Isajos 41:1 - Библия - Пэ Балтитко Романи чиб (Романэс) 2019

¹ “Явэ́н штыл анги́л Ма́ндэ, островы, и мэк манушы́тка на́цыи тэ кэдэн нэвэ́стыр пэ́скиро зоралыпэ́н! Мэк ёнэ тэ явэ́н пашы́л, и мэк ёнэ тэ пхэнэ́н: ‘Тэрдёваса кхэтанэ́ пашылэды́р пэ сэ́ндо.’

Biblija - Pe Baltitko Romani čib (Romanes) 2019

¹ “Javén štyl angíl Mánde, ostrovy, i mek manušýtka nácyi te keden nevéstyr péskiro zoralypén! Mek jone te javén pašýl, i mek jone te phenén: ‘Terdjovasa khetané pašyledýr pe séndo.’

Isajos 41:1 Referans Kwoze

Isajos 1:18

“Тэ́ньци явэ́н, ява́са тэ сэндякирас (тэ роскэдаспэ),” – ракирэ́ла Рай Дэвэ́л. “Ко́ли явэ́на тумарэ́ грэ́хи лолэ́, сыр рат, ячэ́на парнэ́, сыр ив, ко́ли явэ́на лолэ́, сыр яг ячэ́на парнэ́, сыр вы́лна (шэрсь) Мэ парнякирава.

Avakumo 2:20

Нэ Рай Дэвэ́л исын дро Лэ́скири свэ́нто Кхангири́. Мэк сари́ пхув тэ явэ́л штыл анги́л Лэ́стэ [Лэ́скиро муй-р.с.].”

Заха́рия 2:13

‘Мэк штыл тэ явэ́л каждо лоч (плоть) анги́л муй Дэвлэ́скиро! Пал-дова́ со Ёв ґаздэ́лапэ Пэ́скирэ свэнтонэ́ штэто́стыр!”

Psalmy 46:10

Кон кэрэ́ла адя́кэ, со марибэна кэ пхувья́кирэ яго́ры (краи́) кончынэнапэ, Ёв пхагирэ́ла лу́ко и пхагирэ́ла чхурдыпнытко буст (коп΄е) пэ котэра́; Ёв хачкирэ́ла сарэ́са яга́са марибны́тка вурдэна́.

Isajos 34:1

Явэ́н, народы! Шунэ́н и прилэ́н, кхэри́тка ро́ды (пле́ми)! Мэк тэ шунэ́л пхув и саро́, со исын пэ ла́тэ, баро́ свэ́то (лот) и саро́, со бияндёла дрэ лэ́стэ!

Isajos 11:11

Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

Ióvo 38:3

Подпхандэпэ и яв скэдыно́, Ио́во, сыр мурш, и Мэ ява́ва тэ пхучав ту́тыр, ту явэ́са тэ отпхэнэс Ма́нгэ.

Isajos 50:8

Пашылэды́р исын одова́, кон пхэнэ́ла чачипэ́н пал Ма́ндэ: кон камэ́ла тэ марэ́лпэ Ма́нца? Тэрдёваса кхэтанэ́! Кон камэ́ла тэ сэндякирэлпэ Ма́нца? Мэк ёв тэ подджа́л кэ Мэ.

Isajos 49:1

Шунэ́н Ман, островы (пхувья́ пэ мо́рё (дэрья́в)). Шунэ́н, дуратунэ́ народы: Рай Дэвэ́л прикхардя ман, (Израилё), да́кирэ лочовя́тыр; Мэ ишчо (инкэ́) на бияндыём, а Ёв кхарэлас Ман пир лав.

Isajos 48:16

Явэ́н кэ мэ, шунэ́н дава́ лав: ‘Мэ николи на ракиравас чораханэ́с и самонэ англыпна́стыр; долэ́ часостыр, сыр саро́ дава́ кэрэласпэ, Мэ одо́й со́мас, и акана́ бичхадя́ Ман Рай Дэвэ́л, Дэвэ́л и Лэ́скиро Ду́хо (Фа́но).’

Isajos 40:31

А одова́, конэ́стэ пэ Растэ-Дэвлэ́стэ исын наде́я, прилэ́на нэви́ зор, ґаздэ́на пхака́ (крылы), сыр киды (орлы), нашэ́на и на явэ́на кхинэ, праста́на и на кхинёна.

Isajos 41:5

Островы дыкхнэ́ дава́ и трашандынэ, яго́ры (краи́) пхувья́кирэ страха́дынэ, ёнэ подтырдэнапэ пашылэды́р и явнэ́.

Isajos 43:9

Мэк сарэ́ народы тэ скэдэ́нпэ кхэтанэ́, и сарэ́ кхэри́тка ро́ды тэ явэ́н кхэтанэ́. Кон машки́р лэ́ндэ дава́ анги́л пхэндя́? Мэк тэ пхэнэ́н, со сыс англэды́р сарэ́стыр, мэк тэ дэн кхэри́тка пэ́скирэ манушэ́н тэ досыкавэн (тэ допхэнэн) пал дава́, мэк тэ пхэнэ́н пал пэ́стэ чачипэ́н, соб (кай) тэ шунэ́с и тэ пхэнэ́с: “Чачо́!”

Isajos 43:26

Дэ Ма́нгэ тэ пририпирав; амэ ява́са тэ кэра́с сэ́ндо (тэ сэндякираспэ); ра́кир ту, соб (кай) тэ допхэнэс тыро́ чачипэ́н.