Isajos 40:6 - Библия - Пэ Балтитко Романи чиб (Романэс) 2019

⁶ Зан ракирэ́ла: “Пхэн!” “Нэ со ма́нгэ тэ пхэна́в?” “Кажно лоч (плоть) – чар, а гожыпэн ла́киро – сыр лулуди́ (цвэто) фэлдытко.

Biblija - Pe Baltitko Romani čib (Romanes) 2019

⁶ Zan rakiréla: “Phen!” “Ne so mánge te phenáv?” “Kažno loč (plot') – čar, a gožypen lákiro – syr luludí (cveto) feldytko.

Isajos 40:6 Referans Kwoze

Psalmy 102:11

Ту пэ́скирэ холя́тыр и барэ́ холынатыр, ґаздыян ман и чхурдыян дро хма́ро (туча),

Ióvo 14:2

Ёв выбарьёла сыр лулуди́ (цвэто) и лэс чингирэна тэлэ́; и ёв нашэла криг сыр зэр (тень) и буты́р лэс нанэ.

Isajos 58:1

“Кхар зоралэ́ заня́са, на андырша; ґа́здэ тыри́ зан сыр ро́го (труба), сыка́в Мирэ́ народоскэ пэ лэ́скирэ налачхэ́ рэ́нды, сыка́в Яково́скирэ кхэрэ́скэ пэ лэ́скирэ грэ́хи.

Psalmy 92:7

Набарэ́-годя́киро ману́ш на джинэ́ла дава́, дылыно́ на галёла:

Ереме́ё 31:6

И явэ́ла дывэ́с, ке́ли э ракхибнаскирэ (стражы) пэ бэ́рга Ефре́мо, явэ́на тэ дэн го́дла: ‘Уштэ́н, джа́са пэ Сио́но кэ Рай Дэвэ́л, амаро́ Дэвэ́л’”

Ереме́ё 2:2

“Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).

Isajos 40:3

Зан, сави́ годлэла пэ чхучи́ пхув: “Кэрэ́н дром Ра́скэ-Дэвлэ́скэ, кэрэ́н пэ мал (степ) маму́й дрома́ ваш амарэ́ Дэвлэ́скэ.

Isajos 37:27

Мануша́, савэ́ одо́й дживэ́на, хасякирдэ́ пэ́скири зор, издран, прилэ́н ладжаипэ́н, ёнэ кэрдэ́пэ, сыр чар пэ фэ́лда, сыр зэлэны ковлы чар, сыр чар, со пэ кхэр барьёла, сыр схачкирдо маро́ анги́л дова́, сыр ёв гия́ дрэ колосы.

Isajos 12:6

Яв лошалы (весёло), ра́дынпэ, манушны Сионо́стыр, пал-дова́ со баро́ исын машки́р ту́тэ Свэ́нто Израилёскиро.”

Osija 5:8

Пхурдэ́н дро бакрано ро́го дрэ Гива́, пхурдэ́н дро ро́го (труба), дрэ Ра́ма; дэн го́дла зоралэ́с дро Беф-Авэно, дыкх жа пала́л пал пэ́стэ, о Вениамино!

Isajos 51:12

“Мэ, Мэ Кокоро́ подрикирава тумэн. Кон ту сан, ко́ли дарэса манушэ́стыр, саво́ мэрэ́ла, дарэса манушэ́скирэ чхавэстыр, саво́ исын адасаво́, сыр чар?

Заха́рия 1:14

И пхэндя́ ма́нгэ Янго́ло, саво́ ракирдя́ ма́нца: “Ушты́ и пхэн: ‘Адя́кэ ракирэ́ла янголэ́нгиро-болыбна́скиро Рай Дэвэ́л: ‘Росхолясыём Мэ пэ Ерусалимо и пэ Сио́но барэ́ холя́са;