Isajos 40:7 - Библия - Пэ Балтитко Романи чиб (Романэс) 2019

⁷ Чар зашутёла, лулуди́ (цвэто) зашутёла, а ко́ли пхурдэла пэ лэ́стэ Рай-Дэвэ́л, адя́кэ и народо – ёв исын чар.

Biblija - Pe Baltitko Romani čib (Romanes) 2019

⁷ Čar zašutjola, luludí (cveto) zašutjola, a kóli phurdela pe léste Raj-Devél, adiáke i narodo – jov isyn čar.

Isajos 40:7 Referans Kwoze

Ióvo 41:21

[28] Булавы ячэ́напэ лэ́стэ сы́рбы пхус; ёв салапэ, сыр страхакирэна пхусабнытконэ бутяса.

Jakov 1:10

и барвало́ ману́ш, мэк ёв тэ шарэлпэ, ке́ли мануша́ ладжакирэна лэс, пал-дова́ со явэ́ла часо и лэ́скиро барвалыпэ́н хасёла, сыр фэлды́тка лулудя́ (цвэты) пир чар.

Jakov 1:11

Пал-дова́ со уштэ́ла кхам и шутькирэла чар пэ́скирэ хачкирибнаса, и ла́кирэ лулудя́ (цвэты) пэрэ́на, и саро́ шукарибэн хасёла, адя́кэ-паць и хасёла барвало́ ману́ш сарэ́са, со ёв кэрдя́.

Ióvo 4:9

Ёнэ хасёна Дэвлэ́скирэ пхурдыпнастыр, Лэ́скирэ-духоскири холы́ похала лэн сарэ́са.

Ióvo 14:2

Ёв выбарьёла сыр лулуди́ (цвэто) и лэс чингирэна тэлэ́; и ёв нашэла криг сыр зэр (тень) и буты́р лэс нанэ.

Psalmy 90:5

Пал-дова́ со бар (тысёнцо) бэрш ваш Ту́кэ исын сыр атасятуно дывэ́с, со прогия́ (накхця), и сыр стрэ́га (стража) ратякири.

Psalmy 90:6

Ту лыджа́са криг амарэ́ бэрша́ сыр тасадыпнаскиро панинг (наводнениё); ёнэ исын сыр линдра (дремота): тасярлатыр ёнэ исын сыр чар, со барьёла: и злокостыр (ранкостыр) ёй лулудёла (цвэтинэла) и ячэ́лапэ зэлэно, а бэльвэле́ ёй мурдалёла (вянинэла) и вышутёла.

Psalmy 102:4

Пал-дова́ со мирэ́ дывэса́ проджа́на (накхэ́на) сыр тхув, и мирэ́ кокалы́ обхачинэ сыр ґлоўні.

Psalmy 103:16

сы́рбы балва́л, со сы́гэс провурняла и нанэ лэс и нико́н на уджинэла лэ́скиро штэ́то.

Isajos 11:4

Ёв явэ́ла тэ сэндякиринэл чорорэн чачипна́са; кодолэнгирэ, кон страдынэла пэ пхув, рэ́нды чачипна́са россэндякирэла; Ёв Пэ́скирэ вуштэнгирэ дэстэса марэла пхув, Пэ́скирэ вуштэнгирэ духо́са замарэла грэхитконэ́ манушэ́с.

Isajos 37:27

Мануша́, савэ́ одо́й дживэ́на, хасякирдэ́ пэ́скири зор, издран, прилэ́н ладжаипэ́н, ёнэ кэрдэ́пэ, сыр чар пэ фэ́лда, сыр зэлэны ковлы чар, сыр чар, со пэ кхэр барьёла, сыр схачкирдо маро́ анги́л дова́, сыр ёв гия́ дрэ колосы.

Isajos 40:24

Акэ, ёнэ наґара чхудэ́, наґара барьякирдэ́, наґара дрэ пхув придживдэпэ, нэ сыр Ёв пхурдыя пэ лэ́ндэ, и ёнэ вышутинэ, и балва́л лыджия́ лэн криг, сыр пхус.

Isajos 51:12

“Мэ, Мэ Кокоро́ подрикирава тумэн. Кон ту сан, ко́ли дарэса манушэ́стыр, саво́ мэрэ́ла, дарэса манушэ́скирэ чхавэстыр, саво́ исын адасаво́, сыр чар?

Agiejo 1:9

“Тумэ́ ужакирэ́на бут, нэ чачипна́са далэ́стыр явэ́ла на́бут, и ке́ли тумэ́ янэ́на дава́ кхэрэ́, Мэ роспхурдава криг. Со́скэ? – ракирэ́ла янголэ́нгирэ-болыбна́скиро, Рай Дэвэ́л: ‘Ваш дова́, со Миро кхэр исын дрэ руи́ны, нэ кажно (сва́ко) тумэ́ндыр прастала кэ пэ́скиро кхэр.

Psalmy 103:15

Манушэ́скирэ дывэса́ исын сы́рбы чар, сыр лулуди́ (цвэто), со исын пэ фэ́лда, адя́кэ-паць и ману́ш дживэ́ла: