Isajos 38:5 - Библия - Пэ Балтитко Романи чиб (Романэс) 2019

⁵ “Джа́, пхэн Езекияскэ: адя́кэ ракирэ́ла Рай Дэвэ́л, Давидо́скиро, тырэ́-дадэ́скиро Дэвэ́л: ‘Мэ шундём тыри́ па́тери (моли́тва), дыкхцём тырэ́ ясва и, акэ, Мэ да́ва ту́кэ, соб (кай) ту тэ дживэ́с ишчо (инкэ́) дэшупандж бэрш.

Biblija - Pe Baltitko Romani čib (Romanes) 2019

⁵ “Džá, phen Jeziekijaske: adiáke rakiréla Raj Devél, Davidóskiro, tyré-dadéskiro Devél: ‘Me šundjom tyrí pátieri (molítva), dykhcjom tyré jasva i, ake, Me dáva túke, sob (kaj) tu te dživés iščo (inké) dešupandž berš.

Isajos 38:5 Referans Kwoze

Sykadyipén 7:17

сыр Свэ́нто Бакроро́, Саво́ исын машкира́л троно, явэ́ла тэ чалякирэл лэн и тэ лыджа́л кэ ґанынгорья джидэ́-панескирэ. И Дэвэ́л выкхосэла кажно ясвин лэ́нгирэ якхэ́ндыр.”

Psalmy 56:8

Ци ёнэ нашэ́на каратыр пал пэ́скиро чорипэ́н? Дэвлалэ! Пхара́в кэ пхув далэ́-манушы́тка на́цыи дрэ Пэ́скири холы́.

Luka 1:13

Нэ Янго́ло пхэндя́ Лэ́скэ: “На андырша, Заха́рия, пал-дова́ со Дэвэ́л шундя́ тыро́ мангипэ́н, и тыри́ ромны́ биянэ́ла чхавэ́с, и ту дэ́са лав Лэ́скэ Иа́но.

Psalmy 147:3

Ёв састякирэла одолэ́н, конэ́стэ исын пхаро́ пэ ило́, и Ёв пирипхандэла лэ́нгирэ франсы (раны).

Psalmy 116:15

[6] Пхаро́ исын Ра́скирэ-Дэвлэ́скирэ якхэнгэ тэ дыкхэ́н мэрибэ́н Лэ́скирэ свэнтонэнгиро.

2 Коринфянэнгэ 7:6

Нэ Дэвэ́л, Саво́ подрикирэ́ла манушэ́н, савэ́ исын сы́рбы притасадэ, подрикирдя амэн и бичхадя́ Титос амэ́нгэ;

4 Kralip 19:20

Тэ́ньци бичхадя́ Исаё, Амососкиро чхаво́ зан (звесь), кэ Езэки́я тэ пхэнэ́л: ‘Адя́кэ ракирэ́ла Рай Дэвэ́л, Дэвэ́л Израилёскиро: Дова́, пал со ту мангдя́пэ Ма́нгэ проти Сенахиримостэ, Асирия́кирэ крали́стэ, Мэ шундём.

Матфеё 22:32

‘Мэ сом Аврамоскиро Дэвэ́л, и Исако́скиро Дэвэ́л, и Яково́скиро Дэвэ́л’? Ёв исын Дэвэ́л джидэ́-манушэ́нгиро, а на мулэнгиро.”

4 Kralip 18:2

Биш тэ пандж бэрш сыс лэ́скэ, ке́ли ёв яця́ крали́са, и биш тэ еня́ бэрш ёв сыс крали́са дро Ерусалимо; лав лэ́скирэ-да́киро сыс Ави, Захарияскири чхай.

3 Kralip 8:25

И акана́, Раё Дэ́вла, Дэ́вла Израилёскиро, кэр пир лав тырэ́ писхари́скэ Давидо́скэ, дадэ́скэ мирэ́скэ, дова́, со ракирдян Ту лэ́скэ, пхэни́: “На пириячэ́ла ту́тэ анги́л муй Миро ману́ш, саво́ явэ́ла тэ бэшэ́л пэ троно Израилёскиро, ко́ли тырэ́ чхавэ́ явэ́на тэ рикирэнпэ пэ́скирэ дромэскэ, тэ псирэ́н анги́л Ма́ндэ адя́кэ, сыр ту псирдян анги́л Ма́ндэ.

Apostolengiri Butý 27:24

и пхэндя́: “На андырша, Павле! Ту явэ́са тэ тэрдёс пэ сэ́ндо анги́л кхенинго́стэ (кесарёстэ); и, ґа́да, Дэвэ́л даринэла джиибэ́н сарэ́нгэ, кон плывинэла (дэла плима) ту́са.”

Psalmy 39:12

Ту сыклякири и дэ́са кара (хась) и сыкавэса банг манушэнтэ пал лэ́нгиро чорипэ́н, Ту хасякирэса, сыр моль дова́, со ёв камэ́ла; чачо́, кажно ману́ш исын сыр балвалитко пхурдыпэн. Сэ́ла.

Ióvo 14:5

Ко́ли лэ́скирэ дывэса́ ангилпхэндлэ, и лэ́скирэ-джиибна́скирэ дывэса́ исын джиндлэ́ Ту́кэ; и Ту ґаздыян вучэ́с лэ́скэ ме́жы, соб (кай) ёв нашты́ тэ пириджал лэн,

4 Kralip 18:13

Пэ дэшуштарто бэрш Езэкия́скиро крали́скиро, гия́ Сенахиримо, Асирия́киро кра́ли, проти сарэ́ндэ Юда́скирэ фо́рья зоралэ́ тынэ́нца и лыя́ лэн.

3 Kralip 15:4

Нэ ваш Давидо́скэ Рай Дэвэ́л, Дэвэ́л лэ́скиро, дыя́ лэ́скэ момолы́тко (свети́льнико) дро Ерусалимо, чхудя́ пало́ лэ́стэ кра́ли чхавэ́с лэскирэс и зоралякирдя Ерусалимо.

2 Паралипоменоно 34:3

Пэ охто́то бэрш пэ́скирэ кралипнаскиро, ке́ли сыс ёв ишчо (инкэ́) тэрно́ ману́ш, ёв лыя́ тэ явэ́л кэ пэ́скирэ-дадэ́скиро Давидо́скиро Дэвэ́л; а пэ дэшуявир бэрш лыя́ тэ жужакирэл Юдэ́я и Ерусалимо вучипнэндыр и свэнцонэ вэшэ́стыр и кажнонэ́ вычхиндлэ́ и вычхудэ́ идолэндыр.

Isajos 38:4

Сыс Ра́скирэ-Дэвлэ́скиро лав кэ Исаё, и сыс пхэндло́:

Psalmy 6:9

Джа́н криг ма́ндыр сарэ́ чорэ́ мануша́. Пал-дова́ со Рай Дэвэ́л шундя́ миро роибэ́н.

Ekliesiastos 3:3

часо тэ мулякирэ́н, и часо тэ састякирэн; часо тэ пхагирэн тэлэ́, и часо тэ ґаздэ́н кхэр;

Isajos 37:21

И бичхадя́ Исаё, Амососкиро чхаво́, кэ Езэки́я, соб (кай) тэ пхэнэ́н: “Адя́кэ ракирэ́л Рай Дэвэ́л, Дэвэ́л Израилёскиро: ‘Ту мангдянпэ Ма́нгэ проти Сенахиримостэ, Асирия́кирэ крали́стэ.’

Roiben 3:56

Ту шундя́н мири́ зан: “На гарав Тыро́ кан, сыр мэ да́ва ΄гондя, сыр мэ ровава.”