Isajos 41:4 - Библия - Пэ Балтитко Романи чиб (Романэс) 2019

⁴ Кон создыя́ и кэрдя́ саро́ дава́? Кон кхарэлас кэ Пэ манушы́тка ро́ды англыпна́стыр! Мэ сом Рай Дэвэ́л, Пэ́рво, и дрэ палатунэ́ (последня) Мэ адя́кэ-паць Сом.”

Biblija - Pe Baltitko Romani čib (Romanes) 2019

⁴ Kon sozdyjá i kerdiá saró davá? Kon kharelas ke Pe manušýtka ródy anglypnástyr! Me som Raj Devél, Pérvo, i dre palatuné (posliednia) Me adiáke-pac' Som.”

Isajos 41:4 Referans Kwoze

Sykadyipén 22:13

Мэ сом Альфа и Омега, Пэ́рво и Палатуно́, Англыпэ́н и Ко́нцо (Яго́ро).

Isajos 48:12

Пошун Ман, Яково, шун, Израилё, кхардо Миро: Мэ сом Одова́, Саво́ сыс, Мэ сом пэ́рво (англатуно́) и палатуно́ (последнё).

Sykadyipén 1:17

И ке́ли мэ дыкхцём Лэс, мэ пыём анги́л Лэ́скирэ ґэра́ сыр муло́. Ёв чхудя́ Пэ́скиро чачо́ (пра́во) васт пэ ма́ндэ, и пхэндя́: “На дар! Мэ сом Пэ́рво и Палатуно́ (Последнё),

Isajos 41:26

Кон пхэндя́ анги́л сарэ́ндэ самонэ англыпна́стыр, соб (кай) тэ джинас амэ́нгэ, и ґара́ анги́л дава́, соб (кай) амэ́нгэ сашты́ тэ пхэнас: “Дава́ исын чачипэ́н.” Нэ нанэ никонэ́с, кон тэ пхэнэ́л анги́л сарэ́ндэ, ци вари-кон тэ шунэ́л тумарэ́ лава́.

Isajos 46:10

Мэ пхэна́ва англэды́р сарэ́стыр, со тэ́ньчи дро ко́нцо (дро яго́ро) явэ́ла, ґаратунэ́ часостыр Мэ ракира́ва пал дова́, со ишчо (инкэ́) на кэрдя́пэ: Явэ́ла пир Миро годыпэ́н (совето); Мэ кэра́ва саро́, со Ма́нгэ исын пир ило́.

Isajos 43:10

А Мирэ́ мануша́, савэ́ допхэнэна, пал чачипэ́н, – пхэнэ́ла Рай Дэвэ́л, – тумэ́ и Миро писха́ри, конэ́с Мэ выкэдыём, соб (кай) тумэ́ тэ джинэ́н и тэ патя́н Ма́нгэ, со дава́ Мэ сом; англэды́р на сыс николи явирэ Дэвлэ́с и на явэ́ла.

Apostolengiri Butý 17:26

и Ёв кэрдя́ саро́ манушы́тко ро́до екхэ манушэ́стыр, соб (кай) мануша́ тэ дживэ́н пир сари́ пхув; Дэвэ́л выкэдыя́ ваш сарэ́ манушэ́нгэ часо и штэ́то ваш джиибэ́н пэ пхув,

Sykadyipén 1:8

“Мэ сом Альфа и Омега, Англыпэ́н и Ко́нцо (Яго́ро), ракирэ́ла Рай Дэвэ́л, Сарэзорья́киро.”

Isajos 42:24

Кон отдыя́ Яково́с чорэнгэ тэ хасякирэ́н, Израилё, соб (кай) тэ росчорэн? Ци на кэрдя́ Рай Дэвэ́л, пал-дова́ со амэ кэрдя́м грэ́хи анги́л Лэ́стэ? Ёнэ на камэнас тэ псирэ́н Лэ́скирэ дромэ́нца и ёнэ на шунэнас Лэ́скиро Зако́но.

Sykadyipén 2:8

И чхин Янголоскэ Смирнакирэ кхангирья́тыр: “Дава́ ракирэ́ла Пэ́рво и Палатуно́, Кон исын муло́ и Кон отджидыя́:

Sykadyipén 1:11

“Мэ сом Альфа и Омега, Англыпэ́н и Ко́нцо (Яго́ро), дова́, со ту дыкхэ́са, чхин дрэ лылвари́ и бичха́в эфта́ кхангирье́нгэ, савэ́ исын [кэ Асия-р.с.]: дро Ефесо, дрэ Смирна, дро Пергамо, дрэ Фиатира, дро Сардисо, дрэ Филадэльфия и дрэ Лаодикия.”

Isajos 40:12

Кон вычхудя́ пани́ пэ́скирэ вастэ́са, выгиндя́ болыбэ́н и пра́хо пхувья́киро, зважындя пэ ублады́тка (весы) бэ́рги и бэ́ргицы пэ ублады́тка чарэ́?

Apostolengiri Butý 15:18

Векостыр исын джиндлэ́ Дэвлэ́скэ сарэ́ Лэ́скирэ рэ́нды.

Матфеё 28:20

сыклякирэ́н лэн тэ кэрэ́н саро́, со Мэ припхэндём тумэ́нгэ. И, акэ, Мэ сом тумэ́нца кэ векоскиро ко́нцо (яго́ро).”

Матфеё 1:23

“Акэ, патывалы́ тэрны́ джувлы́ явэ́ла пхари́, и биянэ́ла Чхавэ́с, и Лэ́скиро лав явэ́ла Эмануило” (со значынэ́ла: “Дэвэ́л исын амэ́нца”).

Isajos 40:26

Ѓаздэн тумарэ́ якха́ кэ вучо́ болыбэ́н и подыкхэн? Кон лэс создыя́? Кон вылыджала Пэ́скирэ чэргэня́ и гинэ́ла лэн? Сарэ́ чэргэня́ Ёв кхарэ́ла пир лав, ничи́ на хасёла Лэ́стэ, пал-дова́ со исын лэ́стэ бари зор и зоралыпэ́н.

Яви́р Зако́но 32:39

Тумэ́ дыкхэ́на акана́, со дава́ Мэ сом, Мэ – и нанэ Дэвлэ́с (нанэ Дэвэ́л), апри́ч Ма́ндэ: Мэ мулякирава и отджидякирава, Мэ насвалякирава, и Мэ састякирава, и нико́н на зракхэ́ла Мирэ́ вастэ́стыр.

Psalmy 102:27

ёнэ хасёна, нэ Ту явэ́са, ёнэ сарэ́ ячэ́на пхуранэ́ сыр и́дя, и сыр урибэ́н Ту парувэса лэн, и ёнэ парудёна.

Isajos 41:3

Ёв традэ́ла лэн, и джа́ла бидарипнаскирэ дромэ́са, пир саво́ Ёв на псирдя́ ние́кхвар пэ́скирэ ґэрэ́нца.

Isajos 43:13

Англэды́р сарэ́стыр Мэ со́мас адасаво́, нико́н на зракхэ́ла Мирэ́ вастэ́стыр; Мэ кэра́ва, и кон дава́ отпарувэла?

Psalmy 102:28

Нэ Ту сан Кадасаво́ пэ сарэ́ ве́ки, и Тырэ́ бэрша́ на кончынэнапэ.

Isajos 41:20

соб (кай) ёнэ тэ дыкхэ́н и тэ доджинэнпэ (тэ ґалён), тэ рискирэ́н пэ́скиро ило́ и тэ ґалён, со васт Ра́скирэ-Дэвлэ́скиро создыя́ дава́, и со Свэ́нто Израилёскиро создыя́ дава́.