Isajos 39:6 - Библия - Пэ Балтитко Романи чиб (Романэс) 2019

⁶ ‘Акэ, явэ́на дывэ́с и саро́, со исын дрэ тыро́ кхэр, со скэдынэ́ тырэ́ дада́, лыджа́на криг дро Вавило́но, ничи́ на ячэ́лапэ, – ракирэ́ла Рай Дэвэ́л.

Biblija - Pe Baltitko Romani čib (Romanes) 2019

⁶ ‘Ake, javéna dyvés i saró, so isyn dre tyró kher, so skedyné tyré dadá, lydžána krig dro Vavilóno, ničí na jačélape, – rakiréla Raj Devél.

Isajos 39:6 Referans Kwoze

4 Kralip 24:13

И вылыджия́ ёв одотхы́р сарэ́ кучипэна Ра́скирэ-Дэвлэ́скирэ Кхэрэскир и барвалыпэ́н крали́скирэ кхэрэ́скиро; и пхагирдя́, сыр выпхэндя Рай Дэвэ́л, сарэ́ сувнакунэ́ кхорэ́ (сасу́ды), савэ́ о Соломо́но, Израилёскиро кра́ли, кэрдя́ дрэ Кхангири́ Ра́скирэ-Дэвлэ́скири.

Ереме́ё 20:5

И Мэ отда́ва саро́ форо́скиро барвалыпэ́н, и сари́ лэ́скири бажын, и сарэ́ лэ́скирэ дро́га предме́ты (чысы), и саро́ кучипэ́н, со сыс Юдэя́кирэ кралье́ндэ, и саро́ лэ́ндыр чорэна, и отлэна, и лыджа́на лэн кэ Вавило́но.

Дание́лё 1:2

И дыя́ о Рай Дэвэ́л дро лэ́скиро васт э Иокимос, Юдэя́кирэ крали́с, и ада́кицы кхорэ́ (сасу́ды) Дэвлытконэ́ кхэрэ́стыр, и ёв бичхадя́ лэн пэ пхув Сеноар, кэ лэ́скирэ Дэвлэ́скиро кхэр, и яндя́ адалэ́ сарэ́ кхорэ́ дрэ пиралы́ ваш казна лэ́скирэ дэвлэскири.

2 Паралипоменоно 36:18

И сарэ́ Дэвлэ́скирэ Кхэрэскирэ кхорэ́ (сасу́ды) барэ́ и тыкнэ́, и кучипэна Ра́скирэ-Дэвлэ́скирэ Кхэрэскирэ, и барвалыпэ́н лэ́скирэ крали́скиро и тхагарьенгиро (князенгиро), саро́ ёв яндя́ дро Вавило́но.

2 Паралипоменоно 36:10

Сыр гия бэрш, бичхадя́ кра́ли Навуходоносо́ро, и припхэндя́ тэ лэн лэс дро Вавило́но кхэтанэ́ дрогонэ́ кхорэнца Ра́скирэ-Дэвлэ́скирэ Кхэрэскир, и яця́ крали́са пэ Юдэе́ндэ и Ерусалимо о Сэдэки́я, лэ́скиро пшал.

Езэкилё 23:26

и ёнэ злэна ту́тыр тыро́ урибэ́н, залэна тырэ́ шукарьякирибэна куч-барорэ.

Дание́лё 1:3

И пхэндя́ о кра́ли Асфеназоскэ, кон сыс барыдыро́ лэ́скирэ евнухэнгиро, соб (кай) ёв тэ янэл Израилёскирэ чхавэ́н, савэ́ тэ явэ́н кралитконэ и тхагаритконэ родо́стыр,