Isajos 4:5 - Библия - Пэ Балтитко Романи чиб (Романэс) 2019

⁵ И создэла (кэрэ́ла) Рай Дэвэ́л упра́л пэ кажно штэ́то, саво́ исын пэ Сионо́скири бэ́рга, и упра́л пэ ла́киро скэдыибэ́н о́блоко и тхув дывэсэ́, и ягитко дуд раты́; пал-дова́ со упра́л саро́, со исын патывало, явэ́ла учхакирдо.

Biblija - Pe Baltitko Romani čib (Romanes) 2019

⁵ I sozdela (keréla) Raj Devél uprál pe kažno štéto, savó isyn pe Sionóskiri bérga, i uprál pe lákiro skedyibén óbloko i thuv dyvesé, i jagitko dud ratý; pal-dová so uprál saró, so isyn patyvalo, javéla učhakirdo.

Isajos 4:5 Referans Kwoze

Ниеми́я 9:12

Дро сты́лбо облокэнгиро Ту лыджиян лэн-дывэсэ́ и дро сты́лбо ягало – раты́, соб (кай) тэ пир лэ́нгиро дром тэ явэ́л битяло.

Psalmy 78:14

И Ёв лыджия́ лэн болыбна́скирэ облокоса дывэсэ́, а ягакирэ дудэса (свэтоса) раты́.

Isajos 60:1

“Ушты́ (ґаздэпэ), хачов сыр дуд (свэ́то), Ерусалимо; явдя́ тыро́ дуд (свэ́то) и бари паты́в Ра́скирэ-Дэвлэ́скири гия́ упрэ́ пэ ту́тэ.

Isajos 46:13

Подги́я Миро чачипэ́н, ёв исын на́дур, сы́гэс явэ́ла Миро зракхибэ́н; Мэ да́ва зракхибэ́н Сионоскэ, а Израилёскэ – Мири́ паты́в.

Isajos 33:20

Подыкх пэ Сио́но, фо́ро, кай проджа́ла амаро́ свэнкитко скэдыибэ́н; тырэ́ якха́ явэ́на тэ дыкхэ́н Ерусалимо, штэ́то, кай нанэ марибэ́н, ша́тра, сави́ на пэрэ́ла, бэранда ла́кирэ николи на роспхадёна, и ни екх шыло на чхинэлапэ [на роскушэлапэ-р.с.].

Psalmy 85:9

Мэ ява́ва тэ шунав, со Рай Дэвэ́л, Дэвэ́л пхэнэ́ла: пал-дова́ со Ёв явэ́ла тэ ракирэ́л пал рама́нё (миро) Пэ́скирэ манушэ́нгэ и Пэ́скирэ дэвлытконэнгэ, соб (кай) ёнэ тэ на пэрэ́н нэвэ́стыр дро дылныпэ́н.

Матфеё 28:20

сыклякирэ́н лэн тэ кэрэ́н саро́, со Мэ припхэндём тумэ́нгэ. И, акэ, Мэ сом тумэ́нца кэ векоскиро ко́нцо (яго́ро).”

Psalmy 89:7

Кон пэ болыбэ́н исын равно Ра́скэ-Дэвлэ́скэ? Конэ́с машки́р болыбна́скирэ Янголэндэ сашты́ тэ припарувэн Ра́са-Дэвлэ́са.

Vygiiben 14:24

И дрэ тасярлакири (раннё) стрэ́га подыкхця́ Рай Дэвэ́л пэ Египтянэнгиро ста́но ягакирэ облокоскирэ стылбостыр, и кэрдя́ конфузо дро Египтянэнгиро ста́но;

Isajos 37:35

‘Мэ зракха́ва дава́ фо́ро, зракха́ва лэс ваш Пэ́скэ и ваш Давидо́скэ, Мирэ́ писхари́скэ.”

Isajos 32:18

Тэ́ньци миро народо явэ́ла тэ дживэ́л пэ штэ́то, кай исын рама́нё (миро), пэ штэ́то, кай на дарэ́на, пэ бахталэ́ штэ́ты, кай откхинёна.

Psalmy 111:1

Аллилуя. Мэ ява́ва тэ славинав и тэ парикира́в Ра́скэ-Дэвлэ́скэ сарэ́ мирэ́ илэ́са машки́р чачипнаскирэндэ и пэ скэдыибэ́н.

Vygiiben 26:7

И кэр дэки (цэрги) бузненгирэ вылна́тыр, соб (кай) тэ заучхакирэн ша́тра; дэшуекх цэрги кэр дасавэ́;

Vygiiben 26:1

Ша́тра (ски́ния) кэр дэшэ цэргэндыр (покрывалэндыр) крэнцэнонэ висоно́стыр, и голубовонатыр, пурпуровонатыр и чэрвлёнонэ вылна́тыр, и кэр херувимы пэ лэ́ндэ высудэ бутяса;

Матфеё 18:20

Пал-дова́ со, кай дуй ци трин явнэ́ кхэтанэ́ ваш Миро лав, одо́й Мэ сом машки́р лэ́ндэ.”

Vygiiben 24:16

и Ра́скирэ-Дэвлэ́скири сла́ва закэрдя бэ́рга Синаё; и учхакирэ́ла ла о́блоко шов дывэса́, а пэ эфта́то дывэ́с кхардя́ Рай Дэвэ́л кэ Пэ Мойза́с облокостыр.

Psalmy 105:39

Дэвэ́л росчхудя́ о́блоко тэ гаравэн лэн, и яг тэ явэ́л лоса́са (свэ́то чхонэстыр) лэ́нгэ раты́.

Isajos 60:2

Акэ, калыпэ́н (цямлыпэ́н) закэрэла пхув, и калыпэ́н учхакирэ́ла народы, а упралэстыр пэ ту́тэ Рай Дэвэ́л зазяинэла, и бари паты́в Лэ́скири сыкадёла упрэ́ пэ ту́тэ.