Isajos 40:11 - Библия - Пэ Балтитко Романи чиб (Романэс) 2019

¹¹ Сыр чхупна́ри Ёв ракхэ́ла Пэ́скирэ бакрэ́н; а бакрорэ́н лэ́ла Ёв пэ васта́ и явэ́ла тэ лыджа́л пэ Пэ́скиро колы́н, и савэ́ дэ́на тхуд тэ лыджа́л.

Biblija - Pe Baltitko Romani čib (Romanes) 2019

¹¹ Syr čhupnári Jov rakhéla Péskire bakrén; a bakrorén léla Jov pe vastá i javéla te lydžál pe Péskiro kolýn, i savé déna thud te lydžál.

Isajos 40:11 Referans Kwoze

Sykadyipén 7:17

сыр Свэ́нто Бакроро́, Саво́ исын машкира́л троно, явэ́ла тэ чалякирэл лэн и тэ лыджа́л кэ ґанынгорья джидэ́-панескирэ. И Дэвэ́л выкхосэла кажно ясвин лэ́нгирэ якхэ́ндыр.”

Mihiejo 5:4

И Ёв тэрдёла и Ёв явэ́ла тэ чаравэл Лэ́скирэ-бакрэнгири стада Ра́скирэ-Дэвлэ́скирэ зоралыпнаса, лавэскирэ райканыпнаса Ра́стыр-Дэвлэ́стыр, Лэ́скирэ Дэвлэ́стыр. И ёнэ ячэ́напэ тэ дживэ́н би дара́киро, пал-дова́ со Ёв явэ́ла Баро́ пэ яго́ры (пэ краи́) пхувья́кирэ.

Езэкилё 34:23

И Мэ чхува́ва лэ́нгэ екхэ чхупнарис, саво́ явэ́ла тэ чаравэл лэн, Мирэ́ писхари́с Давидо́с, ёв явэ́ла тэ чаравэл лэн, ёв явэ́ла лэ́нгиро чхупна́ри.

1 Petr 2:25

Пал-дова́ со тумэ́ са́нас хасибны́тка бакрэ́, савэ́ блэндынэнас, нэ какана́ тумэ́ рисинэ́ кэ тумаро́ Чхупна́ри (Пастырё) и кэ Кхангирья́киро Дыкхибнаскиро (Блюстителё), Саво́ ракхэ́ла тумаро́ ди.

Езэкилё 34:31

“И со тумэ́ сан Мирэ́ бакрэ́, бакрэ́ Мирэ́ скэдыибна́стыр, тумэ́ сан мануша́, а Мэ сом тумаро́ Дэвэ́л”, – ракирэ́ла Рай Дэвэ́л, Дэвэ́л.

1 Petr 5:4

И ке́ли явэ́ла Са́мо Барэды́р Пастырё (Чхупна́ри), Христо́со, тэды тумэ́ дорэсэ́на славакири коро́на, сави́ явэ́ла тэ зяинэл ве́чнэс.

Юдэ́нгэ 13:20

Дэвэ́л, Саво́ дэ́ла рама́нё (миро), Саво́ отджидякирдя́ мулэ́ндыр амарэ́ Рас-Дэвлэ́с, Исусо́с Христосо́с, Барэ́ Чхупнарис пир рат вечнонэ Заветостыр,

Psalmy 80:1

Хоро́скирэ Дирижоро́скэ. Допхэныбэ́н пэ Лилиякири Мелодия. Асафоскиро Пса́лмо.

Заха́рия 11:7

И Мэ чарадём бакрэ́н, савэ́ джа́на тэл чхури, бакрэ́н, чачэс, чорорэн. Мэ лыём Пэ́скэ дуй саструнэ́ дэстэ́ (жэзлы) и Мэ лыём тэ кхарав екх ‘Шук’, а яви́р – ‘Саструнэ́ Пэнты, и чарадём бакрэ́н.

Езэкилё 37:24

А Миро писха́ри, Дави́до, явэ́ла лэ́нгиро кра́ли и Чхупна́ри (Пасту́хо), ёнэ явэ́на тэ псирэ́н дрэ Мирэ́ припхэныбэна́, явэ́на тэ кэрэ́н пир Мирэ́ лава́.

Džiibén 33:13

Яково пхэндя́ лэ́скэ: “Миро рай джинэ́ла, со чхаворэ́ исын назоралэ (зломка), а кхэри́тка мурдала́ (ското) дэ́на цюця (тхуд) лэ́нгирэ тыкнэнгэ; ко́ли тэ традэс лэс екх дывэ́с, тэды мулёла саро́ ското;

Езэкилё 34:16

“Сави́ нашадяпэ – одоля латхава, сави́ сыс утрадыны – одоля рискира́ва, сави́ сыс дукхады – одоля пирипхандава, а одоля, сави́ яця́ древа́н тхулы и одоля, сави́ на кандэ́ла – лэн хасякира́ва Мэ; Мэ ява́ва тэ чаравав лэн чачипна́са.

Džiibén 49:24

нэ яця́пэ зорало́ лэ́скиро лу́ко, и зоралэ́ исын лэ́скирэ-вастэнгирэ маса́, зоралэ́ Яково́скирэ-Дэвлэ́скирэ вастэ́ндыр. Одотхы́р исын Чхупна́ри и Израилёскири тва́рдыма,

Isajos 63:11

Тэ́ньци Лэ́скиро народо пририпирдя ґаратунэ́ Мойза́скирэ дывэса́: “Кай исын Одова́, Саво́ вылыджия́ лэн морёстыр (дэрьявэстыр) чхупнариса, Саво́ чаравэла Лэ́скирэ бакрэ́н? Кай исын Одова́, Саво́ чхудя́ Пэ́скиро Свэ́нто Ду́хо (Фа́но) дро лэ́скиро ило́?

Isajos 42:3

Спхагирдо дэсто́ Ёв на пхагирэ́ла, яг сави́, сыг мурдёла, Ёв на мурдякирэла, Ёв явэ́ла тэ кэрэ́л сэ́ндо чачипна́са.

Psalmy 27:10

Ке́ли миро дад и мири́ дай мэкэ́на ман, усае́кх Рай Дэвэ́л прилэ́ла ман.

Psalmy 28:9

Зра́кх Пэ́скирэ манушэ́н и бахтякир Тыро́ мэкно́ миштыпэ́н, чарав лэн и лы́джа лэн пэ сарэ́ ве́ки.

Psalmy 37:3

Допатя Ра́скэ-Дэвлэ́скэ и кэр лачхипэ́н, джив пэ пхув и приракх чачипэ́н.

Psalmy 100:3

Джинэ́н, со Рай Дэвэ́л исын амаро́ Дэвэ́л! Ёв создыя́ амэн, нэ амэ на кокорэ́ пэ́стыр явдя́м пэ дава́ свэ́то; амэ сам Лэ́скирэ мануша́ и амэ сам бакрэ́ Лэ́скирэ ґуртостыр.

Ереме́ё 31:8

Дыкхэ́н, Мэ яна́ва палэ лэн паш-ратитконэ́ тхэмэстыр, и Мэ скэда́ва лэн самонэ ягорэндыр пэ пхув. Машкир лэ́ндэ явэ́на: корори, и лангалы, пхари́ джувлы́, и джувлы́, савьякэ, трэй тэ биянэ́л-кхэтанэ́; баро́ скэдыибэ́н (сонмо) явэ́ла палэ [рисёла-р.с.] ада́й!

Ереме́ё 31:10

Шунэ́н лав Ра́скирэ-Дэвлэ́скиро, о мануша́лэ нацые́ндыр, и пхэнэ́н дава́ зоралэ́с сарэ́нгэ пэ островы, со исын дур, и пхэнэ́н: “Ёв, Кон росчхудя́ тэ дживэ́л Израилё, скэдэ́ла лэс, и Ёв явэ́ла тэ ракхэ́л Пэ́скирэ манушэ́н, сыр чхупна́ри (пастырё) Пэ́скиро ґурто.

Езэкилё 34:2

“Манушэ́скиро чхава! Пхэн пир лав ангилпхэныбэ́н пэ Израилёскирэ чхупнарьендэ (пастырендэ), пхэн пир лав ангилпхэныбэ́н, пхэн лэн, чхупнарьенгэ: Адя́кэ ракирэ́ла Рай Дэвэ́л, Дэвэ́л: ‘Бида Израилёскирэ чхупнарьенгэ, савэ́ кокорэ́ пэс чаравэнас! Ци на бакрэ́н трэй тэ чаравэн чхупнарьенгэ?

Mihiejo 7:14

(Дэ́вла!) Чарав дэстэса Тырэ́ манушэ́н, кон исын дро ґурто Тырэ́-миштыпнаскиро, савэ́ дживэ́на кокорэ́ пэ́скэ дро вэш, машки́р Кармило: мэк ёнэ тэ чаравэнпэ пэ Васа́но и пэ Галаа́до, сыр сыс дрэ ґаратунэ́ дывэса́.

Заха́рия 13:7

О, Курта́ля! Ѓаздэпэ пэ пастырёстэ Мирэстэ и пэ сэмэнцатэ Мирьятэ, ракирэ́ла янголэ́нгирэ-болыбна́скиро Рай Дэвэ́л. Замар пастырёс, и роспрастанапэ бакрэ́! И Мэ протырдава васт Миро кэ тыкнэ́.

Езэкилё 34:15

Мэ ява́ва тэ чаравав Мирэ́ бакрэ́н, Мэ ява́ва тэ ракхав лэн,” – ракирэ́ла Рай Дэвэ́л, Дэвэ́л.