Isajos 41:9 - Библия - Пэ Балтитко Романи чиб (Романэс) 2019

⁹ Ту, конэ́с Мэ выкэдыём пхувья́кирэ ягорэндыр, и конэ́с кхардём Мэ кэ пэ самонэ дуратунэ́ штэтэ́ндыр, и конэ́скэ Мэ пхэндём: ‘Ту сан Миро писха́ри,’ Мэ выкэдыём тут и на дурьякирдём тут криг.”

Biblija - Pe Baltitko Romani čib (Romanes) 2019

⁹ Tu, konés Me vykedyjom phuvjákire jagorendyr, i konés khardjom Me ke pe samone duratuné šteténdyr, i konéske Me phendjom: ‘Tu san Miro pishári,’ Me vykedyjom tut i na durjakirdjom tut krig.”

Isajos 41:9 Referans Kwoze

1 Kralip 12:22

Рай Дэвэ́л на ячкирэ́ла Пэ́скирэ манушэ́н ваш баро́ Пэ́скиро лав, пал-дова́ со Ра́скэ-Дэвлэ́скэ сыс лачхо́ тэ выкэдэс тумэн Пэ́скирэ манушэ́нца;

Psalmy 94:14

Пал-дова́ со Рай Дэвэ́л на ячкирэ́ла Пэ́скирэ манушэ́н, и Ёв на мэкэ́ла одолэ́н, савэ́ исын сы́рбы лэ́скиро мэкно́ миштыпэ́н;

Jakov 2:5

Шунэ́н, мирэ́ дро́га пшала́лэ: Ци на выкэдыя́ Дэвэ́л одолэ́ манушэ́н, савэ́ исын чорорэ́ дро дава́ свэ́то тэ кэрэ́л барвалэнца лэн дро патяибэ́н и кралипнаскирэ чхавэ́нца, пал саво́ Ёв дыя́ лав сарэ́ манушэ́нгэ, конэ́скэ дро́го исын Ёв?

Sykadyipén 5:9

И ёнэ багандлэ нэви́ гилы́, пхэни́: “Ту сан мол тэ прилэс кадава́ сви́тко и тэ отпхандэс чэргэнорья (печати), пал-дова́ со Ту са́нас зачхиндло́ и Ту выкиндян манушэ́н ваш Дэвлэ́скэ Пэ́скирэ ратэ́са кажнонэ́ екхэ́-чиба́кирэ ирья́тыр (сэм΄я́тыр) и кажнонэ́ родыцо́стыр, и манушытконэ́ нацыя́тыр и кхэритконэ́ родо́стыр.

Luka 13:29

И явэ́на мануша́ вастоко́стыр и западостыр, паш-ратитконэ́ и паш-дывэсытконэ́ ригэ́ндыр, и ёнэ явэ́на тэ бэшэ́н пал сками́нд дро Дэвлэ́скиро Кралипэ́н дро Болыбна́скиро Раё.

Isajos 41:8

Нэ ту, Израилё, сан Миро писха́ри, Яково, конэ́с Мэ выкэдыём, Аврамос, Мирэ́ малэс (другос).

Isajos 41:2

Кон ґаздыя́ чачипнаскирэ манушэ́с вастоко́стыр? Кон кхардя́ лэс тэ джал пал пэ́стэ? Кон дыя́ лэ́скэ тэл васт манушэ́нгирэ на́цыи и кэрдя́ лэс, екхэ́с тэ хулаинэ́л пэ кралье́ндэ? Кон отдыя́ лэн сы́рбы пра́хо ваш лэ́скири курта́ла, сы́рбы пхус, со вурняла, ваш лэ́скиро лу́ко?

Яви́р Зако́но 14:2

пал-дова́ со тумэ́ сан свэ́нта мануша́ Растэ-Дэвлэ́стэ, Дэвлэ́стэ тумарэстэ, и тумэн выкэдыя́ Рай Дэвэ́л, соб (кай) тумэ́ тэ явэ́н екх Лэ́скирэ мануша́ сарэ́ манушэ́ндыр, савэ́ исын пэ пхув.

Psalmy 135:4

Ёв выкэдыя́ Яково́с ваш Пэ́скэ, а Израилё сыр Пэ́скиро миштыпэ́н.

Isajos 11:11

Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

Isajos 14:1

Пашылэды́р исын лэ́скиро часо, на явэ́на тэ тырдэнпэ лэ́скирэ дывэса́, пал-дова́ со потангинэла Рай Дэвэ́л Яково́с, ишчо (инкэ́) явэ́ла пир ило́ Лэ́скэ Израилё, и Ёв дэ́ла, соб (кай) тэ дживэ́н ёнэ пэ Лэ́скири пхув, явэ́на кэ ёнэ явирэ-рига́тыр мануша́, припхандэнапэ кэ кхэр Яково́скиро.

Isajos 42:1

“Акэ исын Миро писха́ри, Конэ́с Мэ рикирава пал васт, Конэ́с Мэ выкэдыём, кэ Кон пасёла Миро ило́, Мэ чхува́ва пэ Лэ́стэ Миро ду́хо (фа́но), и Ёв пхэнэ́ла пал сэ́ндо кэ народы.

Isajos 44:1

“Акана́ шун, Яково, Миро писха́ри, шун, Израилё, саво́ Мэ выкэдыём.

Isajos 45:4

Ваш Яково́скэ, Мирэ́ писхари́скэ, ваш Израилё, Конэ́с Мэ выкэдыём, Мэ кхардём тут пир лав, дыём ту́кэ паты́в, мэк (хоть) ту на джиндян Ман.

Малахия 1:2

“Тумэ́ ячнэ́ дро́га Ма́нгэ”, – пхэндя́ Рай Дэвэ́л. – Нэ тумэ́ ракирэ́на: “Сыр Ту сыкадян ла́ска амэн?” “Ци на сыс Иса́во Яково́скиро пшал?” – пхэндя́ Рай Дэвэ́л. “Нэ Мэ усае́кх выкэдыём Яково́с,