Isajos 41:11 - Библия - Пэ Балтитко Романи чиб (Романэс) 2019

¹¹ Акэ, сарэ́, кон гия́ холя́са пэ ту́тэ, явэ́на ладжакирдэ́ и пэрэ́на патыватыр, явэ́на сыр нисо́, и одолэ́, кон чингардыяпэ ту́са, одолэ́ хасёна.

Biblija - Pe Baltitko Romani čib (Romanes) 2019

¹¹ Ake, saré, kon gijá xoliása pe túte, javéna ladžakirdé i peréna patyvatyr, javéna syr nisó, i odolé, kon čingardyjape túsa, odolé xasjona.

Isajos 41:11 Referans Kwoze

Vygiiben 23:22

Ко́ли ту явэ́са тэ шунэ́с Лэ́скири зан и тэ кэрэ́с саро́, со Мэ пхэна́ва, тэды Мэ ява́ва вэргоса (врогоса) тырэ́ вэргэ́нгэ и намалэса (противникоса) тырэ́ намалэнгэ.

Isajos 45:24

И явэ́на тэ ракирэ́н пал Ма́ндэ адя́кэ: “Фэ́ни (то́ка) Екхэ Растэ-Дэвлэ́стэ исын зор и чачипэ́н; кэ Ёв явэ́на и явэ́на тэ ладжан сарэ́ Лэ́скирэ вэ́рги.

Sykadyipén 3:9

Акэ, мэ да́ва ту́кэ одолэ́н, савэ́ исын налачхэскирэ скэдыибна́стыр, савэ́ ракирэ́на, со ёнэ исын Юды, а дава́ нанэ чачипэ́н, ёнэ исын хохаибнарья; ґа́да, Мэ кэра́ва адя́кэ, соб (кай) ёнэ тэ дэн “паклоно” патыва́са анги́л тырэ́ ґэра́, тэ джинэ́н, со Ма́нгэ яця́н ту дро́го.

Apostolengiri Butý 16:39

Ёнэ явнэ́ и примангнэ лэн, вылыджинэ́ лэн штарибнастыр, и мангнэ́, соб (кай) ёнэ тэ джа́н криг форо́стыр.

Isajos 54:17

Кон бы на ґаздэласпэ пэ ту́тэ вари-со́са, ничи́ ту́са на кэрэ́лапэ; со б на ракирэ́нас пал ту́тэ пэ сэ́ндо, ёнэ явэ́на бангэ́, а на ту. Дава́ исын да́ро сыр мэкно́ миштыпэ́н, со прилэ́на Ра́скирэ-Дэвлэ́скирэ писха́рья, ёнэ явэ́на отмэкнэ и дава́ исын Ма́ндыр,” – ракирэ́ла Рай Дэвэ́л.

Vygiiben 11:8

И явэ́на сарэ́ тырэ́ писха́рья кэ мэ, и поклонинэнапэ (кэрэ́на шэрэ́са) ма́нгэ, ракири́: “Выджа ту и сарэ́ мануша́, савэ́нца ту хулаинэса. Пало́ саро́ мэ и выджава.” И выгия́ Мо́йза фараоностыр холя́са.

Заха́рия 12:3

И явэ́ла дро дова́ дывэ́с, со Мэ кэра́ва Ерусалимо́стыр древа́н пхаро́ бар ваш сарэ́ манушэ́нгэ; сарэ́, кон камэ́ла тэ ґаздэл лэс, пхарьёла пэ котэра́, мэк тэ скэдэ́нпэ проти лэ́стэ сарэ́ мануша́ далэ́-пхувья́кирэ.

Isajos 49:26

И одолэ́, кон пэ ту́тэ ґаздыя́пэ, явэ́на тэ хан пэ́скири лоч (плоть); и явэ́на тэ пьен пэ́скиро рат, сыр тэрны́ мол (вино), и кажно лоч (плоть) ґалёла, со Мэ сом Рай Дэвэ́л, Зракхибнари тыро́, Саво́ Тут выкиндя, Зорало́ Яково́скиро.”

Isajos 41:29

Чачэс, ёнэ сарэ́ ничы́ на мол; лэ́нгирэ бутя́ нисо́, а лэ́нгирэ выбиладэ муя́ (истуканы), исын балва́л и чхучипэн.

Isajos 29:8

И сыр бокхалэ́ манушэ́скэ, саво́ дыкхэ́ла сунэ́, со ёв ха́ла, а уштыя́ – ничи́ нанэ, сыр саво́ древа́н камэ́ла тэ пьел манушэ́скэ, саво́ дыкхэ́ла сунэ́, со ёв пьела, нэ уштыя́ и ничи́ нанэ, ди лэ́скиро млеинэла (исын трушало), адя́кэ явэ́ла народо лэ́нгирэ бутыпнаса, савэ́ марэнапэ бэргаса Сионоса.

Isajos 41:24

Чачэс, нанэ нисаво́ лачхипэ́н тумэ́ндыр, и тумари́ буты́ ничы́ на мол; джунгало́ (брыдко) исын кодова́, кон выкэдэ́ла тумэн.

Isajos 40:17

Сарэ́ народы, сыр нисо́ исын анги́л Лэ́стэ, сыр ничи́, сыр чхучо́ штэ́то Лэ́стэ гинэнпэ.

Isajos 17:13

Манушы́тка на́цыи брилинэна (ревинэна) сыр шумо бутэ́-паненгиро, нэ Дэвэ́л дарьякирдя, и ёнэ явэ́на тэ нашэ́н дур, и лэн явэ́на тэ традэ́н сыр пра́хо пэ бэ́рги балваляса, сыр прахинка (пыло), со крэнцынэлапэ рискирибна́скирэ балваляса.

Isajos 29:5

Тырэ́-вэргэнгиро бутыпэн ячэ́ла сыр дробно пра́хо, и захало; баро́ кэ дар халадыбэ́н роспхурдэлапэ, саво́ сыр пхуса, саро́ дава́ явэ́ла, ко́ли на ужакирэ́на, екха́тыр, дрэ екх мэнта (минута).

Isajos 29:7

Сыр суно́, сыр дыкхибэ́н ратя́киро, ячэ́ла народонэнгиро бутыпэн, савэ́ явэ́на тэ марэ́нпэ Ариилоса, савэ́ явэ́на тэ ґаздэ́напэ пэ лэ́стэ и стасавэна лэс.

Isajos 34:12

На ячэ́лапэ пэ ла́тэ никонэ́с лачхэ́-родоскирэ манушэ́ндыр, конэ́с кхарэ́на, соб (кай) тэ явэ́н ёнэ кральенца сарэ́ тхага́рья (кня́зи) ла́кирэ явэ́на сыр чхучо́ штэ́то.

Isajos 40:2

Ракирэ́н кэ Ерусалимоскиро ило́, пхэнэ́н лэ́скэ, со пирияця́ лэ́скиро марибэ́н, со на отдэлапэ палэ лэ́скэ пал грэ́хо, пал-дова́ со ёв прилыя́ Ра́скирэ-Дэвлэ́скирэ вастэ́стыр пал сарэ́ грэ́хи дрэ дуй мо́лы буты́р, сыр трэиндя́.

Isajos 54:15

Акэ, явэ́на тэ ґаздэ́нпэ пэ ту́тэ, нэ дава́ нанэ Ма́ндыр; кон ґаздэ́лапэ пэ ту́тэ, одова́ пэрэ́ла (хасёла).

Ереме́ё 2:3

Ту, Израиле, са́нас свэ́нто Ма́ндэ, ту са́нас пэ́рво барьякирдо́ (пло́до) Мирэ́ умалотостыр. Мэ пхарэ́с сэндякирдём сарэ́н, кон дукхавэлас тут, мэ бичхававас би́да пэ лэ́ндэ,’’” – пхэндя́ Рай Дэвэ́л.

Vygiiben 12:29

Дрэ пашрат Рай Дэвэ́л мулякирдя́ сарэ́н англатунэ́ биятэ́н пэ Египто́скири пхув, фараоно́скирэ англатунэстыр, саво́ сыс бэшто́ пэ пэ́скиро троно, кэ бэшыбнарискирэ англатунэстэ, саво́ сыс бэшто́ дро штарибэ́н, и саро́ англатуно́ бияныпнаскиро кхэритконэ́ мурдалэ́ндыр.

Isajos 49:25

Адя́кэ ракирэ́ла Рай-Дэвэ́л: “И отлэна пленнонэ манушэ́н, конэ́с лыя́ дро пле́но зорало́ халадо; отлэна дорэсыбэ́н тираностыр (зобаростыр) и зракхэна лэн, пал-дова́ со Мэ ла́ва тэ маравпэ, тырэ́ вэргэнца, и Мэ зракха́ва тырэ́ чхавэ́н.

Ереме́ё 12:17

Нэ ко́ли ёнэ на явэ́на тэ кандэ́н, тэды Мэ выкушава лэн криг и Мэ хасякира́ва кадалэ́ манушэ́н”, – пхэндя́ Рай Дэвэ́л.