Isajos 40:9 - Библия - Пэ Балтитко Романи чиб (Романэс) 2019

⁹ Джа́ пэ вучи́ бэ́рга, Сио́но, саво́ мишто́ пхэнэ́ла Дэвлэ́скиро лав! Ѓаздэ зорья́са зан тыри́, Ерусалимо, саво́ ракирэ́ла лав Дэвлэ́скиро! Ѓаздэ зан, на дар! Пхэн кэ фо́рья Юда́скирэ: “Акэ, исын тумаро́ Дэвэ́л!”

Biblija - Pe Baltitko Romani čib (Romanes) 2019

⁹ Džá pe vučí bérga, Sióno, savó mištó phenéla Devléskiro lav! Ĥazde zorjása zan tyrí, Jerusalimo, savó rakiréla lav Devléskiro! Ĥazde zan, na dar! Phen ke fórja Judáskire: “Ake, isyn tumaró Devél!”

Isajos 40:9 Referans Kwoze

Isajos 12:2

Акэ, Дэвэ́л исын Миро зракхибэ́н; допатяв Лэ́скэ и на дарав, пал-дова́, со Рай Дэвэ́л исын зор мири́, багаибэн миро – Рай Дэвэ́л; Ёв сыс Миро зракхибэ́н.”

Isajos 25:9

И пхэнэ́на дрэ дова́ дэвэс: “Акэ, Ёв исын амаро́ Дэвэ́л! Пэ Лэ́стэ сыс амаро́ лачхо́ ужакирибэ́н и Ёв зракхця́ амэн! Кадава́ исын Рай Дэвэ́л; пэ Лэ́стэ сыс амаро́ лачхо́ ужакирибэ́н; ла́са тэ радынаспэ Лэ́скирэ Зракхибнастыр.”

Эфесянэнгэ 6:19

адя́кэ-паць мангэ́нпэ Дэвлэ́скэ и пал ма́ндэ, соб (кай) ма́нгэ тэ явэ́н дынэ́ лава́, савэ́ трэй тэ ракира́в муршканэ́с гарадо́ чачипэ́н пал бахталы́ зан,

Isajos 61:1

Ра́скирэ-Дэвлэ́скиро Ду́хо (Фа́но) исын пэ Ма́ндэ, пал-дова́ со Рай Дэвэ́л помакхця Ман тэ пхэна́в бахтало́ лав (бахталы́ зан) чорорэнгэ; бичхадя́ Ман, соб (кай) тэ састякирав манушэ́н розмардэ илэ́са, тэ пхэна́в пал во́ля одолэ́нгэ, кон исын дрэ наволя (бэшыбэн); тэ пхэна́в манушэ́нгэ дрэ бэшыбэн, со вудара́ бэшыбнытка исын псирадэ (откэрдэ).

1 Petr 3:14

Нэ ко́ли тумэ́ злыджана пхарипэ́н пал чачипэ́н, тэды тумэ́ сан бахталэ́, на дарэ́н, мэк нисо́ тэ на трашакирэл тумэн;

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

Римлянэнгэ 10:18

Нэ мэ пхучава: “Нау́што (неужэли) ёнэ на шундлэ́? Шундлэ́, чачэс; лэ́нгири зан прогия́ пир сари́ пхув, и лэ́нгирэ лава́ сыс шундлэ́ пэ свэто́скирэ яго́ры (кра́и).”

Apostolengiri Butý 4:29

И какана́, Раё Дэ́вла, Ту дыкхэ́са, со ёнэ амэн страхакирэна и дэ амэ́нгэ, писхарье́нгэ, муршыпэн тэ на дарас тэ пхэнас Тыро́ лав;

Apostolengiri Butý 4:13

Юдэ́нгирэ-Синедрионоскирэ шэралэ́ дивиндлэ́пэ пэ Пэтрискиро Ианоса муршыпэн, и ґалынэ́, со Пэ́три и Иа́но сыс насыклэ мануша́, савэ́ никай на сыклынэ, и ёнэ ґалынэ́, со ёнэ сыс кхэтанэ́ Исусо́са.

Apostolengiri Butý 2:14

Нэ Пэ́три уштыя́ кхэтанэ́ пэ́скирэ дэшудуенца Апостолэнца ґаздыя́ пэ́скири зан, и зоралэ́ заня́са пхэндя́ лэ́нгэ: “Юды и сарэ́ мануша́, кон дживэ́ла дро Ерусалимо! Мэк тэ явэ́л дава́ джиндло́ тумэ́нгэ, и ракхибны́ткэс шунэ́н мирэ́ лава́.

Luka 24:47

и, соб (кай) тэ пхэнэлпэ лав ваш Лэ́скирэ-Манушэ́скиро рисибэн грэхэ́ндыр кэ Дэвэ́л, соб (кай) Ёв тэ отмэкэ́л грэ́хи машки́р сарэ́ на́цыи, лыи тэ кэрэ́л дава́ Ерусалимо́стыр.

Ереме́ё 22:20

‘Джа́н упрэ́ пэ Лива́но, мануша́лэ Ерусалимо́стыр, и дэн го́дла, и годлэн пэ Башано, и дэн го́дла пэ Аваримоскирэ вучэ́ штэ́ты, пал-дова́ со сарэ́ тумарэ́ камлэ́ дру́ги (мала́) исын мулякирдэ́.

Isajos 58:4

Акэ, тумэ́ рикирэ́на посто, соб (кай) тэ ханпэ и тэ кошэнпэ, и соб (кай) тэ марэ́н манушэ́н; тумэ́ на постинэна адя́кэ, соб (кай) шундлы сыс пэ вучипэ́н тумари́ зан.

Isajos 51:12

“Мэ, Мэ Кокоро́ подрикирава тумэн. Кон ту сан, ко́ли дарэса манушэ́стыр, саво́ мэрэ́ла, дарэса манушэ́скирэ чхавэстыр, саво́ исын адасаво́, сыр чар?

Isajos 51:7

Пошунэн Ман, кон джинэ́ла чачипэ́н, народо, савэ́стэ дро ило́ исын Миро Зако́но! На дарэ́н, ко́ли традэ́на тумэн мануша́, на дарэ́н лэ́нгирэ налачхэ́ лавэ́ндыр!

Isajos 41:27

Мэ пэ́рво пхэндём Сионоскэ: “Дыкхэ́н, кай ёв исын!” И Мэ дыём Ерусалимоскэ екхэ́с, кон янэ́ла бахталы́ зан (звесь).

2 Паралипоменоно 13:4

И тэрдия́ Авия́ пэ бэрга́киро вучипэ́н Цэмараимоскиро, екхэ Ефремо́скирэ бэрга́тыр, и ракирдя́: “Шунэ́н ман, Еровоа́мо и сарэ́ Израильтя́ни!

Сэндарьенгири Лылвари́ 9:7

Ке́ли роспхэндлэ́ пал дава́ Иофамоскэ, ёв гия́ и тэрдия́ пэ Гаризимоскирэ-бэрга́киро вучипэ́н, и, ґаздыя́ пэ́скири зан (глос), дыя́ го́дла и ракирдя́ лэ́нгэ: “Шунэ́н ман, Сихемоскирэ мануша́лэ, и тэ шунэ́л тумэн Дэвэ́л!

Isajos 1:1

Акэ, исын Исаёскиро, Амосо́скирэ-чхавэ́скиро дыкхибэ́н, саво́ ёв дыкхэ́лас пал Юдэ́я и Ерусалимо, дрэ долэ́ дывэса́, ке́ли Ози́я, Иофа́мо, Аха́зо и Езэки́я сыс Юдэя́кирэ кра́лья.

Isajos 35:2

И явэ́ла пхув гожэс тэ розмэкэлпэ и тэ радынэ́лпэ, явэ́ла радыма́са и годлэнца барипэ́н Ливаноскиро ла́кэ дэ́лапэ, Кармилоскиро и Сароноскиро бариканыпэн; ёнэ явэ́на тэ дыкхэ́н Ра́скирэ-Дэвлэ́скиро, амарэ́ Дэвлэ́скиро барипэ́н.

Isajos 44:26

Мэ, Дэвэ́л, Саво́ дэ́ла зор лавэ́скэ, со пхэндя́ Миро писха́ри, Саво́ кэрэ́ла пир лава́, со пхэнэ́на бичхадэ́ мануша́ Лэ́скэ, Саво́ ракирэ́ла кэ Ерусалимо: “Явэ́на тэ дживэ́н дрэ ту́тэ”, – и кэ фо́рья Юда́скирэ: “Тумэ́ на явэ́на буты́р роспхагирдэ́, Тумэ́ явэ́на нэвэ́стыр чхудэ́, и Мэ нэвякирава тумарэ́ руи́ны.”

Ереме́ё 29:11

И Мэ Кокоро́ джино́м (джина́в) Мирэ́ планы ваш тумэ́нгэ’ – ракирэ́ла Рай Дэвэ́л’, – планы, соб (кай) тэ явэ́л рама́нё (миро), а на чорипэ́н, соб (кай) тумэ́ндэ тэ явэ́л лачхо́ ужакирибэ́н (наде́я) пэ дывэса́, со ишчо (инкэ́) явэ́на.

Naumo 1:15

Акэ, дыкхэ́н кодолэскирэ пирэ́ (сто́пы) пэ бэ́рга, саво́ пхэнэ́ла бахталы́ звесь (зан), саво́ ракирэ́ла зоралэ́с пал рама́нё (миро)! “О Юдэие! Кэр свэнкитка скаминда, выпхэрдякирэн пэ́скирэ совлаха́, пал-дова́ со буты́р ние́кх фуй ману́ш на проджа́ла пир ту́тэ: ёв исын сарэ́са хасякирдо.”

Isajos 52:6

Палдава́ уджинэла Миро народо Миро лав, палдава́ уджинэла дро дова́ дывэ́с, со Мэ сом Одова́, Кон пхэндя́: Акэ, Мэ сом!”