошчынакири’, – ракирэ́ла Рай Дэвэ́л, – тумэ́нгэ, кон ракирэ́ла: ‘Кон явэ́ла пэ амэ́ндэ? Ци заджа́ла дрэ штэ́ты, кай амэ дживаса?’

Isajos 43:19

Акэ, Мэ кэра́ва нэви́ буты́, акана́ ёй сыкадёла, ци тумэ́ на камэ́на тэ джинэ́н пал дава́? Мэ кэра́ва дром пэ фэ́лда, рэ́ки (лэня́) пэ чхучи́ пхув.

Isajos 35:1

Обрадынэлапэ чхучи́ пхув, и пхув шуки́, и обрадынэлапэ риг, кай нико́н на дживэ́ла, и розмэкэлапэ (розцвэтинэла), сыр лулуди́ (цвэто) нарцысо.

Авдиёс 1:3

Тыро́ пхутькирдо ило́ хохадя тут, кон дживэ́ла машки́р шчэ́ли пэ бэ́рги, конэ́скиро кхэр исын вучо́; ту, саво́ ракирэ́ла дро пэ́скиро ило́: ‘Кон счхурдэла тэлэ́ ман?’

Isajos 40:3

Зан, сави́ годлэла пэ чхучи́ пхув: “Кэрэ́н дром Ра́скэ-Дэвлэ́скэ, кэрэ́н пэ мал (степ) маму́й дрома́ ваш амарэ́ Дэвлэ́скэ.

Isajos 12:5

Бага́н Ра́скэ-Дэвлэ́скэ, Ёв кэрдя́ баро́, тэ джинэ́н дава́ пир сари́ пхув.

Ереме́ё 49:31

Ушты́, Навуходоносо́ро, джа́ пэ барвалы нацыя, со дживэ́ла би дара́киро’, – ракирэ́ла Рай Дэвэ́л, – ‘конэ́стэ нанэ ни по́рты, ни штабы, савэ́ дживэ́на кокорэ́ пэ́скэ.

Езэкилё 27:21

Аравия, сарэ́ Кидароскирэ тхага́рья, парувэнас ту́са: парувэнас бакрорьенца, бакрэнца, бузнэнца (козлэнца).