Isajos 40:10 - Библия - Пэ Балтитко Романи чиб (Романэс) 2019

¹⁰ Акэ, Рай Дэвэ́л, Дэвэ́л явэ́ла зорья́са и Лэ́скиро васт исын зорья́са. Акэ, мазу́ри (награда) Лэ́скири исын Лэ́са, Ёв отдэ́ла палэ сарэ́нгэ анги́л Пэ́скиро муй.

Biblija - Pe Baltitko Romani čib (Romanes) 2019

¹⁰ Ake, Raj Devél, Devél javéla zorjása i Léskiro vast isyn zorjása. Ake, mazúri (nagrada) Léskiri isyn Lésa, Jov otdéla pale sarénge angíl Péskiro muj.

Isajos 40:10 Referans Kwoze

Sykadyipén 22:12

“Акэ, Мэ ява́ва сы́гэс (ракирэ́ла Христо́со), – соб (кай) Мэ тэ отдав палэ кажнонэ́скэ пир дова́, со ёв кэрдя́.

Isajos 62:11

Акэ, Рай Дэвэ́л пхэнэ́ла кэ сари́ пхув: “Пхэнэ́н патывалэ́ чхакэ Сионо́стыр: акэ, джа́ла тыро́ Зракхибнари, Лэ́скири мазу́ри (награда) исын Лэ́са, и отдыибэ́н Лэ́скиро исын анги́л Лэ́стэ.

Sykadyipén 17:14

Ёнэ явэ́на тэ марэ́нпэ проти Свэнтонэ́ Бакрорэстэ и Свэ́нто Бакроро́ лэ́ла упралыпэ́н пэ лэ́ндэ, пал-дова́ со Ёв исын Кра́ли Кралье́ндыр, Рай Дэвэ́л ра́ндыр, кхэтанэ́ пэ́скирэ выкэдынэ́ и патяибнытконэ манушэ́нца, савэ́ исын пашы́л Лэ́стэ.

Матфеё 28:18

На Ису́со явдя́ и пхэндя́ лэ́нгэ; “Саро́ право дыно́ Ма́нгэ, сыр пэ болыбэ́н, адя́кэ пэ пхув.

Isajos 49:4

А Мэ пхэндём: “Ивья́ (напра́снэс) Мэ кэравас буты́, Мэ нашадём (хасякирдём) пэ́скири зор. Нэ миро чачипэ́н кэ Рай Дэвэ́л; Дэвэ́л миро отпарикирэла Ма́нгэ.”

Isajos 59:15

Нанэ чачипэ́н; одолэ́с, кон ракхэлапэ чорипна́стыр, лэс ёнэ кошэна. Дыкхця́ дава́ Рай Дэвэ́л и намишто яця́ анги́л Лэ́скирэ якха́, со нанэ сэ́ндо.

1 Ian 3:8

Кодова́, кон кэрэ́ла грэ́хи, исын налачхэстыр, пал-дова́ со на́лачхо кэрдя́ грэ́хи англыпна́стыр. Ваш дава́ и явдя́ Дэвлэ́скиро Чхаво́, соб (кай) тэ пхаравэл налачхэскирэ бутя́.

Joannostir 12:15

“На андыршан, Сионоскирэ мануша́лэ! Акэ, тыро́ Кра́ли традэ́ла кэ ту, уклистэ́ пэ тэрнэ́ ослостэ.”

Psalmy 110:6

Ёв явэ́ла тэ сэндякирэ́л машки́р Наюды́тка на́цыи; Ёв ячкирэ́ла пэ сарэ́ штэ́ты пир пхув тру́пы; Ёв злэла шэрэ́ барыдырэндэ, кон хулаинэла пир бари пхув.

Юдэ́нгэ 2:14

Пал-дова́, со сыр сарэ́-манушэ́нгирэ чхавэ́ндэ исын рат и лоч (плоть), адя́кэ-паць и Ёв прилыя́ саро́, сыр ману́ш, ке́ли бия́ндыя, соб (кай) пир Пэ́скиро мэрибэ́н Ёв могиндя́ тэ хасякирэ́л налачхэскири зор пэ мэрибэ́н;

Joannostir 12:13

лынэ́ пальматыр рандя́ и выгинэ́ анги́л Лэ́стэ и годлэнас: “Асанна! Мэк тэ явэ́л бахтякирдо́, Саво́ джа́ла ваш Дэвлэ́скиро лав, Кра́ли Израилёскиро!”

Isajos 53:12

Палдава́ Мэ да́ва Лэ́скэ котэ́р (паш) машки́р барэндэ, и зоралэнца Ёв дорэсыбэ́н роскэрэла (розделинэла), пал-дова́ со Ёв отдыя́ Пэс пэ мэрибэ́н. Лэс гиндлэ́ пал прахаристэ, нэ Ёв лыджия́ пэ Пэ́стэ бутэ́-манушэ́нгиро грэ́хо и пал прахарьендэ адя́кэ мангэлас.

Psalmy 66:3

Пхэнэ́н Дэвлэ́скэ: “Савэ барэ́ кэ дар исын Тырэ́ бутя́! Тырэ́ вэ́рги ячэ́на тэ кандэ́н Тут пал Тыро́ зоралыпэ́н.

Sykadyipén 20:11

И мэ дыкхцём баро́ парно́ троно и Екхэ́с, Кон сыс бэшто́ пэ лэ́стэ. Пхув и болыбэ́н нашэнас криг Лэ́скирэ мо́стыр и штэ́то на сыс латхно лэ́нгэ.

Малахия 3:1

“Акэ, Мэ бичхава́ва Мирэ́ Янголо́с (звесь-яныбнаскирэс), и ёв кэрэ́ла дром анги́л Ма́ндэ. О Рай Дэвэ́л, Савэс родэ́на тумэ́, явэ́ла кэ Пэ́скири Кхангири́, и Янго́ло (звесь-яныбнаскиро) пэ дава́ завето, Савэс камэ́на тумэ́: акэ, Ёв джа́ла”, – ракирэ́ла янголэ́нгирэ-болыбна́скиро Рай Дэвэ́л.

Isajos 28:2

Акэ, састо́ и зорало́ исын Растэ-Дэвлэ́стэ сыр баро́ брышы́нд барэ́нца, сыр хасякирибнытко балва́л, сыр шумно пани́, саво́ ґаздыя́пэ и зорья́са чхурдэ́ла пэ пхув.

Isajos 33:2

Раё Дэ́вла! Зра́кх амэн! Пэ Ту́тэ исын амари́ наде́я. Яв тася́рлэс (ра́нэс) амарэ́ вастэ́са, амарэ́ зракхибнаса дро пхаро́ часо.

Isajos 51:5

Пашылэды́р исын Миро чачипэ́н; и джа́ла упрэ́ Миро зракхибэ́н и васт Миро сэндякирэ́ла народы. Островы явэ́на тэ рикирэ́н наде́я пэ Ма́ндэ, и явэ́ла наде́я пэ Миро васт.

Isajos 59:16

И Ёв дыкхця́, со нанэ манушэ́с, дивно яця́ Лэ́скэ, со нанэ одолэ́с, кон бы тэ затэрдёл, помогиндя бы Лэ́скэ Лэ́скиро васт, и чачипэ́н Лэ́скиро Лэс подрикирдя.

Isajos 59:18

Ёв отдэ́ла палэ фуипнаса, кицы́ трэй, кицы́ трэй явэ́ла дрэ холы́ кэ Пэ́скирэ вэ́рги, Ёв отхала (отдэ́ла) палэ Пэ́скирэ вэргэ́нгэ; островэнгэ Ёв отдэ́ла палэ.

Isajos 63:5

Мэ дыкхцём, нэ на сыс никонэ́с, кон бы дыя́ васт (помогиндя); дивиндёмпэ, со на подрикирдя нико́н, нэ помогиндя Ма́нгэ Миро васт, и Мири́ холы́ подрикирдя Ман.

Džiibén 15:1

Пало́ далэ́ рэ́нды (де́лы) Ра́скирэ-Дэвлэ́скиро лав сыс дро дыкхибэ́н Аврамоскэ, и сыс пхэндло́: “Авраме, на дар; Мэ сом тыро́ шчы́то; мазу́ри (награда) ту́кэ тыро́ исын древа́н бари.

Ереме́ё 31:16

Адя́кэ ракирэ́ла Рай Дэвэ́л: “Обрикирпэ роибнастыр, и тырэ́ якха́ ясвэндыр; пал-дова́ со дова́, со ту кэрдя́н пэ́скирэ биятэнгэ, рисёла лачхипна́са, – ракирэ́ла Рай Дэвэ́л: ‘Тырэ́ бияты явэ́на палэ вэргоскирэ пхувья́тыр.