Isajos 41:16 - Библия - Пэ Балтитко Романи чиб (Романэс) 2019

¹⁶ Ту явэ́са тэ пирикэдэс (тэ веинэс) лэн пэ балва́л, и балва́л лыджа́ла криг лэн, и рискирибнаскири балва́л сыр вихро роспхурдэла лэн, ту явэ́са древа́н тэ радынэспэ пал Растэ-Дэвлэ́стэ, и ту явэ́са барикано (тэ шарэспэ) Свэнтонэса Израилёса.

Biblija - Pe Baltitko Romani čib (Romanes) 2019

¹⁶ Tu javésa te pirikedes (te vieines) len pe balvál, i balvál lydžála krig len, i riskiribnaskiri balvál syr vihro rosphurdela len, tu javésa drieván te radynespe pal Raste-Devléste, i tu javésa barikano (te šarespe) Sventonesa Izrailjosa.

Isajos 41:16 Referans Kwoze

Ереме́ё 51:2

И Мэ бичхава́ва пэ Вавило́но манушэ́н, савэ́ балвалякирэна фо́ро и ёнэ выбалвалякирэна лэс, и чхучакирэна лэ́скири пхув: пал-дова́ со дро дывэ́с, сыр явэ́ла биба́хт (би́да), ёнэ сарэ́ явэ́на проти лэ́стэ [сарэ́ ригэ́ндыр-р.с.].

Avakumo 3:18

нэ мэ усае́кх древа́н ява́ва тэ радынавпэ Ра́стыр-Дэвлэ́стыр, и мэ ява́ва тэ радынавпэ Дэвлэ́стыр, Саво́ зракхэ́ла ман.

Ереме́ё 15:7

И Мэ росчхурдава лэн веелоса (барэ́ лопатаса) пал по́рты пэ пхув; и Мэ ла́ва криг сарэ́са лэ́нгирэ чхаворэ́н, и Мэ хасякира́ва Мирэ́ манушэ́н: пал-дова́ со ёнэ на рисёна пэ́скирэ дромэндыр.

Filipiicenge 3:3

Пал-дова́ со обчхиныбэн дава́ исын амэ тумэ́нца, савэ́ мангэ́напэ Дэвлэ́скэ Лэ́скирэ Духо́са, и шарасапэ дро екхипэ́н Исусо́са Христосо́са, и амэ на древа́н патя́са дрэ лоч (плоть),

Римлянэнгэ 5:11

И на екх дава́, нэ амэ и радынасапэ пир амарэ́ Растэ-Дэвлэ́стэ, Исусо́стэ Христосо́стэ, пир Савэ́стэ амэ дорэсцям (долыям) какана́ рама́нё Дэвлэ́са.

Матфеё 3:12

Лэ́скиро ґанадытко (лопата) исын дрэ Лэ́скиро васт, и Ёв жужакирэла (чыстинэла) Пэ́скиро шу́рна и скэдэ́ла Пэ́скиро парно́ гив дрэ пиралы́, а пхус хачкирэ́ла яга́са, сави́ на мурдёла.”

Isajos 17:13

Манушы́тка на́цыи брилинэна (ревинэна) сыр шумо бутэ́-паненгиро, нэ Дэвэ́л дарьякирдя, и ёнэ явэ́на тэ нашэ́н дур, и лэн явэ́на тэ традэ́н сыр пра́хо пэ бэ́рги балваляса, сыр прахинка (пыло), со крэнцынэлапэ рискирибна́скирэ балваляса.

Isajos 12:6

Яв лошалы (весёло), ра́дынпэ, манушны Сионо́стыр, пал-дова́ со баро́ исын машки́р ту́тэ Свэ́нто Израилёскиро.”

Psalmy 1:4

А чорэ́ мануша́ на адасавэ́ исын сарэ́са. Ёнэ исын сы́рбы чхучо́ пхус, со балва́л рострадэла.

Isajos 25:9

И пхэнэ́на дрэ дова́ дэвэс: “Акэ, Ёв исын амаро́ Дэвэ́л! Пэ Лэ́стэ сыс амаро́ лачхо́ ужакирибэ́н и Ёв зракхця́ амэн! Кадава́ исын Рай Дэвэ́л; пэ Лэ́стэ сыс амаро́ лачхо́ ужакирибэ́н; ла́са тэ радынаспэ Лэ́скирэ Зракхибнастыр.”

Isajos 28:5

Дро дова́ дывэ́с Рай Дэвэ́л, болыбна́скирэ-янголэ́нгиро, явэ́ла гожонэ вянкаса и шукаронэ диадэмаса ваш ячаибэ́н Лэ́скирэ народо́стыр.

Isajos 29:5

Тырэ́-вэргэнгиро бутыпэн ячэ́ла сыр дробно пра́хо, и захало; баро́ кэ дар халадыбэ́н роспхурдэлапэ, саво́ сыр пхуса, саро́ дава́ явэ́ла, ко́ли на ужакирэ́на, екха́тыр, дрэ екх мэнта (минута).

Isajos 35:10

И рисёна одолэ́, конэ́с зракхэ́ла Рай Дэвэ́л и явэ́ла пэ Сио́но радымакирэ годла́са; ра́дыма явэ́ла лэ́нца саро́ часо (цы́ро); и лош (веселиё) ёнэ латхэ́на, а биба́хт бидаса лэ́ндыр отджала.

Isajos 40:24

Акэ, ёнэ наґара чхудэ́, наґара барьякирдэ́, наґара дрэ пхув придживдэпэ, нэ сыр Ёв пхурдыя пэ лэ́ндэ, и ёнэ вышутинэ, и балва́л лыджия́ лэн криг, сыр пхус.

Isajos 51:3

Чачо́, Рай Дэвэ́л подрикирла Сио́но, подрикирла лэ́скирэ роспхагирдэ́ кхэра́; а чхучи́ пхув лэ́скири Ёв кэрэ́ла сыр раё, и мал (степ) лэ́скири пирикэрэла сыр у́нта (садо) Раскири-Дэвлэ́скири; ра́дыма и весёлыма (лош) одо́й явэ́на, парикирибэн и багаибэн.

Isajos 60:19

Кхам ту́кэ буты́р на явэ́ла тэ дэл дуд (свэ́то), чхон на ячэ́ла тэ свэнцынэл, нэ Рай Дэвэ́л явэ́ла тырэ́ дудэса (свэтоса) ве́чнэс, Дэвэ́л явэ́ла тырэ́ барэ́ патыва́са.

Isajos 65:18

А тумэ́ явэ́на бахталэ́, явэ́на тэ радынэ́нпэ сарэ́ бэрша́ пал дова́, со Мэ кэра́ва. Акэ, Мэ кэра́ва Ерусалимо багаибнаса и лэ́скиро народо радыма́са.

Ереме́ё 51:20

Ту сан Ма́ндэ млото (свиринд/хамло), миро марибны́тко приладо (марды́тко), ту́са Мэ розмаравас пэ котэра́ на́цыи, и ту́са Мэ розмаравас пэ котэра́ кралипэна́;

Ереме́ё 51:33

Ѓа́да, исын лав, со ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: “Чхай Вавилоноскири исын сы́рбы гиваобкэрибнаскири шу́рна, ке́ли исын пора тэ укэдэн [штакирэн-ю.о.] гив: нэ ишчо (инкэ́) на́бут и явэ́ла часо тэ счхинэн (укэдэн) ла́кирэ гива́.”

Дание́лё 2:35

Тэ́ньци саро́ сыс пиримардо пэ екх тыкнэ́ котэрорэ: састы́р, ґлэя, харко́ма, руп и сувнака́й кэрдэ́пэ сыр о пра́хо пэ лынаскирэ гива́-обкэрибнаскирэ шурны, и балва́л лыджия́ криг лэн, и шпэ́ра (слядо) лэ́ндыр на яця́пэ; и бар, кай пхарадя идоло, кэрдя́пэ барэ́ бэргаса и пхэрдия сари́ пхув.

Osija 11:9

Мэ на ява́ва тэ кэра́в пир саро́ зоралыпэ́н Мирэ́ холынакиро, Мэ на ява́ва тэ хасякира́в Ефремос. Пал-дова́ со Мэ сом Дэвэ́л, а на ману́ш, Екх Свэ́нто машки́р тумэ́ндэ; и Мэ на ява́ва трашаса дро фо́ро.

Ioil 2:23

Тумэ́, чхаворэ́ Сионоскирэ, радынэ́нпэ, и веселинэнпэ (лошалён) Ра́стыр-Дэвлэ́стыр, тумарэ́ Дэвлэ́стыр, соб (кай) Ёв тэ дэл лачхо́ вэснакиро брышы́нд чачипна́са, и Ёв кэрэ́ла адя́кэ, со явэ́ла брышы́нд, сыр сыс брышы́нд: вэснакиро и пал-лынаскиро (осенякиро) дро пэ́рво чхон.

Mihiejo 5:8

И отячибэн Яково́скирэ манушэ́ндыр явэ́ла машки́р Наюды́тка на́цыи, дро машкира́л бутэ́-кхэри́тка ро́ды (пле́ми) сы́рбы шчэр (ле́во) машки́р вэшытконэ мурдалэ́ндэ (зверендэ), сы́рбы тэрно́ шчэр машки́р бакрэнгиро ґурто; саво́, ко́ли заджа́ла, то явэ́ла тэ штакирэл ґэрэ́нца пэ хасибэ́н, тэ роскушэл пэ котэра́, и нико́н на зракхэ́ла лэ́стыр.

Isajos 29:19

И раманёна (мирна) мануша́ ишчо (инкэ́) буты́р явэ́на тэ радынэ́нпэ пал Растэ-Дэвлэ́стэ, чорорэ́ мануша́ явэ́на зоралэ́с тэ радынэ́нпэ пал Свэнтонэ́-Израилёскирэ Дэвлэ́стэ.